slc
logo
Home   |    News
ජූලි 11, 2023
සුදුසුකම් ලැබීමේ හොඳම 11 දෙනා අතරට ශ්‍රී ලංකාවෙන් 3 ක්

sinhala editor

මෙම වසර අගදී ඉන්දියාවේ පැවැත්වෙන එක්දින ලෝක කුසලාන ක්‍රිකට් තරගාවලියට සුදුස්සන් තේරීම සඳහා සිම්බාබ්වේහිදී පැවැති සුදුසුකම් ලැබීමේ තරගාවලියට ක්‍රීඩා කරන ලද ක්‍රීඩකයින් අතුරින් නම් කරන ලද හොඳම ක්‍රීඩකයින් 11 දෙනා අතරට ශ්‍රී ලංකා කණ්ඩායමේ ක්‍රීඩකයින් තිදෙනෙකු ඇතුළත් කිරීමට අන්තර්ජාතික ක්‍රිකට් කවුන්සිලය පියවර ගෙන තිබේ.

මෙම තරගාවලිය නියෝජනය කරන ලද කණ්ඩායම් වල ක්‍රීඩකයින් අතුරින් 11 දෙනෙකු නම් කර තිබෙන අතර එහිදී ආරම්භක පිතිකරු පැතුම් නිස්සංක, පා දඟ පන්දු යවන වනිඳු හසරංග සහ පිට දඟ පන්දු යවන මහීෂ් තීක්ෂණ එම ක්‍රීඩකයෝ බවට පත්ව සිටිති.

මෙම තරග වාරයේදී ඉනිම ආරම්භ කළ පැතුම් නිස්සංක ශතක 2 ක් සමඟින් ඉනිමක ලකුණු ලබා ගැනීමේ සාමාන්‍ය 69.5 ක් රඳවා තබා ගනිමින් මුලු ලකුණු 417 ක්ද වනිඳු හසරංග කඩුල්ලක් දවා ගැනීමේ සාමාන්‍ය 12.9 ක් රඳවා තබා ගනිමින් කඩුලු 22 ක්ද මහීෂ් තීක්ෂණ කඩුල්ලක් දවා ගැනීමේ සාමාන්‍ය 12.23 ක් රඳවා ගනිමින් කඩුලු 21 ක් ද ලබා ගනිමින් එම ස්ථාන තහවුරු කර ගැනීමට සමත්ව සිටිති.

සුදුසුකම් ලැබීමේ තරගාවලියේදී නම් කරන ලද කණ්ඩායම

  1. පැතුම් නිස්සංක ලකුණු 417 යි
  2. වික්‍රම්ජිත් සිං (නෙදර්ලන්තය) – ලකුණු 326 යි කඩුලු 6 යි
  3. බ්‍රෙන්ඩන් මැක්මුලන් (ස්කොට්ලන්තය) – ලකුණු 364 යි කඩුලු 13 යි
  4. සෝන් විලියම්ස් (සිම්බාබ්වේ) – ලකුණු 600 යි කඩුලු 3 යි
  5. බස් ඩී ලීඩ් (නෙදර්ලන්තය) – ලකුණු 285 යි කඩුලු 15 යි
  6. සිකන්දර් රාසා (සිම්බාබ්වේ) – ලකුණු 325 යි)
  7. ස්කොට් එඩ්වර්ඩ්ස් (නෙදර්ලන්තය) – ලකුණු 314 යි
  8. වනිඳු හසරංග – කඩුලු 22 යි
  9. මහීෂ් තීක්ෂණ – කඩුලු 21 යි
  10. ක්‍රිස් සෝල් (ස්කොට්ල්නතය) – කඩුලු 11 යි
  11. රිචඩ් න්ගරාවා (සිම්බාබ්වේ) – කඩුලු 14 යි

Active filters

Recent Posts

  • පානදුර⁣ට ලකුණු පහක තියුණු ජයක්
    ශ්‍රී ලංකා ක්‍රිකට් ආයතනය මෙහෙය වන මේජර් අන්තර් සමාජ විස්සයි 20 ක්‍රිකට් තරගාවලියේ අද (18) පැවැති තරග දෙකකදී තියුණු තරගයකින් පසුව පාණදුර කණ්ඩායම ලකුණු පහකින් ප්‍රබල කෝල්ට්ස් කණ්ඩායම […]
  • චිලව් මේරියන්ස් – මුවර්ස් ජය ලබති
     අන්තර් සමාජ මේජර් විස්සයි 20 ක්‍රිකට් තරගාවලියේ අද (17) පැවැති තරග අතුරින් චිලව් මේරියන්ස් සහ මුවර්ස් කණ්ඩායම් ජයග්‍රහණ අත්කර ගත්හ.  චිලව් මේරියන්ස් කඩුලු හතරකින් බදුරලිය පරාජය කළ අතර […]
  • අවුරු. 23 න් පහළ කාන්තා ක්‍රිකට් දෙවැනි දිනය වැස්සට සේදෙයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 23 න් පහළ කාන්තා පන්දුවාර විස්සයි-20 ක්‍රිකට් තරගාවලිය යටතේ අද (17 දා) පස්වරුවේ පැවැත්වීමට නියමිතව තිබූ තරග 2 ම අයහපත් කාලගුණය […]
  • ක්‍රීඩකයින් 420 ක් LPL වෙන්දේසියට සුදුසුකම් ලබති
    මෙරට පැවැත්වෙන මහා ක්‍රිකට් සැණකෙළිය හේවත් ලංකා ප්‍රිමියර් ලීග් (LPL) පන්දුවාර විස්සයි-20 ක්‍රිකට් තරගාවලියේ ක්‍රීඩක වෙන්දේසිය එළැඹෙන මැයි 21 වැනිදා ප.ව. 12.00 සිට කොළඹ හිල්ටන් හෝටල් පරිශ්‍රෙය්දී පැවැත්වෙන අතර […]
  • පුහුණු තරගවලට පෙර කුසල්ට කණ්ඩායම සමඟ එකතුවේවි – ඈෂ්ලී ද සිල්වා
    ලෝක කුසලාන ක්‍රිකට් තරගාවලියට සහභාගිවීම සඳහා ඇමරිකා එක්සත් ජනපදය වෙත යෑමට වීසා ඇයැදුම් කර ඇති ශ්‍රී ලංකා ක්‍රිකට් කණ්ඩායමේ ඉදිරි පෙළ පිතිකරු කුසල් මෙන්ඩිස්ගේ වීසා බලපත්‍රය එම තානාපති කාර්යාලය […]

Pin It on Pinterest

LKR Sri Lankan rupee