අද (20 දා) ගාල්ලේදී නිමාවට පත් වුණු ශ්‍රී ලංකාව සහ පාකිස්තානය අතර පළමු ටෙස්ට් තරගයේ ජයග්‍රාහී කණ්ඩායම වෙනුවෙන් පිරනැමුණු ත්‍යාග මුදල ඇමරිකානු ඩොලර් 5000 ක් බව ශ්‍රී ලංකා ක්‍රිකට් ආයතනය දැනුම් දී සිටියි.
මේ අතර එම තරගයේදී ජයග්‍රාහී පාකිස්තානු කණ්ඩායමට පිරිනැමුණු මුදල සඳහන් සංඛේතාත්මක චෙක්පත මුද්‍රණය කිරීමේදී සිදුව ඇති දෝෂය පිළිබඳවද ශ්‍රී ලංකා ක්‍රිකට් ආයතනය සිය කණගාටුව පළ කර සිටියි.
තරගාවසානයේ පැවැත්වෙන ජය සංඛේත ප්‍රධාන සඳහා වන සියලු පිරිනැමීමේ සම්මාන සකස් කරනු ලබන්නේ ශ්‍රී ලංකාව තුළ පැවැත්වෙන ජාත්‍යන්තර තරගාවලි සංවිධාන කටයුතුවල අයිතිය හිමි ITW උපදේශන සමාගම විසිනි.
එසේ වුවද ශ්‍රී ලාංකේය ක්‍රිකට් ක්‍රීඩාවේ පාලනාධිකාරිය වශයෙන් ශ්‍රී ලංකා ක්‍රිකට් ආයතනය මෙම අතපසුවීමේ සම්පූර්ණ වගකීම භාර ගනු ලබන අතර ඉදිරියේදී එවැනි ‘වැරදි’ වළක්වා ගැනීමට පියවර ගන්නා බවටද ක්‍රීඩා ලෝලින්ට පොරොන්දු වන බවද මේ පිළිබඳව නිවේදනයක් නිකුත් කරමින් වැඩිදුරටත් සඳහන් කර සිටියි.
