slc
logo
Home   |    News
ජූලි 8, 2023
කණ්ඩායම තුළ දැන් කිසිදු පීඩනයක් නෑ – සධීර සමරවික්‍රම

sinhala editor

ලෝක කුසලාන සුදුසුකම් ලබා ගැනීමේ තරගාවලිය උදෙසා සිම්බාබ්වේ වෙත පැමිණෙද්දී ශ්‍රී ලංකා කණ්ඩායම තුල විශාල පීඩනයක් තිබූ බවත්, මේවන විට එම පීඩනය පහව ගොස් ඇති බවත් ශ්‍රී ලංකා මැද පෙළ පිතිකරු සධීර සමරවික්‍රම කියයි. මේ අවස්ථාවේ ශ්‍රී ලංකා පිල සිටින ස්ථානය පිළිබඳ කණ්ඩායමක් ලෙස සතුටට පත්වන බව සමරවික්‍රම කියා සිටියේ සුපර් සික්ස් වටයේ අවසන් තරගය ජය ගැනීමෙන් අනතුරුව පැවැති මාධ්‍ය හමුවේදීය.

ශ්‍රී ලංකාව හා බටහිර ඉන්දීය කොදෙව් අතර පැවැති මෙම තරගයේ පන්දු 34ක් ඉතිරිව තිබියදී ශ්‍රී ලංකාව කඩුලු 8ක ජයක් ලැබීය. එමෙන්ම ශ්‍රී ලංකා පිල සහභාගී වූ ලෝක කුසලාන සුදුසුකම් ලබා ගැනීමේ තරගාවලියේ අවසන් මහා තරගය දක්වා සියලු තරග ජය ගැනීමට සමත්වීම ද විශේෂත්වයකි. මෙම තරගාවලියේ අවසන් මහා තරගය ශ්‍රී ලංකාව හා නෙදර්ලන්තය අතර, ජූලි 09 වැනිදා සිම්බාබ්වේ හරාරේ හීදී පැවැත්වීමට සියලු කටයුතු යොදා ඇත.

“ ලෝක කුසලාන සුදුසුකම් ලබා ගැනීමේ තරගාවලියට එද්දී අපි දැනගෙන හිටියා සෑම කණ්ඩායමක්ම අවසන් තරගයට එන්න උත්සහ කරන බව. ඒ නිසා අපට යම් පීඩනයක් එල්ල වෙලා තිබුණා. නමුත් තරගයෙන් තරගයට සැලසුම් කරලා ඒ සැලසුම් නිවැරදිව ක්‍රියාත්මක කර ගන්න හැකි වූ නිසා අපේ පීඩනය එන්න එන්නම අඩු වුණා. අපි කිසි විටෙකත් කල්පනා කළේ නෑ එක පාරටම අවසන් තරගයට එන ආකාරය. තරගයෙන් තරගයට තමයි සැලසුම් සකස් කළේ. අපි ක්‍රිකට් ක්‍රීඩාවේ මූලික දේ සදහා අවධානය වැඩි කළා“ සධීර සමරවික්‍රම පැවැසීය.

“එක්දින තරගයක් ක්‍රීඩා කරද්දී ආරම්භක පිතිකරුවන්ගේ ලකුණු සබඳතා ඉතාම වැදගත් වෙනවා. මේ තරගාවලියේදී අපට අවශ්‍ය වේලාවට පැතුම් හා දිමුත් ආරම්භක පිතිකරණ භූමිකාව නිවැරදි අයුරින් ඉටු කළා. ඒ දෙනොගේ කාර්ය ගැන සතුටු විය යුතුයි. හොද ආරම්භයක් බොහෝ අවස්ථාවලදී ඔවුන් දෙදෙනා ලබා දුන්නා. ඒ දෙන්නාගේ නැගී සිටීම කණ්ඩායමක් හැටියට වැදගත් වුණා“

“කණ්ඩායමක් විදිහට පන්දු රැකීමේ පුහුණුකරු සමග සෑම ක්‍රීඩකයෙකුම මහන්සිවී පුහුණුවීම්වල යෙදෙනවා. අවසන් තරගයට යද්දී හා ඉදිරි තරගවලදී තියෙන අඩුපාඩු සකසා ගත යුතුයි. අවාසනාවට යම් යම් අවස්ථාවලදී උඩ පන්දු අත්හැරී යනවා. ඉදිරියේදී පන්දු රැකීමේ අංශයෙන් හොද තත්ත්වයක ඉන්න පුලුවන් කියා හිතනවා. අපේ පන්දු යවන්නන් ඉතා හොදින් පන්දු යවනවා. අපේ සාර්ථකත්වයේ රහස පන්දු යවන්නන්ගේ දක්ෂ පන්දු යැවීම කියා කියන්න පුලුවන්. මේ තත්ත්වය ඉදිරියට ගෙන යන්න බලාපොරොත්තු වෙනවා“ සධීර සමරවික්‍රම සඳහන් කළේය.

Active filters

Recent Posts

  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]
  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]

Pin It on Pinterest

LKR Sri Lankan rupee