slc
logo
Home   |    News
සැප්තැම්බර් 30, 2022
ලෝක කුසලාන ඉලක්ක කර පල්ලකැලේ පැවැති පුහුණු සැසිය සාර්ථකව අවසන්

sinhala editor

වේග පන්දු යවන්නන්ට උචිත ඔස්ට්‍රේලියානු තණතීරුවලට යම්තාක් සමානකමක් ඇති මහනුවර පල්ලකැලේ ක්‍රීඩාංගණයේදී ආරම්භ වුණු සිව් දින පුහුණු සැසිය සැප්තැම්බර් 29 වැනිදා දිනයේදී සාර්ථකව අවසන් විය. නේවාසිකව පැවැති මෙම පුහුණු සැසියේ ප්‍රධානම අරමුණ වූයේ ඔස්ට්‍රේලියානු තණතීරුවල සහ එහි තත්ත්වයන්ට ක්‍රීඩකයින් හුරු කරවීම වේ.

ආසියානු කුසලාන ක්‍රිකට් තරගාවලිය ජයග්‍රහණය කිරීමෙන් පසු සැප්තැම්බර් 13 වැනිදා දිවයිනට පැමිණි ශ්‍රී ලංකා කණ්ඩායමේ ක්‍රීඩකයින් දින 10 ක විවේකයකින් අනතුරුව මෙම පුහුණු සැසියට ඉකුත් 26 වැනිදා පස්වරුවේදී පළමුව සහභාගිවූවේය.

මෙම පුහුණු සැසියේදී හිටපු නායක සහ සුපිරි වේග පන්දු යවන ක්‍රීඩක ලසිත් මාලිංග ද ශ්‍රී ලංකා කණ්ඩායම සමග එක්ව කටයුතු කිරීම විශේෂත්වයක් විය. මෙම පුහුණු සැසිය පිළිබඳව සැප්තැම්බර් 28 වැනිදා මාධ්‍ය හමුවේ අදහස් දක්වා සිටි කණ්ඩායමේ සහාය පුහුණුකරුවා වූ නවීඩ් නවාස් මහතා සඳහන් කර සිටියේ, ආසියානු කුසලාන ජයග්‍රහණය දැන් අවසන් වී ඇති බවත්, ඉදිරියේදී පැමිණෙන අලුත් තරගාවලියේදී එය ජයග්‍රහණය කිරීමට ‌සැලසුම් දියත් කළ යුතු බවයි.

ශ්‍රී ලංකා කණ්ඩායමේ පිතිකරණ පිතිකරුවා ලෙසින්ද කටයුතු නවාස් මහතා වැඩිදුරටත් අදහස් දක්වමින් සදහන් කර සිටියේ, ‘ඔස්ට්‍රේලියාව තුළ තරග ජයග්‍රහණය කිරීම සඳහා අවශ්‍ය සාධක තියෙන නිසා ඒ ගැන අවධනය යොමු කරමින් තමයි මේ පුහුණු වැඩසටහන පවත්වන්න සැලසුම් කළේ” යනුවෙනි.

“විස්සයි-20 තරග රටාව අනුව කිසිම කණ්ඩායමක් අවතක්සේරුවෙන් සලකන්න බෑ. හැම කණ්ඩායමක්ම දක්ෂයි. කොහොම වුණත් ලසිත් මාලිංගගේ පුහුණුව යටතේ අපේ වේග පන්දු බල ඇණිය ශක්තිමත් කරන්න අපි පියවර ගෙන තිබෙනවා” යනුවෙන් නවාස් මහතා අදහස් දක්වා සිටියේය.

මෙම පුහුණු සැසිය සඳහා ආබාධයන්ට ගොදුරුව සිටි වේග පන්දු යවන්නන් වූ දුෂ්මන්ත චමීර සහ ළහිරු කුමාරද මාලිංගගේ ගුරුහරු කම් මධ්‍යයේ සිය පුහුණුවීම් වල නිරත වූහ.

ලෝක කුසලාන ක්‍රිකට් තරගාවලියට සහභාගිවීම සඳහා ශ්‍රී ලංකා කණ්ඩායම ලබන ඔක්තෝබර් මස 02 වැනිදා අළුයම ඔස්ට්‍රේලියාව බලා පිටත්ව යෑමට නියමිතය.

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

LKR Sri Lankan rupee