slc
logo
Home   |    News
අගෝස්තු 18, 2023
ශ්‍රී ලංකා ක්‍රිකට් වෙතින් ‘ලිට්ල් හාර්ට්ස්’ ගිණුමට කෝටි 10ක පරිත්‍යාගයක්

sinhala editor

කොළඹ රිජ්වේ ආර්යා රෝහලේ දරුවන්ගේ හෘද සැත්කම් වෙනුවෙන් පිහිටුවා ඇති ලිට්ල් හාර්ට්ස් අරමුදල වෙනුවෙන් රුපියල් මිලියන 100 ක මුදලක් ලබා දීමට ශ්‍රී ලංකා ක්‍රිකට් පියවර ගෙන තිබේ. සිව්වැනි වතාවටත් පැවැත්වෙන ලංකා ප්‍රිමියර් ලීග් ක්‍රිකට් තරගාවලියේ අවසන් මහ තරග ජය සංකේත ප්‍රධානයේදී මෙම ප්‍රධානය රෝහල් බලධාරීන් වෙත සිදුකෙරෙනු ඇත.

හෘද රෝග ඇතුළුව බරපතල රෝගාබාධ සහිත දරුවන්ට ප්‍රතිකාර කිරීමට අවශ්‍ය පහසුකම් සපයා ගැනීම වෙනුවෙන් රිජ්වේ ළමා රෝහලේ ඉදිවන හදවත් රෝග ඇති දරුවන් ඉක්මනින් හඳුනා ගැනීම වෙනුවෙන් ඉදිවන Cardiac and Critical Care සංකීර්ණය ගොඩ නැගීම වෙනුවෙන් මෙම මුදල් උපකාරී වනු ඇත.

මෙම ව්‍යාපෘතියේ ජාතික වැදගත්කම සැලකිල්ලට ගනිමින් ශ්‍රී ලංකා ක්‍රිකට් සභාපති ශම්මි සිල්වා මහතා ප්‍රමුඛ ක්‍රිකට් විධායක කමිටුව විසින් මෙම තීරණය ගෙන තිබේ.

“දරුවන්ගේ යහ පැවැත්ම අපේ ජාතිකයට සහ එහි අනාගතයට ඉදා වැදගත් වන බව සලකන නිසා මෙම උදාර් කර්තව්‍යයේ කොටස්කරුවකු වීමට ලැබීම ගැන අපි ඉතා සතුටට පත් වෙනවා” යැයි මේ පිළිබඳව අදහස් දක්වා සිටින ශ්‍රී ලංකා ක්‍රිකට් සභාපති ශම්මි සිල්වා මහතා සඳහන් කර සිටියි.

මෙහිදී වැඩිදුරටත් අදහස් දක්වා සිටින ක්‍රිකට් සභාපතිවරයා, “මෙරට වගකිව යුතු සංවිධානයක් ලෙස ශ්‍රී ලංකා ක්‍රිකට් ආයතනය සෑම විටම මෙවැනි ජාතික අවශ්‍යතා සඳහා උපකාර කිරීමට ඉදිරිපත් වන අතර මෙය තවත් එවැනි උත්සාහයක්” යැයිද සඳහන් කර සිටියේය.

මේ අතර ලංකා ප්‍රිමියර් තරගාවලිය අතරතුරදී මෙම ‘ලිට්ල් හාර්ට්ස්’ ව්‍යාපෘතිය සදහා දැවැන්ත ප්‍රවර්ධනයක් ලබා දීමට පියවර ගනු ලැබුවේද ජාත්‍යන්තර ප්‍රජාවගේ වැඩි අවධානයක් මෙම වැඩසටහන පිළිබඳව ලබා දීම වෙනුවෙනි.

එල්.පී.එල්. තරගාවලිය ආරම්භයට පෙර තරගයකදී එල්ල වන සෑම හයේ පහරක් සඳහා රුපියල් 6000 ක මුදුලක්ද, හතරේ පහරක් සඳහා රුපියල් 4000 ක මුදලක්ද ලබා දෙන අතර ඊට අමතරව තරගයකදී වාර්තා වන සෑම නිලකුණු පන්දුවකට (Dot Ball) රුපියල් 2000 බැගින් පිරිනැමීමට තරගාවලි සංවිධායකයින් වන ශ්‍රී ලංකා ක්‍රිකට් ආයතනය තීරණය කළේය. ඊට අමතරව තරගාවලියේ ප්‍රවේශ පත්‍රවල අලෙවියෙන් ලැබෙන මුදලින් කොටසක්ද ලිට්ල් හාර්ට්ස් අරමුදලට ලබාදීමට ශ්‍රී ලංකා ක්‍රිකට් තීරණය කරන ලදී. ඒ් අනුව එම තරගාවලියෙන් පමණක් රුපියල් මිලියන 6.7 ක් ලිට්ල් හාර්ට්ස් අරමුදලට ලබාදෙන අතර ඉතිරි මිලියන 93.3ම ශ්‍රී ලංකා ක්‍රිකට් ආයතනය විසින් ලබා දීම කැපී පෙනෙයි.

Active filters

Recent Posts

  • ශදාබ් සහ ගුර්බාස් කලම්බු ස්ට්‍රයිකර්ස්ට ජය ගෙනෙති
    By Chamila Karawita ලංකා ප්‍රිමියර් ලීග් ක්‍රිකට් තරගාවලියේ 17 වැනි තරගය ලෙසින් අද (14 දා) රාත්‍රියේ පැවැති තරගයෙන් ජැෆ්නා කිංග්ස් කණ්ඩායමට එරෙහිව කඩුලු 9 ක පහසු ජයක් වාර්තා […]
  • පිළිකා මර්ධනයට LPL අත හිත 
    අගහිඟකම්වලට මුහුණ පා සිටින අතරතුර, පිළිකාවන් ද වැළඳී වේදනා විඳිමින් ළතැවෙමින් දුක් සුසුම්ළන මේ සමාජයේ අපේම මව්වරුනට සොහොයුරියනට, දරුවන්ට අත්වැළක් වන්නට වත්මන් ක්‍රිකට් ක්‍රීඩකයනට අවස්ථාවක් උදාවන්නේ නම් එය […]
  • සුපිරි පන්දුවාරයේදී ගෝල් මාවල්ස් ජය ලබයි
    By Chamila Karawita ලංකා ප්‍රිමියර් ලීග් ක්‍රිකට් තරගාවලිය යටතේ අද (14 දා) පස්වරුවේ පැවැති ගෝල් මාවල්ස් සහ දඹුල්ල සික්සර්ස් කණ්ඩායම් අතර තරගය සුපිරි පන්දුවාරය දක්වා දිග හැරුණු අතර […]
  • හතරේ සීමාවේ දුර අඩුද…? වැඩිද…? ජැෆ්නා නායකයාගේ අදහස
    ලංකා ප්‍රිමියර් ලීග් තරගාවලියේදී හතරේ සීමා මඳක් කෙටි කිරීමෙන් ඉදිරි ජාත්‍යන්තර තරග සඳහා කිසිදු අවාසිදායක තත්ත්වයක් ඇති නොවන බවත් උසස් මට්ටමේ තණතිලිවල ක්‍රීඩා කරද්දී පිතිකරුවනට දක්ෂ අයුරින් පහර […]
  • හයේ වරුසාවක් සමඟින් ජැෆ්නා ක්‍රීඩකයෝ 5 වැනි ජය ලබති
    Chamila Karawita ලංකා ප්‍රිමියර් ලීග් ක්‍රිකට් තරගාවලියේ දෙවැනි අදියර හෙවත් කොළඹ අදියර ආරම්භ කරමින් පැවැති පළමු තරගයේදීම කැන්ඩි ෆෝල්කන්ස් කණ්ඩායම විසින් ලබා දුන් ලකුණු 79 ක ඉලක්කය හඹා […]

Pin It on Pinterest

LKR Sri Lankan rupee
logo