slc
logo
Home   |    News
මැයි 17, 2024
චිලව් මේරියන්ස් – මුවර්ස් ජය ලබති

sinhala editor

 අන්තර් සමාජ මේජර් විස්සයි 20 ක්‍රිකට් තරගාවලියේ අද (17) පැවැති තරග අතුරින් චිලව් මේරියන්ස් සහ මුවර්ස් කණ්ඩායම් ජයග්‍රහණ අත්කර ගත්හ.  චිලව් මේරියන්ස් කඩුලු හතරකින් බදුරලිය පරාජය කළ අතර මුවර්ස් කඩුලු තුනකින් බී.ආර්.සී. පරාජයට පත් කළේය.  එස්.එස්.සී. සහ නිගම්බු අතර තරගයත් ඒස් කැපිටල් සහ ටැමිල් යුනියන් අතර තරගයත් තීරණ නොමැතිව නතර කැරිණි.

  • චිලව් මේරියන්ස් කඩුලු 4කින් ජය ගනී.

සරවනමුත්තුපිටියේ පැවැති ‘බී‘ කොටසට අයත් වූ මේ තරගයේදී චිලව් මේරියන්ස් කණ්ඩායමේ කවිඳු නිර්මාල් පන්දු 16කදී හයේ පහර දෙකක් සමඟ නොදැවී ලකුණු 24ක් රැස්කර පන්දු යැවීමේදී ලකුණු 29කට කඩුලු දෙකක් දවා තුන් ඉරියව්වේම දස්කම් දැක්වීය.

බදුරලිය කණ්ඩායම මේ තරගයේ මුලින් පන්දුවට පහරදෙද්දී වරක් ලකුණු පහකට කඩුලු තුනක් දැවී අවදානම් තත්ත්වයක සිටියදී දුනිත් ජයතුංග පන්දු 42කදී හතරේ පහක් හයේ දෙකක් සමඟ ලකුණු 56ක් ද නිලක්ෂ කසුන් පන්දු 21කදී හතරේ තුනක් සමඟ ලකුණු 18ක් ද රැස්කර පස්වන කඩුල්ලට ලකුණු 30ක සබඳතාවයක් තැබුවත් චිලව් මේරියන්ස් පිතිකරුවන් කිහිපදෙනකුම ලකුණු අතරට පිවිසීමෙන් මේරියන්ස්ට ජය අත්විය.

බදුරලිය ඕවර 20දී කඩුලු 9ට 110යි – (දුනිත් ජයතුංග 56, නිලක්ෂ කසුන් 18, රුචිර කෝසිත 07, රජිඳ පුංචිහේවා 14/3, කවිඳු නිර්මාල් 29/2යි)

 චිලව් මේරියන්ස් ඕවර 18.3කදී කඩුලු 6ට 114යි – (ලසිත් ලක්ෂාන් 35, චමෝද් සඳරු 18, අයෝන් ප්‍රනාන්දු 17, කවිඳු නිර්මාල් නොදැවී 24, නිර්මල රත්නායක 21/3, අලංකාර අසලංක 20/2යි)

  • මුවර්ස් කඩුලු තුනකින් බී.ආර්.සී. පරාජය කරයි.

එස්.එස්.සී. ක්‍රීඩාංගණයේ පැවැති ‘බී‘ කොටසට අයත් වූ මේ තරගයේදී මුවර්ස් කණ්ඩායමේ සොහාන් ඩි ලිවේරා පන්දු 21කදී හතරේ පහක් හයේ පහර දෙකක් සමඟ ලකුණු 45ක් රැස් කළ අතර එම කණ්ඩායමේ මිලාන් රත්නායක ලකුණු 12කට කඩුලු තුනක් බිඳ දැමීය. බී.ආර්.සී. කණ්ඩායමේ දුෂාන් හේමන්ත තුන් ඉරියව්වේම දක්ෂතා දැක්වීය.

බී.ආර්.සී. ඕවර 20දී කඩුලු 7ට 131යි – (දුලාජ් අෂේන් නොදැවී 19, දුෂාන් හේමන්ත 21, සචිත් දල්පදාදු 15, ලිනාල් සුබසිංහ 15, දිල්ෂාන් ද සොයිසා 14, රවිජ සඳරුවන් 13, මිලාන් රත්නායක 12/3, ප්‍රවීන් ජයවික්‍රම 24/1, රමේෂ් මෙන්ඩිස් 26/1යි)

 මුවර්ස් ඕවර 18.5කදී කඩුලු 7ට 132යි – (සොහාන් ඩි ලිවේරා 45, රමේෂ් මෙන්ඩිස් 22, දිනුක දිල්ෂාන් 13, රොහාන් සංජය නොදැවී 29, මිලාන් රත්නායක නොදැවී 11, දුෂාන්ත හේමන්ත 19/4)

  • එස්.එස්.සී. – නිගම්බු තීරණයක් නෑ.

ප්‍රේමදාස ක්‍රීඩාංගණයේ ආරම්භ වූ එස්.එස්.සී. – නිගම්බු තරගයේදී එස්.එස්.සී. කණ්ඩායම ඕවර 1.3ක් පන්දුවට මුහුණ දෙද්දී අයහපත් කාලගුණ තත්ත්වය මත තරගය නතර කැරිණි.

එස්.එස්.සී. ඕවර 1.3කදී කිසිවකු නොදැවී 12යි

  • ඒස් කැපිටල් – ටැමිල් යුනියන් තරගයේ තීරණයක් නෑ.

එස්.එස්.සී. ක්‍රීඩාංගණයේ ආරම්භ වූ ‘සී‘ කොටසට අයත් මේ තරගයේදී ඒස් කැපිටල් ඕවරයක් පමණක් යවා තිබියදී අයහපත් කාලගුණය මත තරගය නතර කැරිණි.

 ඒස් කැපිටල් ඕවර 1කදී කිසිවකු නොදැවී 07යි

Active filters

Recent Posts

  • පාර්ලිමේන්තු මන්ත්‍රී හේෂාගේ චෝදනාවට ශ්‍රී ලංකා ක්‍රිකට් වෙතින් පිළිතුරු
    එවකට පොලිස්පතිවරයා ලෙසින් කටයුතු කළ දේශබන්දු තෙන්නකෝන් මහතාට ශ්‍රී ලංකා ක්‍රිකට් ආයතනය විසින් වැටුප් ඇතුළු තවත් වරප්‍රසාද ලබා දුන්නේ යැයි විසර්ජන පනත් කෙටුම්පත් පිළිබඳ පාර්ලිමේන්තු විවාදයේදී මන්ත්‍රී හේෂා විතානගේ […]
  • ශ්‍රී ලංකා ක්‍රීඩිකාවෝ ශ්‍රේණිගත කිරීම්හි ඉදිරියට
    ශ්‍රී ලංකාව සහ නවසීලන්ත කාන්තා කණ්ඩායම් අතර ඩනේඩින්හි පැවැති තෙවැනි පන්දුවාර විස්සයි-20 තරගයට අයහපත් කාලගුණය හරස්වීම නිසා තරගාවලි ජයග්‍රාහකයින් තීරණය කිරීමට නොහැකි වුවද එතෙක් පැවැති තරග වලදී දක්වන ලද දක්ෂතා […]
  • විස්සයි-20 තරගාවලිය සමශූරතා හිමිකරදෙමින් නිමවෙයි
    සංචාරක ශ්‍රී ලංකා කාන්තා ක්‍රිකට් කණ්ඩායම සහ නවසීලන්ත කාන්තා කණ්ඩායම අදර අද (18 දා) ඩනෙඩන් නුවරදී පැවැති තෙවැනි පන්දුවාර විස්සයි-20 ක්‍රිකට් තරගය වර්ෂාව හේතුවෙන් ප්‍රතිඵල රහිතව අතහැර දැමීමට […]
  • ගාල්ල – මහනුවර තරගය ජය පැරදුමින් තොරයි
    ශ්‍රී ලංකා ක්‍රිකට් ආයතනයේ මෙහෙයවීමෙන් තෙවැනි වතාවටත් ක්‍රියාත්මක ශ්‍රී ලංකාවේ ප්‍රධානතම සිව්දින ක්‍රිකට් තරගාවලිය වන නැෂනල් සුපර් ලිග් (NSL) තරගාවලියේ ගාල්ල හා මහනුවර අතර තරගය ජය පරාජයෙන් තොරව […]
  • කොළඹ පිලට ලකුණු 87ක ජයක්
    ශ්‍රී ලංකා ක්‍රිකට් ආයතනයේ මෙහෙයවීමෙන් තෙවැනි වතාවටත් ක්‍රියාත්මක ශ්‍රී ලංකාවේ ප්‍රධානතම සිව්දින ක්‍රිකට් තරගාවලිය වන නැෂනල් සුපර් ලිග් (NSL) තරගාවලියේ කොළඹ – යාපනය අතර තරගයෙන් කොළඹ පිලට ලකුණු […]

Pin It on Pinterest

LKR Sri Lankan rupee