දඹුල්ල අවුරා – ගෝල් ග්ලැඩියේටර්ස් තරගයේ දක්ෂතම ක්රීඩකයා ලෙස තේරුණු දඹුල්ල අවුරා කණ්ඩායමේ තුන් ඉරියව් ක්රීඩක 20 හැවිරිදි මැතිව් ෆෝඩ් එම තරගයේදී දැක්වු දස්කම් අපගේ පාසල් තරුණ ක්රීකයනට කදිම ආදර්ශයකි .
ක්රීඩා කිරීම සදහා ලැබෙන සෑම අවස්ථාවකම සියයට සියයක දායකත්වයක් ඊට ලබාදීම තම අපේක්ෂාව වන අතර දඹුල්ල අවුරා ගෝල් ග්ලැඩියේටර් තරගයේදීත් තමා සිදු කළේ එම කාර්යයම යැයි තරගයෙන් පසුව මැතිව් ෆෝඩ් ප්රකාශ කළේය .
මුලින්ම ගෝල් කණ්ඩායම පන්දුවට පහරදෙන අවස්ථාවේ පවර් ප්ලේ (පළමු ඕවර් හය ) තුළ පන්දු යැවීමට තමාට අවස්ථාව නොලැබුනත් සිව්වන පන්දු යවන්නා ලෙස පන්දු යැවීමට තමා කැදවු අවස්ථාවේ ගෝල් අංක එක ,දෙක , තුන පිතිකරුවන් ඇතුළු පිතිකරුවන් හතර දෙනෙකුම ලකුණු 11 ක් දීමෙන් දවාලීමට අවස්ථාව උදාවුයේ ක්රීඩාවට තමා දක්වන කැපකිරීම සහ සියයට සියයේ දායකත්වය මත යැයිද ෆෝඩ් පවසයි.
“අපට ලැබුණේ පන්දුවාර 11.2 කදී ලකුණු 130 ක් රැස් කිරීමේ අසිරුම ඉලක්කයක්. මා අංක හතර පිතිකරු ලෙස පිටියට යන විට තවත් පන්දු කිහිපයක් අවසන්ව තිබුණා. මා මගේ ස්වභාවික ක්රීඩා විලාශයේ යෙදෙමින් පන්දු 30 කදී හයේ පහර දෙකක් සහ හතරේ හයක් සමග ලකුණු 52ක් රැස්කර අපගේ කණ්ඩායමට කඩුලු හතරක ජයක් ලබාදීමට දායකත්වයක්ත්වය දීමට හැකි වීම පිළිබඳව සතුටු වනවා” යැයිද ෆෝර්ඩ් කීය.
ගෝල් ඇතුලු කිසිවෙකු පරදින්නට ක්රීඩා නොකරණ බව කී මැතිව් ෆෝඩ් ඔවුන් සතුව මනා සැළසුමක් තිබු නමුත් අවශ්ය ඉලක්කය කරා පන්දුවාර 11.1 කදී යාමට නොහැකි වූ බවද කීය.
නුවන් තුෂාර හොදින් පන්දු යැවු බව පවසන මැතිව් ෆෝඩ් සමස්තයක් ලෙස මේ තරගාවලිය තුළ ශ්රී ලංකාවේ තරුණ දක්ෂ ක්රීඩකයන් රැසකගේ දක්ෂතා දුටු බවද කිවේය. මැතිව් ෆෝඩ් මේ වන විට බටහිර ඉන්දීය කොදෙව් දුපත් අවුරුදු 19න් පහළ කණ්ඩායම කැරිබින් ලීග් සහ බාබඩෝස් කණ්ඩායම් නියෝජනය කර සිටී.
