slc
logo
Home   |    News
ජූලි 25, 2023
වර්ෂා‌වට පෙර පාකිස්තානුවෝ ශ්‍රී ලංකා පලමු ඉනිම අභිබවා යති

sinhala editor

By Chamila Karawita

කොළඹ එස්. එස්. සී. ක්‍රීඩාංගණයේ පැවැත්වෙන දෙවැනි ටෙස්ට් තරගයේ දෙවැනි දිනයේදී ක්‍රියාත්මක කළ හැකි වූයේ පන්දුවාර 10 ක් පමණි. තරගය ආරම්භ වීමට නියමිතව තිබූ පෙ.ව. 10.00 ට තරගය ආරම්භ කෙරුණත්, අනතුරුව ඇද හැළුණු ධාරානිපාත වර්ෂාව එස්. එස්. සී. ක්‍රීඩාංගණය ‌සම්පූර්ණයෙන්ම යට කරගත් හේතුවෙන් දෙවැනි දිනට තරගය යළිත් ආරම්භ කිරීමට විනිසුරුවන්ට නොහැකි විය. තරගයට වර්ෂාවෙන් කෙතරම් බාධා ගෙන දුන්නේද කිවහොත් ක්‍රීඩාංගණ කාර්ය මණ්ඩලයට නිසියාකාරව වැසි ආවරණය එළීම සදහා සෑහෙන වෙහෙසක් ගැනීමට සිදුවීමද දිනයේ කැපී පෙනිණ.

තරගය ක්‍රියාත්මක මිනිත්තු 43 ක කාලයේදී සිය කඩුලු ආරක්ෂා කර ගත් අබ්දුල්ලා ශෆීක් සහ බාබර් අසාම් දෙදෙනා ලකුණු ශ්‍රී ලංකා පිල පළමු ඉනිම වෙනුවෙන් රැස් කළ ලකුණු 166 ක ලකුණු සංඛ්‍යාව ඉක්මවා ගියේය. තරගය නතර කර දමනා විට පාකිස්තානු ලකුණු පුවරුව කඩුලු 2 කට ලකුණු 178 ක් ලෙස සටහන් වූයේ පාකිස්තානුවන් ලකුණු 12 කින්ද පළමු ඉනිමේ පෙරමුණට පැමිණෙමිනි.

තරගය පැවැති කාල සීමාවේදී ප්‍රභාත් ජයසූරිය විසින් තර්ජනාත්මක පන්දු යැවීමක නිරත වනු දක්නට ලැබුණත් පාකිස්තානු පිතිකරුවන් අසීරු අවස්ථාවේදී තම කඩුලු ආරක්ෂා කර ගත්හ. පීඩනය අතරින් ඉදිරියට පැමිණි බාබර් අසාම් ජයසූරියගේ පන්දුවකට හයේ පහරක් එල්ල කළේය.

අනෙක් අන්තයෙන් පන්දු යැවූ වේගපන්දු යවන්නන් හමුවේ පහසුවෙන් ලකුණු රැස් කර ගත් අතර අසිත ප්‍රනාන්දු ක්‍රියාත්මක කරන ලද පළමු පන්දුවාරයේ තෙවැනි පන්දුවට හතරේ පහරක් එල්ල කළ බාබර් අසාම් ශ්‍රී ලංකා පළමු ඉනිම අභිබවා පාකිස්තානු පිල රැගෙන ගියේය.

හෙට (25 දා) තරගයේ තෙවැනි දිනය පෙ.ව. 9.45 ට ආරම්භ වන අතර සම්පූර්ණ දිනයේදී පන්දුවාර 98 ක් යැවිය යුතු වේ.

ශ්‍රී ලංකාව පන්දුවාර 48.4 කදී සියලු දෙනා දැවී ලකුණු 166 යි – (ධනංජය ද සිල්වා 57, දිනේෂ් චන්දිමාල් 34, රමේෂ් මෙන්ඩිස් 27, නිශාන් මදුශ්ක 04, දිමුත් කරුණාරත්න 17, කුසල් මෙන්ඩිස් 06, ඇන්ජලෝ මැතිව්ස් 09, සධීර සමරවික්‍රම 00, ප්‍රභාත් ජයසූරිය 01, අසිත ප්‍රනාන්දු 00, ඩිල්ෂාන් මදුශංක 00, අබ්රාර් අහමඩ් 69/4, නසීම් ෂා 41/3, ශහීන් ෂා අෆ්රිඩි 44/1)

පාකිස්තානය පන්දුවාර 38.3 කදී කඩුලු 2 ක් දැවී ලකුණු 178 යි – (අබ්දුල්ලා ශෆීක් 87*, ඉමාම් උල් හක් 06, බාබර් අසාම් 28*, ශාන් මසූඩ් 51, අසිත ප්‍රනාන්දු 41/2)

Active filters

Recent Posts

  • ශ්‍රී ලංකා කාන්තාවෝ කල් ඇතිවම තරගාවලි ජය ලබති
    බටහිර ඉන්දීය කොදෙව් කාන්තා කණ්ඩායම හා ශ්‍රී ලංකා කාන්තා කණ්ඩායම අතර තරග 3කින් සමන්විත අන්තර්ජාතික එක්දින තරගාවලියේ පිට පිට තරග දෙකක් ජයගත් ශ්‍රී ලංකා කාන්තා පිල තරගයක් ඉතිරිව […]
  • 21 න් පහළ අවසන් ගැටුම සෙබස්තියනයිට්ස් සහ මැලේ අතර
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 21 න් පහළ ටියර් ‘බී‘ කොටසේ දෙදින ක්‍රිකට් තරගාවලියේ අවසන් මහ සටන සඳහා සුදුසුකම් ලබා ගැනීමට මොරටුව සෙබස්තියනයිට්ස් සහ මැලේ […]
  • ආණ්ඩුකාර කුසලාන අවසන් පූර්ව තරග ජුනි 22 වැනිදා  
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන ආණ්ඩුකාර කුසලාන පන්දුවාර 50 ක්‍රිකට් තරගාවලියේ අවසන් මහ තරග අවස්ථාව උදාකර ගැනීම වෙනුවෙන් වන අවසන් කඩඉම වන අර්ධ අවසන් තරග […]
  • ජයග්‍රහණයක් සමඟින් ශ්‍රී ලංකාව ලෝක කුසලාන ගමන නිමා කරයි
    ග්‍රොස් අයිලට් නුවර ඩැරන් සාමි ජාතික ක්‍රීඩාංගණයේ පැවැති තරගයේදී නෙදර්ලන්ත පිලට එරෙහිව ලකුණු 83 ක විශිෂ්ඨ තරග ජයග්‍රහණයක් වාර්තා කළ ශ්‍රී ලංකා කණ්ඩායම 2024 පන්දුවාර විස්සයි-20 ලෝක කුසලාන ගමන […]
  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]

Pin It on Pinterest

LKR Sri Lankan rupee