slc
logo
Home   |    News
ජනවාරි 26, 2023
ජැෆ්නා ලකුණු 62කට දැවී යයි

sinhala editor

ශ්‍රී ලංකා ක්‍රිකට් ආයතනය දෙවැනි වතාවටත් පවත්වනු ලබන නැෂනල් සුපර් ලීග් සිව්දින ක්‍රිකට් තරගාවලියේ අද (26 දා) කොළඹ එස්. එස්. සී පිටියේ ඇරැඹි තරගයේදී ජැෆ්නා පිල ලකුණු 62කට දවා ගැනීමට  දඹුල්ල පිල සමත් විය. වේග පන්දුවෙන් ප්‍රතිවාදීන් ආක්‍රමණය කළ දඹුල්ල පිලේ විශ්ව ප්‍රනාන්දු කඩුලු 5ක් හා අසිත ප්‍රනාන්දු කඩුලු 4ක් දවාගෙන ජැෆ්නා පිතිකරුවෝ අසරණ කළහ.  දඹූල්ල පිල දිනය නිමා වෙද්දී සිය පළමු ඉනිමට කඩුලු 6ක් දැවී ලකුණු 170ක් ලබා සිටියේය.

දඹුල්ල පිල කාසියේ වාසිය දිනා මුලින් පන්දු රැකීමට තීරණය කළ අතර, ජැෆ්නා පිතිකරුවන් හතරක්ම ලකුණු ලබා ගැනීමට පෙර දවා ගැනීමට සමත් විය. ජැෆ්නා පිලේ කසුන් අබේරත්න ලකුණු 16ක් හා රවිදු ප්‍රනාන්දු ලකුණු 13ක් ලබා වැඩිම ලකුණු දායකත්වය තම පිලට එක් කළහ. නායක ළහිරු මධුසංඛ ලකුණු 10ක් ලබා ගනිද්දී පිතිකරුවන් 4ක් ලකුණු ලකුණු 8කට අඩුවෙන් දැවී ගියහ.

දඹුල්ල පිලේ මුල් කඩුලු 5ක් ලකුණු 50කට දැවී ගිය අතර, නායක මිනේද් භානුක හා රනිත ලියනාරච්චි එක්ව 6වැනි කඩුල්ලට ලකුණු 112ක සම්බන්ධතාවක් ගොඩ නැගූහ. රනිත ලියනාරච්චි ලකුණු 51වට දැවී ගිය අතර පන්දු 73කදී හයේ පහර 3ක් හා හතරේ පහර 5ක් ඔහුගේ ඉනිමට අයත් විය. මිනෝද් භානුක පන්දු 93කට මුහුණ දී හතරේ පහර 7ක් සමග නොදැවී ලකුණු 64ක් ලබා ගත්තේය.

මෙම තරගාවලියේ පළමු සතියේදී දිනයක් ඉතිරිව තිබියදී ඉනිමක ජයග්‍රහණ වාර්තා කිරීමට කැන්ඩි සහ ගෝල් කණ්ඩායම් සමත්වූහ.

ජැෆ්නා – පළමු ඉනිමට ලකුණු 62යි (ඕවර් 26.5) කසුන් අබේරත්න 16, රවිදු ප්‍රනාන්දු 13, ළහිරු මධුසංඛ 10, රොන් චන්ද්‍රගුප්ත 7 ( විශ්ව ප්‍රනාන්දු 14/5, අසිත ප්‍රනාන්දු 24/4, දෙවිඳු තිලකරත්න 4/1)

දඹූල්ල – පළමු ඉනිමට කඩුලු 6ක් දැවී ලකුණු 170යි (ඕවර් 41) නිමේෂ් ගුණසිංහ 10, මිනෝද් භානුක නොදැවී 64, සනෝජ් දර්ශික 19, රනිත ලියනාරච්චි 51 ( යසිරු රොද්‍රිගු 39/3, නිපුන් මාලිංග 36/1, ළහිරු මධුසංඛ 33/1, දිලුම් සුධීර 14/1)

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

USD United States (US) dollar