slc
logo
Home   |    News
අගෝස්තු 13, 2022
දැවැන්ත ජයකින් ග්‍රේස් දෙවැනි තැනට එයි

sinhala editor

ආරාධිත පනදුවාර විස්සයි-20 ක්‍රිකට් තරගාවලියේ මෙතෙක් කණ්ඩායමක් රැස් කරන ලද ඉහළම ලකුණු සංඛ්‍යාව (166) වාර්තා කිරීමට ග්‍රේස් කණ්ඩායම සමත්වීමත් සමඟ ග්‍රීන්ස් පිලට එරෙහිව අද (13 දා) පැවැති තීරණාත්මක තරගයේදී ලකුණු 81 ක දැවැන්ත තරග ජයක් වාර්තා කිරීමට ග්‍රේස් කණ්ඩායම සමත්විය. මෙම ජයත් සමඟම මෙතෙක් ප්‍රසාද ලකුණු සටහනේ සිව්වැනි තැන රැඳී සිටි ග්‍රේස් පිල දෙවැනි ස්ථානය දක්වා ඉදිරියට පැමිණීමට සමත්ව සිටියි.

එම නිසා ලබන 15 වැනිදා පැවැත්වීමට නියමිත අවසන් මහ තරග අවස්ථාවට සුදුසුකම් ලැබීම සඳහා රෙඩ්ස් කණ්ඩායමට අවස්ථාව දිනා ගැනීමට නම් බ්ලූස්ට එරෙහිව රාත්‍රියේ පැවැත්වෙන තරගය ජය ගැනීම අනිවාර්යය වනු ඇත. කෙසේ වෙතත් දසුන් ශානකගේ නායකත්වයෙන් යුතු ග්‍රීන්ස් කණ්ඩායම ලද අනපේක්ෂිත පරාජය හේතුවෙන් ප්‍රසාද ලකුණු සටහනේ සිව්වැනි තැන දක්වා පහත බැස්සා පමණක් නොව අවසන් මහ තරග බලාපොරොත්තුවද අහිමි විය.

කාසියේ වාසිය පරාජය වුවද ග්‍රීන්ස් නායක දසුන් ශානකගේ ආරාධනයෙන් පළමුව පන්දුවට පර දුන් ග්‍රේස් කණ්ඩායම නියමිත පන්දුවාර 20 අවසනදී කඩුලු 7 කට ලකුණු 167 ක ඉලක්කයක් ප්‍රතිවාදීන් හමුවේ ලබාදීමට සමත්විය. එහෙත් එය හඹා යෑමේදී නොසිතූ පසුබෑමකට මුහුණ දුන් ග්‍රීන්ස් කණ්ඩායම පන්දුවාර 15.5 කදී ලකුණු 85 කට සීමා විය.

පන්දු යැවීමේදී පුලින තරංග සහ මුදිත ලක්ෂාන් කඩුලු 3 බැගින් දවා ගනිද්දී අශාන් ප්‍රියන්ජන ලකුණු 11 කට කඩුලු 2 ක් දවා ගත්තේය. පන්දුවට පහර දීමේදී නිරෝෂන් දික්වැල්ල (27) සහ දිනේෂ් චන්දිමාල් (24) හරුණු විට සෙසු කිසිම පිතිකරුවකු ග්‍රේස් පන්දු යවන්නන්ට අභි‌යෝගයක් එල්ල කිරීමට අසමත්වූහ.

කඩුල්ලකට ලකුණු 66 ක් ලෙස සටහන් වුණු ග්‍රීන්ස් ලකුණු පුවරුව චන්දිමාල් දැවී යෑමත් සමග කඩා වැටිණ. ඒ සමඟම තරගයට අවතීර්ණ වුණු ප්‍රතිවාදී ග්‍රේස් පන්දු යවන්නෝ ලකුණු පුවරුවට ලකුණු 19 ක් එක් වද්දී ග්‍රීන්ස් පිලේ නම් දාරා සිටින සියලු පිතිකරුවෝ දවා ගත්හ.

පළමු කඩුල්ලට එක් වුණු තනුක දාබරේ සහ කසුන් විදුර පන්දු 70 කදී ලකුණු 119 ක වේගවත් ලකුණු සම්බන්ධතාවක් එක් කරමින් සාර්ථක ආරම්භයක් ලබා දීමට සමත්වීම කැපී පෙනුණු. එම සම්බන්ධතාව පෙරටු කොට මෙතෙක් වැඩිම ලකුණු සංඛ්‍යාවක් ලබා සිටි කණ්ඩායමට බවට පත්ව සිටි ග්‍රීන්ස් (රෙඩ්ස්ට එරෙහි තරගයේදී කඩුලු 6 ට රැස් කරන ලද ලකුණු 161) දෙවැනි තැනට ඇද දැමීමට ද ග්‍රේස් කණ්ඩායමට හැකියාව ලැබිණ.

එහිදී කැපී පෙනුණු තනුක දාබරේ පන්දු 40 කදී ලකුණු 66 ක් රැස් කරන ලද්දේ මෙතෙක් තරගාවලියේ පිතිකරුවකු වාර්තා කරන ලද තෙවැනි අර්ධ ශතකය ලෙසින් සටහන් විය. එම ඉනිම හයේ පහර 2 කින් සහ හතරේ පහර 8 කින් සන්නද්ධ විය. මෙය ඔහුගේ පළමු පෙළ විස්සයි-20 තරග දිවියේ දෙවැනි අර්ධ ශතකය ලෙසින් සටහන් විය. ඔහුට අනගි සහායක් ලබා දුන් කසුන් විදුර පන්දු 31 කදී ලකුණු 36 ක් ලබා ගත්තේ හයේ පහරක් සහ හතරේ පහර 4 ක් තම ඉනිමට ඇතුළත් කර ගනිමිනි.

තරගයේ වීරයා – තනුක දාබරේ

ග්‍රේස් පන්දුවාර 20 කදී කඩුලු 7 ට ලකුණු 166 යි – (තනුක දාබරේ 66, කසුන් විදුර 36, මිනෝද් භානුක 20, චරිදු රත්නායක 13, ලක්ෂාන් සඳකැන් 14/2, දසුන් හානක 20/2)

ග්‍රීන්ස් පන්දුවාර 15.1 කදී සියලු දෙනා දැවී ලකුණු 85 යි – (පැතුම් නිස්සංක 15, නිරෝෂන් දික්වැල්ල 27, දිනේෂ් චන්දිමාල් 24, පුලින තරංග 12/3, මුදිත ලක්ෂාන් 17/3, අශාන් ප්‍රියන්ජන් 11/2)

Active filters

Recent Posts

  • පානදුර⁣ට ලකුණු පහක තියුණු ජයක්
    ශ්‍රී ලංකා ක්‍රිකට් ආයතනය මෙහෙය වන මේජර් අන්තර් සමාජ විස්සයි 20 ක්‍රිකට් තරගාවලියේ අද (18) පැවැති තරග දෙකකදී තියුණු තරගයකින් පසුව පාණදුර කණ්ඩායම ලකුණු පහකින් ප්‍රබල කෝල්ට්ස් කණ්ඩායම […]
  • චිලව් මේරියන්ස් – මුවර්ස් ජය ලබති
     අන්තර් සමාජ මේජර් විස්සයි 20 ක්‍රිකට් තරගාවලියේ අද (17) පැවැති තරග අතුරින් චිලව් මේරියන්ස් සහ මුවර්ස් කණ්ඩායම් ජයග්‍රහණ අත්කර ගත්හ.  චිලව් මේරියන්ස් කඩුලු හතරකින් බදුරලිය පරාජය කළ අතර […]
  • අවුරු. 23 න් පහළ කාන්තා ක්‍රිකට් දෙවැනි දිනය වැස්සට සේදෙයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 23 න් පහළ කාන්තා පන්දුවාර විස්සයි-20 ක්‍රිකට් තරගාවලිය යටතේ අද (17 දා) පස්වරුවේ පැවැත්වීමට නියමිතව තිබූ තරග 2 ම අයහපත් කාලගුණය […]
  • ක්‍රීඩකයින් 420 ක් LPL වෙන්දේසියට සුදුසුකම් ලබති
    මෙරට පැවැත්වෙන මහා ක්‍රිකට් සැණකෙළිය හේවත් ලංකා ප්‍රිමියර් ලීග් (LPL) පන්දුවාර විස්සයි-20 ක්‍රිකට් තරගාවලියේ ක්‍රීඩක වෙන්දේසිය එළැඹෙන මැයි 21 වැනිදා ප.ව. 12.00 සිට කොළඹ හිල්ටන් හෝටල් පරිශ්‍රෙය්දී පැවැත්වෙන අතර […]
  • පුහුණු තරගවලට පෙර කුසල්ට කණ්ඩායම සමඟ එකතුවේවි – ඈෂ්ලී ද සිල්වා
    ලෝක කුසලාන ක්‍රිකට් තරගාවලියට සහභාගිවීම සඳහා ඇමරිකා එක්සත් ජනපදය වෙත යෑමට වීසා ඇයැදුම් කර ඇති ශ්‍රී ලංකා ක්‍රිකට් කණ්ඩායමේ ඉදිරි පෙළ පිතිකරු කුසල් මෙන්ඩිස්ගේ වීසා බලපත්‍රය එම තානාපති කාර්යාලය […]

Pin It on Pinterest

USD United States (US) dollar