ආසියානු කුසලාන අවසන් මහ තරග අවස්ථාවට සුදුසුකම් ලබා ගැනීමට වඩාත් පහසු කර ගැනීමට නම් ජයග්‍රහණය තීරණාත්මක සුපිරි කණ්ඩායම් 4 අතර තරග වටයේ ඇෆ්ගනිස්ථානයට එරෙහිව පැවැති තරගයේදී කාසියේ වාසිය දිනූ ශ්‍රී ලංකා නායක දසුන් ශානක පළමුව පන්දු යැවීමට තීරණය කළේය.

විචාරකයින් සඳහන් කරන ආකාරයට සාජා ක්‍රිකට් ක්‍රීඩාංගණයේ පැවැත්වෙන තරගවලදී කාසියේ වාසිය ඉතා වැදගත් වනුයේ රාත්‍රි කාලයේදී ලකුණු හඹා යෑම වඩාත් පහසු වන බැවිනි.

මෙම තරගයේදී ශ්‍රී ලංකා පිල බංග්ලාදේශයට එරෙහිව පැවැති කණ්ඩායමේ එකම වෙනස්කමක් හෝ සිදුනොකර ‌පිවිසෙද්දී ඇෆ්ගනිස්තානු කණ්ඩායම එක් වෙනස්කමක් සහිතව අවතීර්ණව සිටියි. අසනීප තත්ත්වයක් හේතුවෙන් පෙර තරගයට ක්‍රීඩා කළ අස්මතුල්ලා ඔමරසායි වෙනුවට උස්මාන් ශින්වාරි කණ්ඩායමට පැමිණ සිටියි.

කාසියේ වාසිය උරගා බැලීම අතරතුර අදහස් දැක්වූ ඇෆ්ගනිස්තානු නායක මොහොමඩ් නබී සඳහන් කර සිටියේ කාසියේ වාසිය දිනා ගත්තේ නම් තම කණ්ඩායමද පන්දු යැවීමට බලාපොරොත්තුවෙන් පසුවූ බවයි.

ශ්‍රී ලංකාව – 1. පැතුම් නිස්සංක, 2. කුසල් මෙන්ඩිස්, 3. චරිත් අසලංක, 4. ධනුෂ්ක ගුණතිලක, 5. භානුක රාජපක්ෂ, 6. දසුන් ශානක (නායක), 7. වනිඳු හසරංග, 8. චාමික කරුණාරත්න, 9. මහීෂ් තීක්ෂණ, 10. අසිත ප්‍රනාන්දු, 11. ඩිල්ෂාන් මදුශංක.

ඇෆ්ගනිස්තානය – හස්රතුල්ලා සසායි, 2. රාමනුල්ලා ගුර්බාස්, 3. ඊබ්‍රහිම් සද්‍රාන්, 4. නජිබුල්ලා සද්‍රාන්, 5. මොහොමඩ් නබී (නායක), 6. රෂීඩ් ඛාන්, 7. කරීම් ජනට්, 8. සමිඋල්ලා ශින්වාරි, 9. නවීන් උල් හක්, 10. මුජීබ් උර් රෙහ්මාන්, 11. ෆසල්හක් ෆරුකි.