slc
logo
Home   |    News
අප්‍රේල් 26, 2023
දිමුත් සහ නිශාන්ගෙන් වාර්තාගත සම්බන්ධතාවක්

sinhala editor

CHAMILA KARAWITA REPORTING FROM GALLE

අයර්ලන්තය ලබා දුන් ලකුණු 492 ට පිළිතුරු ඉනිම ක්‍රීඩා කරමින් සිටින ශ්‍රී ලංකා කණ්ඩායමේ ආරම්භක පිතිකරුවන් වන නිශාන් මදුශ්ක සහ දිමුත් කරුණාරත්න ගාල්ල ජාත්‍යන්තර ක්‍රීඩාංගණයේදී මෙතෙක් පිතිකරුවන් යුගලක් පළමු කඩුල්ල වෙනුවෙන් වාර්තා කරන ලද හොදම සම්බන්ධතාව ගොඩ නගමින් නව වාර්තාවක් පිහිටුවීමට අද (26 දා) සමත්විය. ‌ලකුණු 228ක පළමු කඩුල්ලේ සම්බන්ධතාව නිසා තෙවැනි දින දිවා ආහාරය සඳහා තරගය නතර කරන විට ශ්‍රී ලංකා කණ්ඩායම සිය පළමු ඉනිම වෙනුවෙන් කඩුල්ලක් දැවී ලකුණු 228 ක් ලබා සිටියේය. මෙම විහිස්ඨ සම්බන්ධතාව නිසා අයර්ලන්ත පිලට වඩා ශ්‍රී ලංකා පිල තවත් කඩුලු 9 ක් අතැතිව ලකුණ 264 ක් පිටුපසින් වෙයි.

කර්ටිස් කැම්පර්ගේ පන්දුවකට එල්ල කරන ලද පුල් පහර වැරදී යෑම නිසා දිවා භෝජනය සදහා තරගය තර කිරීමට පන්දු 2 කට පෙර දිමුත් කරුනාරත්න දැවී ගියේය. ඒ සමඟම පළමු කඩුල්ලේ ලකුණු 228 ක වාර්තාගත සම්බන්ධතාව නිමාවට පත්විය. පන්දු 133 කට මුහුණ දුන් නායකයා දැවි යන විට ලකුණු 115 ක් ලබා සිටියේය. මෙම පළමු කඩුල්ලේ සම්බන්ධතාව ශ්‍රී ලංකා ටෙස්ට් තරග ඉතිහාසයේ සටහන් වුණු පස්වැනි ද්විත්ව ශතක සම්බන්ධතාව ලෙසින්ද සටහන් විය.

මෙම ශතකය දිමුත්ගේ ටෙස්ට් තරග දිවියේ 16 වැනි ශතකය ලෙසින් සටහන් විය. ගාල්ල ක්‍රීඩාංගණයේදී ලබාගත් 6 වැන්න ලෙසින් සටහන් වුණු මෙම ශතකය ඔහුගේ තරග දිවියේ වේගවත්ම ටෙස්ට් ශතකය ලෙසින්ද සටහන් විය. මීට පෙර දිමුත් ලබා ගත් ශතක අතර 2021 වසරේදී දකුණු අප්‍රිකාවට එරෙහිව ජොහැන්නස්බර්ග්හිදී පන්දු 123 කදී වාර්තා කරන ලද ශතකය වේගවත්ම ශතකය ලෙසින් සටහන් ව තිබුණේය.

පළමු කඩුල්ලේ සම්බන්ධතාවය ලකුණු 194 ඉක්මවාලීමත් නිශාන් සහ දිමුත් දෙදෙනා විසින් බිද හෙළන ලද්දේ වසර 2000 දී දකුණු අප්‍රිකානු පිලට එරෙහිව මාවන් අතපත්තු සහ සනත් ජයසූරිය දෙදෙනා විසින් රැස් කරන ලද ලකුනු 193 ක සම්බනධතාවයයි. එම ටෙස්ට් තරගය ලෝක පූජිත පිතිකරු කුමාර් සංගක්කාරගේ මංගල ටෙස්ට් තරගය ලෙසින් සටහන් විය.

දිනය ආරම්භයේ සිටම වේගයෙන් ලකුණු රැස් කිරීමේ කාර්යයෙහි නිරත වුණු ආරම්භක පිතිකරුවන් දල ලකුණු වේගය ලකුණු 5 කට ආසන්නයේ රඳවා ගැනීමට සමත්විය. එය ඇතැම් විටෙක වර්තමාන ටෙස්ට් තරග රටාවේ පෙරැලිකාර සලකුණක් ලෙසින් සැලකෙන ‘බස්බෝල්’ පිතිකරණ රටාව සිහි ගන්වන්නක් වුවේය.

අයර්ලන්ත ඉනිමේ එකම පන්දුවාරය යැවූ හැරී ටෙක්ටර් හමුවේ එල්ල කරන ලද දැවැන්ත හයේ පහරත් සමග නිශාන් මදුශ්ක සිය මංගල ටෙස්ට් ශතකය වාර්තා කළේය. එම හයේ පහරද සමග ලකුණු 11 ක් උදුරා ගත් මදුශ්ක මුහුණ දුන් 159 වැනි පන්දුවේදී ශතකය සම්පූර්ණ කළේය. එම ඉනිමට මනරම් අන්දමින් එල්ල කරන ලද හතරේ පහර 14 ක්ද විය.

Active filters

Recent Posts

  • සෑම තරගයකදීම අපි පිටියට යන්නේ කණ්ඩායම් හැගීමෙන් යුතුවයි – මහීෂ් තීක්ෂණ
    සෑම තරගයකදීම ශ්‍රී ලංකා ක්‍රිකට් ක්‍රීඩකයින් පිටියට පිවිසෙන්නේ කණ්ඩායම් හැගීමෙන් බවත්, යම් ක්‍රීඩකයෙකුගෙන් අතපසුවීමක් සිඳු වුවහොත් අනෙක් සියලු ක්‍රීඩකයින් එහි පාඩුව මකා දැමීමට කැපවීමෙන් ක්‍රියාත්මකවන බව ශ්‍රී ලංකා […]
  • ජව සම්පන්න  පහරට විශේෂඥ පුහුණුකරුවෙක්
    ශ්‍රී ලංකා ජාතික කණ්ඩායම් නියෝජනය කරනු ලබන ක්‍රීඩක ක්‍රීඩිකාවන්ගේ ජව සම්පන්න කුසලතා වැඩි දියුණු කිරීම සඳහා අරමුණු කර ගත් සතියක පුහුණු වැඩ සටනක් පැවැත්වීම සදහා ඒ සම්බන්ධ විශේෂඥ පුහුණුකරුවකු […]
  • දෙවැනි විස්සයි-20 තරගයෙත් ‘ටිකට්‘ විකිණී අවසන්
    ශ්‍රී ලංකාව සහ බංග්ලාදේශය අතර ලබන ඉරිදා (13 වැනිදා) රංගිරි දඹුලු ජාත්‍යන්තර ක්‍රීඩාංගණයේ පැවැත්වීමට නියමිත දෙවැනි විස්සයි-20 ක්‍රිකට් තරගයේසියලුම ප්‍රවේශපත් විකිණී අවසන්ව ඇති බව ශ්‍රී ලංකා ක්‍රිකට් ආයතනය නිවේදනය […]
  • පළමු විස්සයි-20 න් ශ්‍රී ලංකාවට කඩුලු 7 ක ජයක්
    කඩුලු දවා ගැනීමට වඩා ලකුණු නවාතාලීම උපක්‍රමය ලෙසින් භාවිතා කිරීමට සමත්වීමත්, ආරම්භක පිතිකරුවන් වූ කුසල් මෙන්ඩිස් සහ පැතුම් නිස්සංකගේ වේගවත් ආරම්භයත් හේතුවෙන් පල්ලේකැලේ ජාත්‍යන්තර ක්‍රීඩාංගණයේදී අද (10 දා) රාත්‍රියේ […]
  • ‘ඒ‘ තරගාවලියේ ජය ඔස්ට්‍රේලියාවට
    ඔස්ට්‍රේලියාවේ තරග සංචාරයක නිරතව සිටින ශ්‍රී ලංකා ‘ඒ‘ කණ්ඩායම සහ ඔස්ට්‍රේලියානු ‘ඒ‘ කණ්ඩායම අතර පැවැති තෙවැනි නිල නොවන එක්දින තරගයෙන් කඩුලු 7 ක ජයක් වාර්තා කළ සත්කාරක ඔස්ට්‍රේලියානු ‘ඒ‘ […]

Pin It on Pinterest

LKR Sri Lankan rupee