slc
logo
Home   |    News
ජූලි 17, 2023
පාකිස්තානය ලකුණු 91 ක් පසුපසින්

sinhala editor

ලකුණු 312 ක පළමු ඉනිමේ අභියෝගය හඹා යෑම සඳහා පිටියට පිවිසි පාකිස්තානු කණ්ඩඩායමේ ඉදිරි පෙළ කඩුලු 4 ක් පන්දුවාර 18 ක් ඇතුළතදී බිඳ දැමූ ප්‍රභාත් ජයසූරිය සහ රමේෂ් මෙන්ඩිස් දෙදෙනා ගාල්ල ජාත්‍යන්තර ක්‍රීඩාංගණයේ පැවැත්වෙන පළමු ටෙස්ට් තරගයේදී ශ්‍රී ලංකාවට වැඩි වාසි අත්කර දීමට සමත්වූහ. එහෙත් 6 වැනි කඩුල්ලට එක් වුණු සෞද් ශකීල් සහ අඝා සල්මාන් දෙදෙනා ලකුණු 120 ක සම්බන්ධතාවක් පවත්වමින් දෙවැනි දිනට තරගයනිමා කරන විට පාකිස්තානු පිල ගොඩ ගත්හ.

අර්ධ ශතක සම්බන්ධතාවක් ලෙසින් සටහන් වුණු එම හය වැනි කඩුල්ලේ සම්බන්ධතාවත් අහපත් කාලගුණ තත්ත්වය හේතුවෙන් දෙවැනි දිනට තරගය නිමා කරන විට කඩුලු 5 කට ලකණු 221ක් ලබා සිටියේය. ඒ අනුව ශ්‍රී ලංකා කණ්ඩායම දෙවැනි ඉනිමේදී තවමත් ලකුණු 91 කින් පෙරමුණේ පසු වන්නේය.

අතීතයේ පටන්ම වමත් දඟ පන්දු යවන්නන් හමුවේ පන්දුවට පහර දීමේදී පාකිස්තානු පිතිකරුවන් දක්වනූ ලබන දුර්වලතාවය තවමත් හදාගෙන නොමැති සෙයක. මක් නිසාද යත් දැවී ගිය කඩුලු 5 න් 3 ක්ම වමත් දඟ පන්දු යවන්නා වන ප්‍රභාත් ජයසූරිය විසින් දවා ගැනීමට සමත්වීමයි.

කසුන් රජිත ආරම්භ කරන ලද කඩුලු බිඳ දැමීමේ ක්‍රියාවලියේදී පළමු කඩුලු 5 ම ලකුණු 101 කදී බිඳ දැමීමට ශ්‍රී ලංකා පන්දු යවන්නෝ සමත්වූහ. කෙසේ වෙතත් සෞද් ශකීල් පන්දු 88 කදී ලකුණු 69 ක්ද අඝා සල්මාන් පන්දු 84 කදී ලකුණු 61 ක් ද ලබා කඩුල්ලේ නොදැවී රැඳී සිටිති.

අද දින‌ය ආරම්භයත් සමග ශ්‍රී ලංකා පිලේ උප නායක ධනංජය ද සිල්වා ශතකය මුහුණ දුන් 175 වැනි පන්දුවේදී තම 10 වැනි ටෙස්ට් ශතකය සම්පූර්ණ කර ගත්තේය. තම 50 වැනි ටෙස්ට් තරගය ලෙසින් වාර්තා පොත් අතරට එක් වුණු මෙම තරගයේදී ධනංජය ශතකයක් වාර්තා කිරීමද කැපී පෙනිණ. කෙසේ වෙතත් තරගය ආරම්භයට පෙර එය සිහි කරනුවස් ධනංජයට තරග ආරම්භයට පෙර විශේෂ කැප් තොප්පියක් කණ්ඩායම් නායක දිමුත් කරුණාරත්න විසින් ප්‍රධානය කිරීමට පියවර ගැනුණි. එමෙන්ම මෙම තරගය දිනේෂ් චන්දිමාල්ගේද 75 වැනි ටෙස්ට් තරගය ලෙසින් සටහන් වීම නිසා ඔහුටද ඇන්ජලෝ මැතිව්ස්ගේ සුරතින් විශේෂ කැප් තොප්පියක් පිරිනමන ලදී.

ශ්‍රී ලංකා පිතිකරුවන් අද දිනයේදී රැස් කිරීමට සමත්වූයේ ලකුණු 70 ක් පමනි. පසු පෙළ බර තනිකම තමන් මතට ගත් ධනංජය ඉනිමේ 9 වැනි පිතිකරුවා ලෙසින් දැවී ගියේය. ඒ වන විට හේ මුහුණ දී තිබූ පන්දු 214 න් 15 වතාවක් හතරේ සීමාවෙන් එහාට පන්දුව යැවීමට සලසවද්දී ඉන් තුනක් හයේ පහර ලෙසින් සටහන් විය. කෙසේ වෙතත් අවසන් පිතිකරුවා ලෙසින් පිවිසි විශ්ව ප්‍රනාන්දු කසුන් රජිත සමග එක්ව අවසන් කඩුල්ල වෙනුවෙන් ලකුණු 29 ක සම්බන්ධතාවක් පවත්වමින් ලකුණු සංඛ්‍යාව 312 දක්වා ඉහළ දැමීමට දායකත්වය දැක්වූහ.

ශ්‍රී ලංකාව පන්දුවාර 95.2 කදී සියලු දෙනා දැවී ලකුණු 312 යි – (ධනංජය ද සිල්වා 122, ඇන්ජලෝ මැතිව්ස් 64, කුසල් මෙන්ඩිස් 12, දිමුත් කරුණාරත්න 29, නිශාන් මදුශ්ක 04, දිනේෂ් චන්දිමාල් 01, සධීර සමරවික්‍රම 36, රමේස් මෙන්ඩිස් 05, ප්‍රභාත් ජයසූරිය 04, කසුන් රජිත 08, විශ්ව ප්‍රනාන්දු 21, ෂහීන් ෂා අෆ්රිඩි 86/3, නසීම් ෂා 90/3, අබ්රාර් අහමඩ් 68/3, අඝා සල්මාන් 18/1)

පාකිස්තානය පළමු ඉනිම පන්දුවාර 45 කදී කඩුලු 5 ක් දැවී ලකුණු 221 යි – (සෞද් ශකීල් 69*, අඝා සල්මාන් 61*, සෆ්‍රාස් අහමඩ් 17, අබ්දුල්ලා ශෆික් 19, ඉමාම් උල් හක් 01, ශාන් මසූඩ් 39, බාබර් අසාම් 13, ප්‍රභාත් ජයසූරිය 83/3, රමේෂ් මෙන්ඩිස් 63/1, කසුන් රජිත 33/1)

Active filters

Recent Posts

  • පානදුර⁣ට ලකුණු පහක තියුණු ජයක්
    ශ්‍රී ලංකා ක්‍රිකට් ආයතනය මෙහෙය වන මේජර් අන්තර් සමාජ විස්සයි 20 ක්‍රිකට් තරගාවලියේ අද (18) පැවැති තරග දෙකකදී තියුණු තරගයකින් පසුව පාණදුර කණ්ඩායම ලකුණු පහකින් ප්‍රබල කෝල්ට්ස් කණ්ඩායම […]
  • චිලව් මේරියන්ස් – මුවර්ස් ජය ලබති
     අන්තර් සමාජ මේජර් විස්සයි 20 ක්‍රිකට් තරගාවලියේ අද (17) පැවැති තරග අතුරින් චිලව් මේරියන්ස් සහ මුවර්ස් කණ්ඩායම් ජයග්‍රහණ අත්කර ගත්හ.  චිලව් මේරියන්ස් කඩුලු හතරකින් බදුරලිය පරාජය කළ අතර […]
  • අවුරු. 23 න් පහළ කාන්තා ක්‍රිකට් දෙවැනි දිනය වැස්සට සේදෙයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 23 න් පහළ කාන්තා පන්දුවාර විස්සයි-20 ක්‍රිකට් තරගාවලිය යටතේ අද (17 දා) පස්වරුවේ පැවැත්වීමට නියමිතව තිබූ තරග 2 ම අයහපත් කාලගුණය […]
  • ක්‍රීඩකයින් 420 ක් LPL වෙන්දේසියට සුදුසුකම් ලබති
    මෙරට පැවැත්වෙන මහා ක්‍රිකට් සැණකෙළිය හේවත් ලංකා ප්‍රිමියර් ලීග් (LPL) පන්දුවාර විස්සයි-20 ක්‍රිකට් තරගාවලියේ ක්‍රීඩක වෙන්දේසිය එළැඹෙන මැයි 21 වැනිදා ප.ව. 12.00 සිට කොළඹ හිල්ටන් හෝටල් පරිශ්‍රෙය්දී පැවැත්වෙන අතර […]
  • පුහුණු තරගවලට පෙර කුසල්ට කණ්ඩායම සමඟ එකතුවේවි – ඈෂ්ලී ද සිල්වා
    ලෝක කුසලාන ක්‍රිකට් තරගාවලියට සහභාගිවීම සඳහා ඇමරිකා එක්සත් ජනපදය වෙත යෑමට වීසා ඇයැදුම් කර ඇති ශ්‍රී ලංකා ක්‍රිකට් කණ්ඩායමේ ඉදිරි පෙළ පිතිකරු කුසල් මෙන්ඩිස්ගේ වීසා බලපත්‍රය එම තානාපති කාර්යාලය […]

Pin It on Pinterest

LKR Sri Lankan rupee