ශ්‍රී ලංකා ටෙස්ට් කණ්ඩායම නියෝජනය කරන ලද ඉදිරි පෙළ පිතිකරුවකු වන ළහිරු තිරිමාන්න සියලුම ආකාරයේ ජාත්‍යන්තර ක්‍රිකට් තරගවලින් සමුගැනීමට තීරණය කර තිබේ. ඒම තීරණය සම්බන්ධව තිරිමාන්න විසින් සිදුකරන ලද දැනුම් දීම ශ්‍රී ලංකා ක්‍රිකට් විධායක කමිටුවට විසින් පිළිගෙන තිබේ.
තිරිමාන්නගේ ඉල්ලා අස්වීමේ ලිපිය ශ්‍රී ලංකා ක්‍රිකට් ආයතනය භාරදීමෙන් අනතුරුව ඒ් පිළිබඳව සලකා බැලූ ශ්‍රී ලංකා ක්‍රිකට් විධායක සභාව ඔහුගේ තීරණයට ඒකඟත්වය පළ කර තිබේ.
මේ සම්බන්ධව ශ්‍රී ලංකා ක්‍රිකට් ආයතනයේ ප්‍රධාන විධායක නිලධාරී ඈෂ්ලී ද සිල්වා මහතා සඳහන් කර සිටියේ තිරිමාන්න විසින් යොමු කරන ලද ඒම ඉල්ලා අස්වීමේ ලිපිය සදහා ඉකුත්දා පැවැති විධායක කමිටුවේ අනුමැතිය ලබා දුන් බවයි.
“තිරිමාන්නගේ ඉදිරි වැඩකටයුතු සම්බන්ධව සුභ පැතුම් ඒක් කිරීමට අපි මෙය අවස්ථාවක් කරගන්නා අතරම ඔහු ශ්‍රී ලාංකේය ක්‍රිකට් ක්‍රීඩාව වෙනුවෙන් සිදුකරන ලද සේවය ද මේ අවස්ථාවේ සිහිපත් කරනවා” යනුවෙන් ප්‍රධාන විධායක නිලධාරී ඈෂ්ලී ද සිල්වා මහතා සඳහන් කර සිටියි.
ශ්‍රී ලංකාව වෙනුවෙන් ටෙස්ට් තරග 44 කට සහ ඒක්දින තරග 127 කට සහභාගිව ඇති තිරිමාන්න විස්සයි20 ජාත්‍යණ්තර තරග 26 කදීද ශ්‍රී ලංකාව නියෝජනය කර තිබේ. ඔහු සිය රට වෙනුවෙන් සියලුම ආකාරයේ ජාත්‍යන්තර තරග වලදී ලකුණු 5500 ට වඩා රැස් කරගෙන තිබේ. ශ්‍රී ලංකා කණ්ඩායම පන්දුවාර විසස්සයි-20 ලෝක කුසලානය දිනා ගන්නා ලද 2014 වසරේ ශ්‍රී ලංකා කණ්ඩායමේ සාමාජිකයෙක් ලෙසද තිරිමාන්න කටයුතු කළේය.
