slc
Home   |    News
සැප්තැම්බර් 1, 2022
අසිතට විස්සයි-20 වරම්, ශ්‍රී ලංකාව පන්දු යවයි

sinhala editor

ආසියානු කුසලාන ක්‍රිකට් තරගාවලිය යටතේ බංග්ලාදේශයට එරෙහිව ඩුබායි ජාත්‍යන්තර ක්‍රිකට් ක්‍රීඩාංගණයේ පැවැත්වෙන තීරණාත්මක විස්සයි-20 තරගයේ කාසියේ වාසිය දිනූ ශ්‍රී ලංකා නායක දසුන් ශානක පළමුව පන්දු යැවීමට තීරණය කළේය.

ශ්‍රී ලංකා පිලේ ප්‍රධාන වේග පන්දු යවන්නා වුණු  දුෂ්මන්ත චමීර වෙනුවට කණ්ඩායමට කැඳවූ අසිත ප්‍රනාන්දු අද විස්සයි-20 වරම් දිනාගැනීමට සමත්වූවේය. අසිත කණ්ඩායමට පැමිණීමේදී පළමු තරගයට ක්‍රීඩා කළ මතීෂ පතිරණට සිය ස්ථානය අහිමිව තිබේ. ආසියානු කුසලාන තරගාවලිය ඉලක්ක කොට පැවැති ආරාධිත පන්දුවාර විස්සයි-20 ක්‍රිකට් තරගාවලියේ වැඩිම කඩුලු ලාභියා වීමෙන් පසු ඔහුට ජාතික කණ්ඩායමේ දොරගුළු විවර විය.

ප්‍රතිවාදී  බංගලදේශ පිල මෙම තරගයට පෙර ඇෆ්ගනිස්තානයට එරෙහිව පැවැති තරගය පරාජයට පත්වීම නිසා ආරම්භක පිතිකරුවන් යුගලයම වෙනස් කොට තරගයට අවතීර්ණ වීම කැපී පෙනෙයි.පෙර තරගයේ ආරම්භක පිතිකරුවන් වූ මොහොමඩ් නයීම් සහ එනමුල් හක් වෙනුවට සබීර් රෙහ්මාන් මොහදි හසන්ව කැඳවා තිබේ. ඊට අමතරව එබොදත් හොසේන් අද විස්සයි-20 තරග වරම් දිනාගෙන සිටියි

ශ්‍රී ලංකා පිල – කුසල් මෙන්ඩිස්, පැතුම් නිශ්ශංක, චරිත් අසලංක, ධනුෂ්ක ගුණතිලක, භානුක රාජපක්ෂ, දසුන් ශානක (නායක), වනිඳු හසරංග, චාමික කරුණාරත්න, මහීෂ් තීක්ෂණ, අසිත ප්‍රනාන්දු, ඩිල්ෂාන් මධුශංක

බංග්ලාදේශ පිල –  හසන් මිරාස්, සබීර් රෙහ්මාන්, මොසදෙක් හොසේන්, ශකීබ් අල් හසන් (නායක), මුෂ්ෆිකර් රහීම්, මහමුදුල්ලා, මෙහෙදි හසන්, අෆීෆ් හොසේන්, ටස්කින් අහමඩ්, එබොදත් හොසේන්, මුස්ටෆිසුර් රෙහ්මාන්.

Active filters

Recent Posts

  • ශ්‍රී ලංකාවෙන් ප්‍රසාද ලකුණක් ගිලිහෙයි
    නවසීලන්තයට එරෙහිව පැවැති පළමු එක්දින තරගයේදී නියමිත වේලාවට පන්දුවාර සංඛ්‍යාව යවා අවසන් කිරීමට අපොහොසත් වුණු ශ්‍රී ලංකා කණ්ඩායමට ලෝක කුසලාන සුපර් ලීග් ප්‍රසාද ලකුණු සටහනෙන් තවත් එක් ලකුණක් […]
  • මහේල නවසීලන්තයට නොයෑම ගැන ශ්‍රී ලංකා ක්‍රිකට් කරුණු පහදයි
    ශ්‍රී ලංකා ක්‍රිකට්හි ‘පුහුණු උපදේශකවරයා’ ලෙසින් කටයුතු කරන මහේල ජයවර්ධන ශ්‍රී ලංකා කණ්ඩායම සහභාගිවන සෑම සංචාරයකදීම ජාතික කණ්ඩායම සමඟ සංචාරයට සහභාගි නොවන බව ශ්‍රී ලංකා ක්‍රිකට් දැනුම් දී […]
  • යොවුන් පිලට අවසන් මහ තරග අවස්ථාව ගිළිහෙයි
    අබුඩාබි නුවර පැවැත්වෙන වයස අවුරුදු 19 න්  පහළ තුන්කොන් එක්දින ක්‍රිකට් තරගාවලියේ අවසන් මහ තරගයට සුදුසුකම් ලබා ගැනීම සඳහා ශ්‍රී ලංකා යොවුන් කණ්ඩායමට තිබූ අවසන් අවස්ථාව වූ ඇෆ්ගනිස්තානයට […]
  • දඹුල්ලේ අපරාජිත බව බිඳ වැටෙයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේදී දඹුල්ල පිලේ අපරාජිත බව බිද දැමූ ගෝල් ක්‍රීඩකයෝ කඩුලු 5ක ජයක් වාර්තා කළහ. දැනටමත් අවසන් මහා තරගයට […]
  • කැන්ඩි දෙවැනි වරටත් ජැෆ්නාට පරදී
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේදී දෙවැනි වරටත් කැන්ඩි පිල පරාජය කිරීමට ජැෆ්නා ක්‍රීඩකයෝ සමත් වූහ. කොළඹ සිංහල ක්‍රීඩා සමාජ ක්‍රීඩාංගණයේ   පැවති තරගයෙන් […]
LKR Sri Lankan rupee

Pin It on Pinterest