slc
logo
Home   |    News
ඔක්තෝබර් 13, 2023
‘ළමුන් වෙනුවෙන් දිනයක්‘ වැඩසටහනට ඉන්දු-ශ්‍රී ලංකා තරගය ‘නිල්‘ පැහැ ගැන්වෙයි

sinhala editor

ඉන්දියාවේ පැවැත්වන ලෝක කුසලාන ක්‍රිකට් තරගාවලිය යටතේ නොවැම්බර් 02 වැනිදා පැවැත්වීමට නියමිත ශ්‍රී ලංකාව සහ ඉන්දියාව අතර තරගය එක්සත් ජාතීන්ගේ ජාත්‍යන්තර ළමා අරමුදල (යුනිසෙෆ්) විසින් සිදුකරගෙන යනු ලබන ‘ළමුන් වෙනුවෙන් දිනයක්‘ යන ව්‍යාපෘතිය සැමරීම සඳහා යොදා ගැනීමට අන්තර්ජාතික ක්‍රිකට් සභාව තීරණය කර තිබේ. ඒ අනුව තරගය පැවැත්වීමට නියමිත මුම්බායිහි වැන්කඩේ ක්‍රීඩාංගණය එදිනදී සම්පුර්ණයෙන්ම නිල් පැහැයෙන් යුක්ත වනු ඇත.

ලොව  පුරා ජීවත්වන සෑම දරුවකුටම වඩා හොඳ ලෝකයක් ගොඩනැගීමට මෙන්ම පිරිමි ළමයින් මෙන්ම ගැහැළු ළමයින්ටද එක හා සමාන අවස්ථා නිර්මාණය කර දෙමින් ජීවත්වීමට සහ දියුණු වීමට සහයෝගය ලබා දීම, “ළමුන් වෙනුවෙන් දිනයක්“ (One Day 4 Children) ව්‍යාපෘතියේ අරමුණ වී තිබේ. ඒ අනුව ලොව පුරා ජීවත්වන සියලුම දරුවන්ට සමානව සැළකීම සංඛේතවත් කරමින් සිදුකෙරෙන මෙම මහඟු කාර්යය සදහා තරගය නැරඹීමට පැමිණෙන ප්‍රේක්ෂකයින්ටද නිල් පැහැති එල්.ඊ.ඩී. අත් පළඳනාවක් ලබාදීමත්, දෙවැනි ඉනිම අතරතුරදී ක්‍රීඩාංගණය පුරා නිල් පැහැති ආලෝක සංදර්ශනයක් පැවැත්වීමටත් විධිවිධාන යොදා තිබේ.

“ළමුන් වෙනුවෙන් දිනයක්“ ව්‍යාපෘතිය ප්‍රවර්ධනය කිරීම සඳහා යුනිසෙෆ් සංවිධානයේ සහ අන්තර්ජාතික ක්‍රිකට් සබාවේ තානාපතිවරුන් ලෙසින් කටයුතු කරන සචින් ටෙන්ඩුල්කාර් සහ මුත්තයියා මුරලිදරන් යන මහත්වරුද මෙම අවස්ථාවට දෙරටේ ක්‍රීඩකයින් සමඟින් එකතු වනු ඇත.

මෙදිනදී එකතු වන අරමුදල් ලොව පුරා සෑම දරුවකුටම සමාන අවස්ථා ලබාදීම අරමුණු කරගත් යුනිසෙෆ් සංවිධානයේ ඉදිරි කටයුතු සඳහා යොදා ගැනෙනු ඇත. ජාත්‍යන්තර ක්‍රිකට් කවුන්සිලයේ නිල විකාශන අයිතිය හිමි ස්ටාර් ස්පෝර්ට්ස් නාළිකාව විසින් මෙම අවස්ථාව ලොව පුරා රූපවාහිී ප්‍රේක්ෂකයින් අතරට රැගෙන යනු ඇත. එහිදී විවිධ වාණිජ මට්ටම්වල පසුවන හවුල්කරුවන් විසින් තරගය අතරතුර සිදුකරනු ලබන පරිත්‍යාග සමගින් මෙම අවස්ථාවට සහාය දක්වනු ඇත.

මෙදින සිදුකරන වැඩසටහනට අමතරව ලෝක කුසලාන ක්‍රිකට් තරගාවලිය නියෝජනය කරනු ලබන සෑම කණ්ඩායමක් සමඟම එක්ව තරග  පැවැත්වෙන ක්‍රීඩාංගණ 10 දීම ළමුන් සඳහා වැඩසටහන් පැවැත්වීමට අන්තර්ජාති ක්‍රිකට් සභාවසහ යුනිසෙෆ් සංවිධානය කටයුතු යොදා තිබේ. මෙහිදී ළමුන් කැමැති ඔවුනගේ ක්‍රිකට් වීරයින් සමඟ එක්ව පිත්තක් සහ පන්දුවක් අතට ගෙන ක්‍රීඩා කිරීමේ අවස්ථාවද ඔවුනට උදාවනු ඇත.

මෙම උදාරතර කටයුත්තට දායකත්වය දැක්වීමට කැමැති ක්‍රීඩා ලෝලීන්ට මෙම අවස්ථාව සමඟ එක්වෙමින්. help.unicef.org වෙබ් අඩෙවිය වෙත පිවිස පරිත්‍යාග කළ හැකි අතර එම පරිත්‍යාග ඇමරිකානු ඩොලර් 2 ක් වැනි සුලු මුදලකින් ආරම්භ වනු ඇත.

Active filters

Recent Posts

  • පානදුර⁣ට ලකුණු පහක තියුණු ජයක්
    ශ්‍රී ලංකා ක්‍රිකට් ආයතනය මෙහෙය වන මේජර් අන්තර් සමාජ විස්සයි 20 ක්‍රිකට් තරගාවලියේ අද (18) පැවැති තරග දෙකකදී තියුණු තරගයකින් පසුව පාණදුර කණ්ඩායම ලකුණු පහකින් ප්‍රබල කෝල්ට්ස් කණ්ඩායම […]
  • චිලව් මේරියන්ස් – මුවර්ස් ජය ලබති
     අන්තර් සමාජ මේජර් විස්සයි 20 ක්‍රිකට් තරගාවලියේ අද (17) පැවැති තරග අතුරින් චිලව් මේරියන්ස් සහ මුවර්ස් කණ්ඩායම් ජයග්‍රහණ අත්කර ගත්හ.  චිලව් මේරියන්ස් කඩුලු හතරකින් බදුරලිය පරාජය කළ අතර […]
  • අවුරු. 23 න් පහළ කාන්තා ක්‍රිකට් දෙවැනි දිනය වැස්සට සේදෙයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 23 න් පහළ කාන්තා පන්දුවාර විස්සයි-20 ක්‍රිකට් තරගාවලිය යටතේ අද (17 දා) පස්වරුවේ පැවැත්වීමට නියමිතව තිබූ තරග 2 ම අයහපත් කාලගුණය […]
  • ක්‍රීඩකයින් 420 ක් LPL වෙන්දේසියට සුදුසුකම් ලබති
    මෙරට පැවැත්වෙන මහා ක්‍රිකට් සැණකෙළිය හේවත් ලංකා ප්‍රිමියර් ලීග් (LPL) පන්දුවාර විස්සයි-20 ක්‍රිකට් තරගාවලියේ ක්‍රීඩක වෙන්දේසිය එළැඹෙන මැයි 21 වැනිදා ප.ව. 12.00 සිට කොළඹ හිල්ටන් හෝටල් පරිශ්‍රෙය්දී පැවැත්වෙන අතර […]
  • පුහුණු තරගවලට පෙර කුසල්ට කණ්ඩායම සමඟ එකතුවේවි – ඈෂ්ලී ද සිල්වා
    ලෝක කුසලාන ක්‍රිකට් තරගාවලියට සහභාගිවීම සඳහා ඇමරිකා එක්සත් ජනපදය වෙත යෑමට වීසා ඇයැදුම් කර ඇති ශ්‍රී ලංකා ක්‍රිකට් කණ්ඩායමේ ඉදිරි පෙළ පිතිකරු කුසල් මෙන්ඩිස්ගේ වීසා බලපත්‍රය එම තානාපති කාර්යාලය […]

Pin It on Pinterest

LKR Sri Lankan rupee