slc
Home   |    News
සැප්තැම්බර් 5, 2022
අභිනව අවුරුදු 19 න් පහළ බාළිකා පළාත් තරගාවලිය හෙට ඇර‌ඹෙයි

sinhala editor

මෙරට කාන්තා ක්‍රිකට් ක්‍රීඩාවට ශක්තිමත් දෙවැනි පෙළ කණ්ඩායමක් නිර්මාණයකර ගැනීමේ මූලික අරමුණ ඇතිව ශ්‍රී ලංකා ක්‍රිකට් ආයතනය විසින් සංවිධානය කරනු ලබන වයස අවුරුදු 19 න් පහළ බාළිකා යූත් ලීග් ක්‍රිකට් තරගාවලිය සැප්තැම්බර් මස 06 වැනිදා රංගිරි දඹුලු ජාත්‍යන්තර ක්‍රිකට් ක්‍රීඩාංගණයේදී ආරම්භ වේ.

ජාතික සංවර්ධන ක්‍රිකට් වැඩපිළිවෙළ යටතේ පවත්වනු ලබන මෙම පන්දුවාර විස්සයි-20 තරගාවලිය සඳහා කණ්ඩායම් 6 ක් තරග වදිති. කොළඹ උතුර, කොළඹ දකුණ, මහනුවර, දඹුල්ල, ගාල්ල සහ ගාල්ල පිටත යන කණ්ඩායම් 6 ට ක්‍රීඩිකාවන් 78 දෙනෙකු තරග වදිනු ලබන මෙම තරගාවලිය වයස අවුරුදු 19 න් පහළ වයස් කාණ්ඩය යටතේ පළාත් බාලිකා ක්‍රිකට් තරගාවලියක් පවත්වනු ලබන පළමු අවස්ථාව වශයෙන්ද සනිටුහන් වේ. දකුණු පළාත නියෝජනය කරමින් පාසල් වැඩි සංඛ්‍යාවක් ක්‍රීඩා කිරීමත්, ඒ හා සමාන දක්ෂතාවයෙන් යුතු ක්‍රීඩිකාවන් පසුවීමත් නිසා දකුණු පළාත වෙනුවෙන් කණ්ඩායම් 2 ක් (ගාල්ල සහ ගාල්ල පිටත) තරග වැදීම විිශේෂත්වයක් වේ.

අන්තර් පාසල් බාලිකා ක්‍රිකට් තරගාවලියේදී දක්ෂතා දක්වන ලද ක්‍රීඩිකාවන්ට අමතරව තරගාවලිය ඉලක්ක කර ගනිමින් පවත්වන ලද ගවේෂණාත්මක තරග වලදී දක්ෂතා දක්වන ලද ක්‍රීඩිකාවන් මෙම තරගාවලියට ක්‍රීඩා කිරීම සදහා වරම් ලබා සිටිති.

සැප්තැම්බර් මස 06 වැනිදා ආරම්භ වන මෙම තරගාවලියේ අවසන් මහ තරගය සැප්තැම්බර් මස 14 වැනිදා රංගිරි දඹුලු ක්‍රීඩාංගණයේදී පැවැත්වේ. ලීග් ක්‍රමය යටතේ පැවැත්වෙන මූලික තරග වටයේදී සෑම කණ්ඩායමක්ම තරග 5 කට ක්‍රීඩා කරනු ඇත.

තරගාවලියේ ශූරතාව වෙනුවෙන් කුසලානට අමතරව රුපියල් ලක්ෂ 3 ක්ද, අනුශූරතාව සදහා ලක්ෂ 2 ක මුදලක්ද පිරිනැමීමට කටයූතු යොදා තිබේ. මීට අමතරව තරගාවලියේ දක්ෂතම ක්‍රීඩිකාවට  රු. 75,000 ක්, දක්ෂතම පිතිකාරිණිය සහ පන්දු යවන්නියට රු. 50,000 ක මුදලට අමතරව අවසන් මහ තරගයේ දක්ෂතම ක්‍රීඩිකාවට රුපියල් 25,000 ක මුදලක්ද පිරරිනැමෙනු ඇත.

Active filters

Recent Posts

  • මදුෂ්ක සහ මදුශංක ශ්‍රී ලංකා ‘ඒ’ පිල දිනවති
    Chamila Karawita reporting from Pakkekele නිශාන් මදුෂ්කගේ විශිෂ්ඨ ශතකයත් (107) සහ ඩිල්ෂාන් මදුශංකගේ සුපිරි පන්දු යැවීමත් (44/4) නිසා දකුණු අප්‍රිකානු ‘ඒ’ කණ්ඩායමට එරෙහිව පල්ලකැලේ ජාත්‍යන්තර ක්‍රීඩාංගණයේදී අද (06 […]
  • ලංකා ප්‍රිමියර් ලීග් 2023 තරගාවලියේ තාක්ෂණික කමිටුව නම් කරයි
    ශ්‍රී ලංකා ක්‍රිකට් ආයතනය විසින් සිව්වැනි වතාවටත් පවත්වනු ලබන ලංකා ප්‍රිමියර් ලීග් – 2023 පන්දුවාර විස්සයි-20 ක්‍රිකට් තරගාවලියේ තාක්ෂණික කමිටුව සඳහා සිව් දෙනෙකුගෙන් යුත් කමිටුවක් පත් කර තිබෙන […]
  • ඒස් කැපිටල් සහ කුරුණෑගල යූත්ට ජය
    ක්‍රිකට් ආයතනය මෙහෙය වන මේජර් අන්තර් සමාජ විස්සයි 20 ක්‍රිකට් තරගාවලියේ අද (05) පැවැති තරග දෙක අතුරින් එස්.එස්.සී. සහ ඒස් කැපිටල් තරගය තියුණු මුහුණුවරක් ගත් අතර ඒස් කැපිටල් […]
  • එක්දින ගමන් මග පිළිබඳ සතුටුවිය හැකියි – ක්‍රිස් සිල්වර්වුඩ්
    ශ්‍රී ලංකා ක්‍රිකට් පිලේ එක්දින ගමන් මඟ සම්බන්ධයෙන් පුහුණුකරු ලෙස තමන් වඩාත් සතුටට පත්වන බව ක්‍රිස් සිල්වර්වුඩ් මහතා පැවැසීය. තරග තුනකින් සමන්විත ශ්‍රී ලංකා – ඇෆ්ගනිස්තාන එක්දින ක්‍රිකට් […]
  • ඕෂදගෙන් නායකත්වයේ ඉනිමක්
    ගාලු ක්‍රීඩා සමාජ නායක ඕෂද ප්‍රනාන්දු නායකත්වයේ ඉනිමක් ක්‍රීඩා කිරීමට සමත්වීම නිසා අද (04) නිගම්බු ක්‍රීඩා සමාජයට එරෙහි තරගයේදී පන්දු 55කදී ලකුණු 72ක් ලබා ගැනීමෙන් පිත්තෙන් කැපී පෙනිණ. […]
USD United States (US) dollar

Pin It on Pinterest