ශ්‍රී ලංකා ක්‍රිකට් ආයතනයේ මෙහෙයවීමෙන් මහනුවරදී පැවැත්වෙන වයස අවුරුදු 19 න් පහළ යූත් ලීග් ක්‍රිකට් තරගාවලියේ දෙවැනි දින පැවැති තරග වලදී කොළඹ දකුණු පිල ලකුණු 98 ක ජයක් වාර්තා කර ද්දී අනෙක් තරගය වර්ෂාව හේතුවෙන් ප්‍රතිඵල රහිත විය.

‌පල්ලෙකැලේ පැවැති තරගයේදී පළමුව පන්දුවට පහර දුන් කොළඹ දකුණු කණ්ඩායම කඩුලු 9 ක් දැවී ලකුණු 290 ක් ලබා ගත් අතර ඊට පිළිතුරු ඉනිම ක්‍රීඩා කිරීමේදී තරගයට වර්ෂාවෙන් බාධා ඇතිවිය. එම තත්ත්වය මත දඹුල්ල කණ්ඩායමට ඩක්වර්ත් ලුවිස් න්‍යායට අනුව පන්දුවාර 25 කදී ලකුණු 248 ක ඉලක්කයක් හිමිවූ නමුත් ඔවුන්ට රැස් කරගත හැකි වූයේ කඩුලු 9 ක් දැවී ලකුණු 150 ක් පමණි.

මෙම තරගයේදී කොළඹ දකුණ වෙනුවෙන් රුශද ගමගේ ලකුණු 117 ක් රැස් කිරීමට සමත්විය. මෙය මෙවර තරග වාරයේ රැස් කරන ලද දෙවැනි ශතකය ලෙසින් සටහන් විය. පන්දු 104 කදී වාර්තා වුණු එම වටිනා ඉනිම සදහා ඔහු හතරේ පහර 14 ක් එල්ල කර තිබුණේය.

මේ අතර අස්ගිරිය ක්‍රීඩාංගණයේ පැවැති තරගය අතර මඟ අතරහැර දැමිමට පියවර ගනු ලැබීය. පළමුව පන්දුවට පහර දුන් මහනුවර පිල පන්දුවාර 38.5 කදී සියලු දෙනා ලකුණු 130 කට දැවී ගියද ඊට පීතුරු ඉනිම ක්‍රීඩා කිරීමේදී 9 වැනි පන්දුවාරයේ තෙවැනි පන්දුව යැවීමත් සමඟ වර්සාවෙන් බාධා ඇතිවීම නිසා තරග

කොළඹ දකුණ සහ දඹුල්ල – පල්ලෙකැලේ ක්‍රීඩාංගණයේදී

කොළඹ දකුණට ලකුණු 98 ක ජයක්

කොළඹ දකුණ පන්දුවාර 50 කදී කඩුලු 9 ක් දැවී ලකුණු 290 යි – (විශේන් හැළඹගේ 41, රුශඳ ගමගේ 117, රිවිත් ජයසූරිය 27, කවිඳු ගයත්‍ර 31, චතුමාල් නිමේ 44/2, විශ්ව රාජපක්ෂ 78/2, ජනිත් ප්‍රනාන්දු 36/2)

දඹුල්ල පන්දුවාර 25 කදී කඩුලු 9 ට ලකුනු 150 යි – (පසිඳු මේනක 24, අමේෂ් තෙන්නකෝන් 54, විශ්ව රාජපක්ෂ 27, විශේන් හැළඹගේ 31/4, ෂෙ‌නන් රුද්‍රිගෝ 39/4)

කොළඹ උතුර – මහනුවර අස්ගිරිය ක්‍රීඩාංගණයේදී

තරගය අතහැර දමන ලදී

මහනුවර පන්දුවාර 38.5 කදී සියලු දෙනා දැවී ලකුණු 130 යි – (රහල් අමරසිංහ 20, කවීජ ගමගේ 26. මනුල කුලරත්න 20, ඉනුක කරන්නාගොඩ 28/3, රුවිෂාන් පෙරේරා 15/2)

කොළඹ උතුර පන්දුවාර 8.3 කදී කඩුලු 2 ක් දැවී ලකුණු 53 යි – (හිරුන් කපුරුබණ්ඩාර 36)