slc
logo
Home   |    News
සැප්තැම්බර් 12, 2022
දිවයිනට එන ආසියානු ශූරයින්ට විශිෂ්ඨ පිළිගැනීමක්

sinhala editor

ආසියානු කුසලාන ක්‍රිකට් තරගාවලියේ ශූරතාව දිනාගෙන සිටින ශ්‍රී ලංකා කණ්ඩායම ශ්‍රී ලංකාවට සම්ප්‍රාප්තවීමේදී ඔවුනව මහත් හරසරින් යුතුව පිළිගැනීමට ශ්‍රී ලංකා ක්‍රිකට් ඇයතනය පියවර ගෙන තිබේ. ශ්‍රී ලංකා ක්‍රිකට් කණ්ඩායමේ නිල අනුග්‍රාහක ආයතනය වන ඩයලොග් ආසියාටා පී.එල්.සී. සහ ක්‍රීඩා අමාත්‍යාංශය සමඟ එක්ව ශ්‍රී ලංකා ක්‍රිකට් ආයතනය මෙම පිළිගැනීමේ උත්සවය සංවිධානය කරනු ඇත.

ආසියානු ක්‍රිකට් ශූරතා ඉතිහාසයේ 6 වැනි වතාවටත් ශූරතාව දිනාගැනීමට සමත් වූ දසුන් ශානකගේ නායකත්වයෙන් යුතු ශ්‍රී ලංකා කණ්ඩායම හෙට අලුයම 4.45 ට ශ්‍රී ලංකාවට පැමිණෙන අතර එහිදී ශ්‍රී ලංකා ක්‍රිකට් ආයතන බලධාරීන් සහ ක්‍රීඩා අමාත්‍යාංශ නිලධාරීන් විසින් ඔවුන්ව කටුනායක බණ්ඩාරනායක ගුවන්තොටුපොළේදී පිළිගැනෙනු ඇත.

මෙම අවස්ථාව සඳහා ක්‍රීඩා අමාත්‍යාංශයේ අධ්‍යක්ෂක ජනරාල් අමල් එදිරිසූරිය මහතා සහ ශ්‍රී ලංකා ක්‍රිකට් ආයතනයේ ගරු උප සභාපති ආචාර්ය ජයන්ත ධර්මදාස මහත්වරු ඇතුළු නිලධාරීන් සහභාගිත්වයෙන් පැවැත්වෙනු ඇත.

එම පිළිගැනීමෙන් පසු ශ්‍රී ලංකා කණ්ඩායම පෙ.ව. 6.30 ට ‘ඩබල් ඩෙකර්’ (විවෘත බසයකින්) බසයකට නැගී කටුනායක, කොළඹ ප්‍රධාන මාර්ගය ඔස්සේ රථ පෙරහැරකින් කොළඹ 07, මෙට්ලන්ඩ් පෙදෙසේ පිහිටි ශ්‍රී ලංකා ක්‍රිකට් මූලස්ථානය වෙත පැමිණෙනු ඇත.  සාමාන්‍ය මාර්ගය ඔස්සේ විවෘත බස් රථයක නැඟී (ඩබල් ඩෙකර්) කොළඹට සම්ප්‍රාප්ත වනු ඇත.  ඒ අතර මඟදී ශ්‍රී ලංකා කණ්ඩායමට සුභ ප්‍රාර්ථනා එක් කිරීමේ අවස්ථාව ක්‍රීඩා ලෝලීන්ට උදාවනු ඇත.

මෙරට සුවහසක් ක්‍රිකට් ලෝලී රසික රසිකාවියන් හා ප්‍රේක්ෂකයන්ට ජාතික ධජයද සමඟ මග දෙපසට රොක්ව අපේ ආසියානු ශූරයන්ට සුබ පැතුම් එක් කරන්නට අත්වැල් බැඳගන්නා මෙන් ශ්‍රී ලංකා ක්‍රිකට් ආයතනය විවෘතව ඇරයුම් කර සිටියි.

Active filters

Recent Posts

  • දඹුල්ල පිලේ රනේෂ් සිල්වාගෙන් ශතකයක්
    ශ්‍රී ලංකා ක්‍රිකට් ආයතනය සංවිධානය කරන මෙරට ප්‍රධානතම දේශීය ක්‍රිකට් තරගාවලිය වන නැෂනල් සුපර් ලීග් (NSL) සිවුදින තරගාවලියේ ඊයේ (23) ආරම්භ වූ තරගයකදී දඹුල්ල කණ්ඩායම නියෝජනය කරන රනේෂ් […]
  • ශ්‍රී ලංකා කාන්තා කණ්ඩායමේ ලෝක කුසලාන සුදුසුකම් ලැබීමේ තරග
    බංග්ලාදේශයේ පැවැත්වෙන මීළඟ කාන්තා ලෝක කුසලාන කාන්තා විස්සයි 20 තරගාවලියට සුදුසුකම් ලැබීමේ තරගාවලියට සහභාගි වන ශ්‍රී ලංකා කාන්තා ක්‍රිකට් කණ්ඩායම එක්සත් අරාබි එමීර් රාජ්‍යයේ අබුඩාබි නගරයේදී බ්‍රහස්පතින්දා (25) […]
  • චමරි අතපත්තු ලොව අංක 1ට ශ්‍රේණිගත වේ
    ජාත්‍යන්තර ක්‍රිකට් සමුළුවේ ක්‍රිකට් ක්‍රීඩක ක්‍රීඩිකාවන්ගේ නවතම ශ්‍රේණිගත කිරීම් අනුව එක්දින තරග පිතිකාරිණියන් අතුරින් ශ්‍රී ලංකාවේ චමරි අතපත්තු ප්‍රථම ස්ථානයට පත්ව සිටී. ශ්‍රී ලංකා පිතිකාරිණියක ක්‍රිකට් ශ්‍රේණිගත කිරීමේදී […]
  • චමරිගෙන් විශිෂ්ට ලකුණු 195ක්. අවසාන තරගය ශ්‍රී ලංකාව පහසුවෙන් ජය ගනී
    දකුණු අප්‍රිකාවේ ක්‍රිකට් සංචාරයක යෙදෙන ශ්‍රී ලංකා කාන්තා ක්‍රිකට් කණ්ඩායමේ නායිකාව චමරි අතපත්තු එහි පැවැති තෙවැනි හා අවසාන එක්දින තරගයේදී විශිෂ්ට පිතිහරඹයක නියැළෙමින් නොදැවී රැස් කළ ලකුණු 195ක […]
  • දකුණු අප්‍රිකා කාන්තා කණ්ඩායම කඩුලු හතකින් ජය ගනී
    දකුණු අප්‍රිකාවේ ක්‍රිකට් සංචාරයක යෙදෙන ශ්‍රී ලංකා කාන්තා ක්‍රිකට් කණ්ඩායම සෙනසුරාදා (13) කිම්බර්ලි නගරයේ ඩයමන්ඩ් ඕවල් ක්‍රීඩාංගණයේදී දකුණු අප්‍රිකා කාන්තා කණ්ඩායම සමඟ පැවැති දෙවැනි එක්දින තරගයේදී සත්කාරක දකුණු […]

Pin It on Pinterest

USD United States (US) dollar