slc
logo
Home   |    News
මැයි 13, 2023
නැගීඑන ක්‍රීඩකයෝ ජපානෙට එරෙහි තරගාවලිය කළින්ම දිනති

sinhala editor

ජපාන ජාතික කණ්ඩායමට එරෙහිව පැවැත්වෙන තරග 5 කින් සමන්විත පන්දුවාර විස්සයි-20 ක්‍රිකට් තරගාවලියේ තෙවැනි තරගයෙන්ද කඩුලු 4 ක පහසු ජයක් වාර්තා කළ ශ්‍රී ලංකා නැගීඑන ක්‍රීඩකයෝ තවත් තරග 2 ක් ඉතිරිව තිබියදීම තරගාවලිය 3-0 ක් ලෙස ජය ගැනීමට සමත්වූහ.

සානෝ ජාත්‍යන්තර ක්‍රීඩාංගණයේ පැවැති මෙම තරගයේදී කාසිය වාසිය දිනූ ශ්‍රී ලංකා නැගී එන කණ්ඩායම පළමුව පන්දුවට පහර දීම සඳහා ජපාන ජාතික කණ්ඩායමට ආරාධනර කර සිටියේය. වෙනස්කම් 3 ක් සිදුකරමීන් අවතීිර්ණ වුණු මෙම තරගයේදී නැගී එන කණ්ඩායම නියමිත පන්දුවාර 20 දී ජපාන කණ්ඩායම කඩුලු 9 කට ලකුණු 97 කදී නවතාලීමට සමත්විය.

ජපාන පිල වෙනුවෙන් නායක කෙන්ඩල් ෆ්ලෙමිංග්, පන්දු 29 ක් තුළ හතරේ පහර 5 ක් සහ හයේ පහර 2 ක් සමඟින් ලකුණු 43 ක් ලබා ගනීමන් කණ්ඩායමේ කොඳු නාරටිය බවට පත්වූවේය. නායක ඩෙලෝන් පීරිස්ගේ පන්දුවක් හමුවේ ෆ්ලෙමිංග් දැවී යන විටත් ජපාන ඉනිම පන්දුවාර 10.4 කදී කඩුලු 3 කට ලකුණු 64 ක් ලෙසින් සටහන් විය.

කෙසේ වෙතත් ශ්‍රී ලංකා නැගී එන පන්දු යවන්නන් දක්ෂතා අතරට පිවිසීම නිසා අවසන් පන්දු 56 තුළ ප්‍රතීවාදී ජපාන ජාතික කණ්ඩායමට කඩුලු 6 ක් දැවී රැස් කරගත හැකි වූයේ ලකුණු 34 ක් පමණි. පන්දු යැවීමේදී හර්ෂණ වික්‍රමසීංහ ලකුණු 14 කට කඩුලු 2 ක් ද නායක පීරිස් ලකුණු 23 කට කඩුලු 2 ක් දවා ගත් අතර ඉතිරි කඩුලු 5 න් 3 ක්ම දුවද්දී දැවී යෑම් වලට හසුව දැවී ගියහ.

එම ඉලක්කය හඹා යෑම සදහා පිටියට පිවිසි නැගී එන කණ්ඩායමේ පළමු කඩුලු 3 ම ලකුණු 14 කදී දවා ගනිමින් පීඩනය එල්ල කිරීමට සත්කාරක ප න්දු යවන්නන් සමත් වුවත්, අංක 3 සහ අංක 5 පිතිකරුවන් ලෙස ක්‍රීඩා කළ ෂෙහාන් ප්‍රනාන්දු සහ සකුණ ලියනගේ ලකුණු 43 ක සම්බන්ධතාවක් පවත්වමින් සංචාරක පිල අවධානමෙන් මුදවා ගත්හ. මෙහිදී ෂෙහාන් ලකුණු 24 ක් සහ සකුණ ලකුණු 26 ක් ලබා ගත්හ.

අනතුරුව පිටියට එක් වුණු නායක ඩෙලෝන් පීරිස් සහ රන්මිත් ජයසේන 6 වැනි කඩුල්ල වෙනුවෙන් ලකුණු 34 ක සම්බන්ධාවත් ගොඩ නඟමින් ශ්‍රී ලංකාව ජයකණුව කරා රැගෙන යෑමට දායකත්වය දැක්වූහ. ශ්‍රී ලංකා කන්ඩායම ජයග්‍රහණය සනිටුහන් කරන ලද්දේ 17 වැනි පන්දුවාරයේ තෙවැනි පන්දුවේදීය. දෙරට අතර පැවැත්වෙන සිව්වැනි විස්සයි-20 තරගය හෙට (14 දා) සානෝ ජාත්‍යන්තර ක්‍රීඩාංගණයේදීම පැවැත්වේ.

ජපාන ජාතික කණ්ඩායම පන්දුවාර 20 කදී කඩුලු 9 ක් දැවී ලකුණු 97 යි – (සුපුන් නවරත්න 14, කෙන්ඩල් ෆ්ලෙමිංග් 43, සබරෝෂි රවිචන්ද්‍රන් 11, ඩෙලෝන් පීරිස් 23/2, හර්ෂණ වික්‍රමසිංහ 15/2)

ශ්‍රී ලංකා නැගී එන පිල පන්දුවාර 17.3 කදී කඩුලු 6 ක් දැවී ලකුනු 101 යි – (ෂෙහාන් ප්‍රනාන්දු 24, සකුණ ලියනගේ 26, ඩෙලෝන් පීරිස් 21*, රන්මිත් ජයසේන 12, කොහෙයි කුබෝටා 18/2)

Active filters

Recent Posts

  • ශ්‍රී ලංකා කාන්තාවෝ කල් ඇතිවම තරගාවලි ජය ලබති
    බටහිර ඉන්දීය කොදෙව් කාන්තා කණ්ඩායම හා ශ්‍රී ලංකා කාන්තා කණ්ඩායම අතර තරග 3කින් සමන්විත අන්තර්ජාතික එක්දින තරගාවලියේ පිට පිට තරග දෙකක් ජයගත් ශ්‍රී ලංකා කාන්තා පිල තරගයක් ඉතිරිව […]
  • 21 න් පහළ අවසන් ගැටුම සෙබස්තියනයිට්ස් සහ මැලේ අතර
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 21 න් පහළ ටියර් ‘බී‘ කොටසේ දෙදින ක්‍රිකට් තරගාවලියේ අවසන් මහ සටන සඳහා සුදුසුකම් ලබා ගැනීමට මොරටුව සෙබස්තියනයිට්ස් සහ මැලේ […]
  • ආණ්ඩුකාර කුසලාන අවසන් පූර්ව තරග ජුනි 22 වැනිදා  
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන ආණ්ඩුකාර කුසලාන පන්දුවාර 50 ක්‍රිකට් තරගාවලියේ අවසන් මහ තරග අවස්ථාව උදාකර ගැනීම වෙනුවෙන් වන අවසන් කඩඉම වන අර්ධ අවසන් තරග […]
  • ජයග්‍රහණයක් සමඟින් ශ්‍රී ලංකාව ලෝක කුසලාන ගමන නිමා කරයි
    ග්‍රොස් අයිලට් නුවර ඩැරන් සාමි ජාතික ක්‍රීඩාංගණයේ පැවැති තරගයේදී නෙදර්ලන්ත පිලට එරෙහිව ලකුණු 83 ක විශිෂ්ඨ තරග ජයග්‍රහණයක් වාර්තා කළ ශ්‍රී ලංකා කණ්ඩායම 2024 පන්දුවාර විස්සයි-20 ලෝක කුසලාන ගමන […]
  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]

Pin It on Pinterest

USD United States (US) dollar