slc
Home   |    News
සැප්තැම්බර් 11, 2022
එංගලන්ත යෞවනයෝ තෙවැනි තරගය කඩුලු 2 කින් ජය ගනිති

sinhala editor

එංගලන්ත වයස අවුරුදු 19 න් පහළ කණ්ඩායම සමඟ තරග සංචාරයක නියැළී සිටින ශ්‍රී ලංකා යොවුන් කණ්ඩඩායම සහභාගිවුණු තෙවැනි එක්දින තරගයෙන්ද කඩුලු 2 ක පරාජයක් එංගන්තය හමුවේ අත්වින්දේය. මෙම තරගාවලියට පෙර පැවැති  තරග 2 කින් සමන්විත ටෙස්ට් තරගාවලිය 1-0 ක් ලෙස ජය ගත්තද තරග 3 කින් සමන්විත එක්දින තරගාවලිය 3-0 ක් ලෙස ජය ගැනීමට එංගලන්ත යොවුන් ක්‍රීඩකයෝ සමත්වූහ.

ලෙයිස්ටර්හි පැවැති  මෙම තරගයේදී කාසියේ වාසිය දිනූ එංගලන්ත නායකයා පළමුව පන්දුවට පහර දීම සදහා ශ්‍රී ලංකාවට ආරාධනා කර සිටි අතර එහිදී පන්දුවාර 50 අවසනදී සියලු දෙනා දැවී ලකුණු 252 ක් රැස් කර ගැනීමට සමත්වූවේය. එම පිළිතුරු ඉනිම ක්‍රීඩා කිරීමේදී එංගලන්ත පිල පන්දු 33 ක් ඉතිරිව තිබියදී කඩුලු 8 ක් දැවී ඉලක්කය සපුරා ගියේය.

ලකුණු 253 ක ඉලක්කයක් හඹා යෑම සදහා පිටියට පිවිසි එංගලලන්ත කණ්ඩායම වෙනූවෙන් සාර්ථක ආරම්භයක් එක් කිරීමට ආරම්භකපිතිකරුවෝ සමත්වූහ. ලුනු 48 ක එම සම්බන්ධාතවයෙන් පසු 8 වැනි කඩුල්ල වෙනුවෙන් තෝමස් ඇස්පින්වෝල් සහ බර්ට් ෆෝර්මන් එක්ව ගොඩනංවන ලද ලකුණු 73 ක සම්බන්ධතාව එංගලන්ත යොවුන් පිලට ජය මාවත විවර කර දුන්නේය.

එහිදී ඇස්‌පින්වෝල් පන්දු 45 කදී ලකුණු 30 ක්ද ෆෝර්මන් පන්දු 49 කදී ලකුණු 30 ක්ද ලබා ගත්හස. පන්දු යැවීමේදී මල්ෂ තරුපති ලකුණු 45 කට කඩුලු 3 ක්ද සංජුල සහන් ලකුනු 42 කට කඩුලු 2 ක් ද බිද හෙළූහ.

ශ්‍රී ලංකා යොවුන් පිල වෙනුවෙන් යළිත් සාර්ථක වුණු රනුධ සෝමරත්න පන්දු 93 කදී ලකුණු 76 ක් ලබා ගත්තේය. ඔහුට අමතරව අංජල බණ්ඩාර පන්දු 82 කදී ලකුණු 76 ක් රැස් කළේය. ඔහුට අමතරව තුන් ඉරියව් ක්‍රීඩක මනුජ සහන් ලකුණු 37 ක් ලබා ගත්තේය.

ශ්‍රී ලංකා යොවුන් පිල පන්දුවාර 50 කදී ලකුණු 252 යි – (රනුද සෝමරත්න 76, අංජල බණ්ඩාර 76, වනුජ සහන් 37, අසිත වන්නිනායක 17, රවීන් ද සිල්වා 17, ජමාල් රිචර්ඩ්ස් 42/2, තෝමස් ඇස්පින්වෝල් 38/2, මිචෙල් කිලීන් 56/2)

එංගලන්ත යොවුන් පිල පන්දුවාර 44.4 කදී කඩුලු 8 ට ලකුනු 253 යි – (ජෙකොබ් බෙතෙල් 42, ජෝර්ජ් තෝමස් 29, බෙන් මැක්කිනි 27, ජමාල් රිචර්ඩ්ස් 28, තෝමස් ඇස්පින්වෝල් නොදැවී 30, බර්ටි  ෆෝර්මන් 30, මල්ෂ තරුපති 45/3, වනුජ සහන් 42/2)

Recent Posts

  • ශ්‍රී ලංකාව පන්දු යැවීමට තීරණය කරයි
    නවසීලන්තයට එරෙහිව ඕක්ලන්ඩ්හිදී පැවැත්වෙන පළමු එක්දින තරගයේ කාසියේ වාසිය දිනා ගත් ශ්‍රී ලංකා නායක දසුන් ශානක පළමුව පන්දුවට පහර දීම සඳහා සත්කාරක නවසීලන්ත කණ්ඩායමට ආරාධනා කර සිටියේය. මෙම […]
  • අවධානම අඩු කර ගැනීමේ පළමු සටනට ශ්‍රී ලංකා පිල සූදානම් – දසුන්
    BY CHAMILA KARAWITA ලෝක කුසලාන ක්‍රිකට් තරගාවලියට සුදුසුකම් ලබා ගැනීම වෙනුවෙන් පැවැත්වෙන සුපිරි ලීග් තරගාවලිය යටතේ ශ්‍රී ලංකා කණ්ඩායම සහභාගිවන අවසන් එක්දින තරගාවලිය නවසීලන්ත කණ්ඩායමට එරෙහිව හෙට (25 […]
  • දඹුල්ල සිව්වැනි ජයත් සමඟින් අපරාජිතව ඉදිරියට
    නැෂනල් සුපර් ලීග් එක්දින සීමිත පන්දුවාර ක්‍රිකට් තරගාවලියේ අද (23 දා) රංගිරි දඹුලු ජාත්‍යන්තර ක්‍රීඩාංගණයේ පැවැති තරගයේදී ජැෆ්නා කණ්ඩායම ලකුණු 76 ක පරාජයකට ඇද දැමූ දඹුල්ල කණ්ඩායම පිට […]
  • කෲස්පුල්ලේගෙන් අනුකම්පා විරහිත පිතිහරඹයක්
    ශ්‍රී ලංකා ක්‍රිකට් ආයතනය විසින් මෙහෙයවනු ලබන නැෂනල් සුපර් ලීග් සීමිත පන්දුවාර ක්‍රිකට් තරගාවලියේ මූලික තරග වටය යටතේ අද (23 දා) පල්ලකැලේ ජාත්‍යන්තර ක්‍රීඩාංගණයේ පැවැති තරගයේදී ලකුණු 167 […]
  • යාපනයේ ක්‍රිකට් ගැන විතූෂාන් කතා කරයි
    යාපනයේ සිට පැමිණි තරුණි තරුණ ක්‍රිකට් ක්‍රීඩකයන් පස්දෙනෙකුම මේ වන විට අන්තර් සමාජ නියෝජනය කරමින් ජාතික මට්ටමෙන් තරග කරන අතර ඔවුනගේ අපේක්ෂාව වන්නේ ජාතික කණ්ඩායමට ඇතුළත්ව මව්බිමට කීර්තියක් […]
LKR Sri Lankan rupee

Pin It on Pinterest