slc
logo
Home   |    News
ජූනි 28, 2023
සුපිරි කණ්ඩායම් හයදෙනාගේ තරග වටය හෙට සිට

sinhala editor

ඉන්දියාවේ පැවැත්වන එක්දින ලෝක කුසලාන ක්‍රිකට් තරගාවලියට සුදුසුකම් ලබා ගැනීම සඳහා සිම්බාබ්වේහි පැවැත්වෙන සුදුසුකම් ලැබීමේ මූලික තරග වටය අවසානයේ කණ්ඩායම් 6 ක් සුපිරි කණ්ඩායම් 6 අතර හෙවත් ‘සුපර් සික්ස්’ තරග වටය සඳහා සුදුසුකම් ලබා සිටිති. ඒ අතර ‘ඒ’ කණ්ඩය යටතේ බටහිර ඉන්දීය කොදෙව්, නෙදර්ලන්තය සහ සත්කාරක සිම්බාබ්වේ ද ‘බී’ කාණ්ඩය යටතේ ශ්‍රී ලංකාව, ස්කොට්ලන්තය සහ ඕමාන් යන රටවල් මේ වසර අගදී ඉන්දියා‌වේ පැවැත්වෙන ලෝක කුසලාන ක්‍රිකට් තරගාවලිය සඳහා තෝරාගැනෙන අවසන් කණ්ඩායම් දෙක අතරට පැමිණීම සඳහා තරග වදිනු ඇත.

මෙම කණ්ඩායම් අතුරින් මූලික වටයේ තරගවලදී  ලත් ජයග්‍රහණයත් සමඟ ලබා සිටින සියලුම ප්‍රසාද ලකුණු සූපර් සික්ස් තරග වටයට රැගෙන යනු ඇත. සුදුසුකම් ලබා ගැනීමේ තරගාවලිය හෙට (29 වැනිදා) බුලවායෝහිදී ආරම්භ වන අතර එහිදී සත්කාරක සිම්බාබ්වේ කණ්ඩායම සහ ඕමාන කණ්ඩායම තරග වැදීමට නියමිතය.

සුපිරි කණ්ඩායම් 6 දෙනා අතර තරග වටය සඳහා සුදුසුකම් ලබා සිටින කණ්ඩායම් මූලික වටය යටතේ හමු නොවුණු කණ්ඩායම් අතර තරග වදිනු ඇත. මෙහි අවසන් මහ තරගයක් පැවැත්වෙන නමුත් එහි ප්‍රතිඵලය කුමක් වුවත් එම කණ්ඩායම් දෙකම මෙම වසර අගදී ඉන්දියාවේ පැවැත්වීමට නියමිත පන්දුවාර 50 ලෝක කුසලාන තරගාවලියට සුදුසුකම් ලබනු ඇත.

සුපර් සික්ස් තරගාවලියේදී වැඩි දක්ෂතා දක්වමින් අවසන් මහ තරගයට පිවිසීමට ශ්‍රී ලංකාවට හැකියාව ලැබුණහොත්, එහි ප්‍රතිඵලය කුමක් වුවත්, ලෝක කුසලාන තරගාවලියේදී ශ්‍රී ලංකාව සුදූකම් ලබන්නේ දෙවැනි කණ්ඩායම ලෙසින් බව අන්තර්ජාතික ක්‍රිකට් කවුන්සිලය නිකුත් කරන ලද නිවේදනයක පැහැදිළිවම සඳහන්ව තිබේ.

ඒ අනුව ශ්‍රී ලංකා කණ්ඩායමට ලෝක කුසලාන ක්‍රිකට් තරගාවලිය යටතේ ඔක්තෝබර් මස 07 වැනිදා දකුණු අප්‍රිකාවට එරෙහිව දිල්ලිහි දී තරග වැදීමට සිදුවනු ඇත. 2019 වසරෙ ශූරයින් සහ අනුශූරයින් වන එංගලන්තය සහ නවසීලන්ත අතර තරගයෙන් මෙවර ලෝක කුසලාන තරගාවලිය ඔක්තෝබර් මස 05 වැනිදා ආරම්භ වනු ඇත. ලෝක කුසලාන ක්‍රිකට් තරගාවලියේදී ශ්‍රී ලංකා කණ්ඩායම දිල්ලි නගරයට අමතරව, හයිද්‍රාබාද්, බැංගලෝර්, පුනේ, මුම්බායි සහ ලක්නව් යන නගර වලදී තරග වැදීමට නියමිතව සිටියි.

ඉහතින් සඳහන් කරන ලද මූලික වටයේ තරග වලදී ලද ජයග්‍රහණය සමඟ ශ්‍රී ලංකාව සහ සත්කාරක සිම්බාබ්වේ කණ්ඩායම් ප්‍රසාද ලකුණු 4 බැගින් ලබා සුපර් 6 තරග වටයට පිවිසෙන අතර ස්කොට්ලන්තය සහ නෙදර්ලන්තය ප්‍රසාද ලකුණු 2 බැගින් ලබා එම තරග වටයට පිවිසෙති.

සුපර් සික්ස් තරග වටයට පිවිසීමට නොහැකි වූ කණ්ඩායම් හතර ප්ලේ ඔ්ෆ් තරග වටයට ක්‍රීඩා කිරීම සඳහා සිම්බාබ්වේ දේශයේදීම රැඳී සිටීමට නියමිතය.

සුපර් සික්ස් තරග කාල සටහන

ජුනි 29 – සිම්බාබ්වේ සහ ඕමානය අතර තරගය බුලවායෝහිදී

ජුනි 30 – ශ්‍රී ලංකාව සහ නෙදර්ලන්තය අතර බුලවායෝහිදී

ජූලි 01 – ස්කොට්ල්නත්ය සහ බටහිර ඉන්දීය කොදේව අතර තරගය හරාරේහිදී

ජූලි 02 – ශ්‍රී ලංකාව සහ සිම්බාබ්බේ අතර තරගය බුලවායෝහීදී

ජූලි 03 – නෙදර්ලන්තය සහ ඕමානය අතර හරාරේහිදී

ජූලි 04 – සිම්බාබ්වේ සහ ස්කොට්ලන්තය අතර තරගය බුලවායෝහීදී

ජූලි 05 – ඕමානය සහ බ.ඉ.කොදෙව් අතර තරගය හරාරේහීදී

ජූලි 06 – නෙදර්ලන්තය සහ ස්කොටා්ලන්තය අතර බුලවායෝහිදී

ජූලි 07 – ශ්‍රී ලංකාව සහ බටහිර ඉන්දීය කොදෙව් අතර තරගය හරාරේහිදී

ජූලි 09 – අවසන් මහ තරගය හරාරේහිදී

Active filters

Recent Posts

  • වැස්සෙන් සිදුවන බාධා මැද තරග තුනක් ඇරැඹෙයි
    ශ්‍රී ලංකා ක්‍රිකට් ආයතනයේ සංවිධානයෙන් පැවැත්වෙන අන්තර් සමාජ ප්‍රධානතම තුන් දින ලීග් ක්‍රිකට් තරගාවලියේ මේ සති අන්තයේ පැවැත්වෙන තරග අතුරින් තරග තුනක් හැර අනෙක් තරග සියල්ලම වර්ෂාව හේතුවෙන් ආරම්භ […]
  • ආසියානු ක්‍රීඩා තරගාවලියට ශ්‍රී ලංකා පිල පිටත්ව යයි
    19 වැනි වතාවට චීනයේ පැවැත්වෙන ආසියානු ක්‍රීඩා තරගාවලියේ පිරිමි ක්‍රිකට් තරග ඉස්සවට සහභාගිවන ශ්‍රී ලංකා කණ්ඩායම සැප්තැම්බර් මස 30 වැනිදා චීනය බලා පිටත්ව ගියේය. ශ්‍රී ලංකා ක්‍රිකට් ආයතන […]
  • රිදී පදක්කම් දිනූ කාන්තාවෝ මව්බිමට එති
    චීනයේ හංජෝ නුවර පැවැති ආසියානු ක්‍රීඩා තරගාවලියේ කාන්තා ක්‍රිකට් තරග ඉසව්වේ රිදී පදක්කම දිනාගැනීමට හැකිවීම පිළිබඳව තමන් ඇතුළු කණ්ඩායම දැඩි සතුටට පත්ව සිටින බව ශ්‍රී ලංකා කාන්තා කණ්ඩායමේ […]
  • වැස්සට සේදුණු දිනයේදී තිලකරත්න සම්පත්ගෙන් අර්ධ ශතකයක්
    ශ්‍රී ලංකා ක්‍රිකට් ආයතනයේ සංවිධානයෙන් පැවැත්වෙන අන්තර් සමාජ ප්‍රධානතම තුන් දින ලීග් ක්‍රිකට් තරගාවලියේ මේ සතියේදී පැවැත්වීමට නියමිතව තිබූ තරග අටෙන් නුගේගොඩ ක්‍රීඩා, සුබ සාධක සමාජය හා කෝල්ට් අතර […]
  • පළමු පුහුණු තරගයේදී බංග්ලාදේශයට කඩුලු 7ක ජයක්
    තවත් දින කිහිපයකින් ආරම්භ වන ලෝක කුසලාන ක්‍රිකට් තරගාවලියේ පෙරහුරු තරගමාලාව ආරම්භ කරමින් ශ්‍රී ලංකාව හා බංග්ලාදේශය අතර පැවැති එක්දින පුහුණු තරගයේදී බංග්ලාදේශ පිල කඩුලු 7ක ජයක් වාර්තා […]
LKR Sri Lankan rupee

Pin It on Pinterest