slc
logo
Home   |    News
දෙසැම්බර් 22, 2022
ගෝල් පරදවන්න පරිනතභාවයත් පළපුරුද්දත් උදව් වූවා ඇන්ජලෝ මැතිව්ස්

sinhala editor

ගෝල් ග්ලැඩියේටර්ස් පරාජය කිරීමට අවස්ථාව උදා වූයේ තමන් පරිනතභාවය සහ පළපුරුද්ද උපයෝගී කරගනිමින් කළ ක්‍රීඩා විලාශය නිසා යැයි කළම්බු ස්ටාර්ස් නායක ඇන්ජලෝ මැතිව්ස් බදාදා (21) තරගයෙන් පසුව ප්‍රකාශ කළේය.

කසුන් රාජිත, සුරංග ලක්මාල් සහ මොහමඩ් නබී මේ තරගයේ දී දක්ෂ ලෙස පන්දු යැවීමෙන් ප්‍රබල ගෝල් ග්ලැඩියේටර්ස් කණ්ඩායම ලකුණු 108කට සීමා කරගැනීමට අවස්ථාව උදා වූ බව පවසන මැතිව්ස් මේ පන්දු යවන්නන් අතුරින් රාජිත වඩාත් තර්ජනාත්මක වූ නිසා පවර්ප්ලේ ඕවර හයෙන් තුනක්ම ඔහුට ලබාදුන් බව ද කීය.

පන්දු යැවීමේ දී ඉනිම අවසාන භාගයේ දී මොහමඩ් නබී විශිෂ්ට මෙහෙවරක යෙදුණු බව කී කළම්බු නායකයා මේ පන්දු යවන්නන් කැන්ඩි ෆැල්කන්ස්ට ද අභියෝගයක් වනු ඇතැයි තමා විශ්වාස කරන්නේ යැයි ද කීය.

“ජයග්‍රහණය කරා යාමට අපට ලැබුණු 109ක ඉලක්කය ඉතා පහසු කාර්යයක් යැයි ඕනෑම කෙනෙකුට සිතෙනවා.  ඒත් එදා තණතිල්ලේ ඊට ළඟාවීම එතරම්ම පහසු කාර්යයක් වූයේ නෑ.  විශේෂයෙන් ම වෙනදා පෙන්වන තම දක්ෂතා පෙන්වීමට අවස්ථාව නොලැබුණත් රවී බෝපාරා සමග ජයග්‍රහණය තෙක් නොදැවී ක්‍රීඩා කිරීමෙන් අපට කඩුලු හතක පහසු ජයග්‍රහණයක් හිමිවූවා.  රවී මේ ඉනිමේ දී වේගයෙන් හොඳින් ම ලකුණු රැස් කළා.  යම් කිසි පිතිකරුවකු හොඳින් පන්දුවට පහරදෙන විට ඊට සහයවීම අනෙක් පිතිකරුගේ කාර්යයක්.  මේ ජයග්‍රහණයට පරිනත භාවය සහ පළපුරුද්ද බලපෑවා” යැයිද ද කළම්බු නායකයා පැවසීය.

කළින් තිබූ ආබාධ කිසිවක් තමාට දැන් නොමැති බව කී ඇන්ජලෝ මැතිව්ස් මීට පෙර තරගයට ඔහු ක්‍රීඩා නොකළේ ධනංජය ලක්ෂාන්ට කණ්ඩායමට ඇතුලුවීමට අවස්ථාවක් ලබාදීමට යැයි ද කීය.  “ධනංජය ලක්ෂාන් දක්ෂම තරුණ ක්‍රීඩකයෙක්.  ඔහුට අවස්ථාවක් දිය යුතුයි.  මා සෑමවිටම පෞද්ගලිකත්වයට වඩා ගරු කරන්නේ කණ්ඩායමේ එකමුතු භාවයට සහ හැඟීම්වලටයි.  අපගේ කණ්ඩායමේ විදේශීය ක්‍රීඩ‍කයනුත් ඔවුනට ක්‍රීඩා කිරීමට අවස්ථාවක් ලබාදෙන ලෙස අපගෙන් ඉල්ලා සිටියා.  ඒ සියල්ල සළකා මීට පෙර තරගයේ දී තමාගේ අවස්ථාව ලක්ෂාන්ට සැළසුවා” යැ කළම්බු නායකයා පැවසීය.

කැන්ඩි ෆැල්කන්ස් කණ්ඩායමට සහ කලම්බු ස්ටාර්ස්ට බ්‍රහස්පතින්දා (22) රාත්‍රී තරගය ඉතාම වැදගත් වන අතර, කණ්ඩායම් දෙකට මෙය අවසාන පූර්ව තරගයක් වී ඇතැයි කී කළම්බු නායකයා දක්ෂ ක්‍රීඩකයන් රැසකින් සමන්විත වන කැන්ඩි කණ්ඩායම කිසිසේත් පහසුවෙන් සැලකිය යුතු නොවන බව කීය.

“එම තරගයේ දී හොඳින්ම ක්‍රීඩා කරන කණ්ඩායමටයි ජය අත්වන්නේ. එම වාසිය බ්‍රහස්පතින්දා රාත්‍රී අපට හිමිවේ යැයි සිතනවා” යැයිද මැතිව්ස් පවසයි.  නිරෝෂන් දික්වැල්ල ඇතුලු ක්‍රීඩකයන් කිහිප දෙනෙකු ආබාධයට ලක්වූවත් බෝපාරා දැන් පෙර පරිදි දක්ෂතා අතර සිටින බව ද ඔහු පවසයි.

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

LKR Sri Lankan rupee