slc
logo
Home   |    News
ජූනි 28, 2024
ප්‍රධානතම විස්සයි-20 ශූරතාව එන්.සී.සී.කණ්ඩායමට

sinhala editor

ශ්‍රී ලංකා ක්‍රිකට් ආයතනය විසින් මෙහෙයවන ලද අන්තර් සමාජ ප්‍රධානතම විස්සයි-20 ක්‍රිකට් තරගාවලි 2024 ශූරතාව දිනා ැනීමට එන්.සී.සී. ක්‍රීඩා සමාජය අද සමත්විය. කොළඹ පී.සරා ක්‍රීඩාංගණයේ පැවැති මෙම අවසන් මහ තරගයේදී බ්ලූම්ෆීල්ඩ් කණ්ඩායමට එරෙහිව කඩුලු 8 ක පහසු ජයක් ජයක් වාර්තා කරමින් මෙවර තරගාවලියේ ශූරතාව දිනා ගැනීමට සමත්විය.

තරගයේ පළමුව පන්දුවට පහර දුන් බ්ලූම්ෆීල්ඩ් කණ්ඩායම පන්දුවාර 10.1 කදී ලකුණු 54 කට දවාලීමට ලසිත් ඇඹුල්දෙණිය ප්‍රමුඛ එන්.සී.සී. පන්දු යවන්නෝ සමත්වූහ. ලසිත්ට අමතරව මතීෂ පතිරණ සහ චාමික කරුනාරත්න කඩුලු 2 ක බැගින් බිඳ හෙලූහ.

ඉලක්කය හඹා යෑමේදී එන්.සී.සී. කණ්ඩායම වැය කරන ලද්දේ පන්දුවාර 5.5 ක් පමණි. ඉනිම ඇරැඹි පැතුම් නිස්සංක ලකුණු 18 ක් සහ නිරෝෂන් දික්වැල්ල ලකුණු 15* ක් ලබා ගත්හ. අවසන් මහ තරගයේ වීරයා වශයෙන් කුසලාන සහ රු. 75,000, කඩුලු 3 ක් දවා ගත් ලසිත් ඇඹුල්දෙණිය සම්මාන දිනා ගනිද්දී තරගාවලියේ වීරයා වශයෙන් සමස්ථ තරගාවලියේ පන්දුවෙන් කඩුලු 8 ක් සහ පිත්තෙන් ලකුණු 89 ක් ලබාගැනීමට සමත්වූ චාමික කරුණාරත්නද සම්මාන දිනා ගත්තේය. තරගාවලියේ වීරයා වෙනුවෙන් කුසලාන සමග මුදලින් ලක්ෂ 2 ක් පිරිනැමිණ.

ඊට අමතරව දක්ෂතම පන්දු යවන්නා ලෙසින් තරග 4 කදී කඩුලු 10 ක් දවා කෝල්ට්ස් ක්‍රීඩා සමාජයේ අකිල ධනංජය ද දක්ෂතම පිතිකරුවා ලෙසින් තරග 4 කදී ලකුණු 137 ක් රැස් කිරීමට සමත් ඒස් කැපිටලන් ක්‍රීඩා සමාජයේ පවන්ත වීරසිංහ සම්මාන දිනාගත්හ. ඔවුන් දෙදෙනාටම අදාළ කුසලාන සමඟ රුපියල් ලක්ෂ බැගින් පිරිනැමිණ.

මෙම ජයසංකේත ප්‍රධානයම ශ්‍රී ලංකා ක්‍රිකට් ආයතනයේ තරග සංවිධාන කමිටුවේ සාමාජික දීපාල් මදුරප්පෙරුම මහතාගේ ප්‍රධානත්වයෙන් සිදුකෙරිණ.

බ්ලූම්ෆීල්ඩ් ක්‍රීඩා සමාජය පන්දුවාර 10.1 කදී ලකුණු 54 යි – (හසිත බෝයෙගොඩ 13, කසුන් අබේරත්න 13, රවිදු ප්‍රනාන්දු 11, චාමික කරුණාරත්න 21/2, ලසිත් ඇඹුල්දෙණිය 05/3, මතීෂ පතිරණ 09/2)

එන්.සී.සී. කණ්ඩායම පන්දුවාර 5.5 කදී කඩුලු 2 ක් දැවී ලකුණු 55 යි – (පැතුම් නිස්සංක 18, නිරෝෂන් දික්වැල්ල 15*, කමිල් මිශාර 11*, රවිඳු ප්‍රනාන්දු 55/2)

ශ්‍රී ලංකා ක්‍රිකට් තරග සංවිධාන කමිටු සාමාජික දීපාල් මදුරප්පෙරුම මහතා අතින් ලසිත් ඇඹුල්දෙණිය අවසන් මහ තරගයේ වීරයා සම්මානය ලබා ගනිමින්.

ශ්‍රී ලංකා ක්‍රිකට් තරග සංවිධාන කමිටු සාමාජික දීපාල් මදුරප්පෙරුම මහතා අතින් අකිල ධනංජය තරගාවලියේ දක්ෂතම සම්මානය ලබා ගනිමින්.

ශ්‍රී ලංකා ක්‍රිකට් තරග සංවිධාන කමිටු සාමාජික දීපාල් මදුරප්පෙරුම මහතා අතින් ඒස් කැපිටල් ක්‍රීඩා සමාජයේ පවන්ත වීරසිංහ දක්ෂතම පිතිකරුවාට හිමි සම්මානය ලබා ගනිමින්

ශ්‍රී ලංකා ක්‍රිකට් තරගාවලි සංවිධාන කමිටු සාමාජික දීපාල් මදුරප්පෙරුම මහතා අතින් තරගාවලියේ වීරයාට හිමි සම්මානය චාමික කරුණාරත්න ලබා ගනිමින්.

Active filters

Recent Posts

  • ශ්‍රී ලංකාවේ තණතිලි විශිෂ්ටයි – ඔමාර්සායි
    ලංකා ප්‍රිමියර් ලීග් ක්‍රිකට් තරගාවලියකදී ප්‍රථම වතාවට තරගයේ දක්ෂතම ක්‍රීඩකයා ලෙස තේරීම පිළිබඳව තමා දැඩි සතුටට පත්ව සිටින බව ජැෆ්නා කින්ග්ස් කණ්ඩායමේ අංක හත පිතිකරු අස්මතුල්ලා ඔමාර්සායි ගෝල් […]
  • කණ්ඩායමේ සාමුහිකත්වය අපට ජය ගෙන ආවා – මතීෂ පතිරණ
    කළම්බු ස්ට්‍රයිකර්ස් සහ කැන්ඩි ෆැල්කන්ස් අතර ජූලි 06 වැනිදා දඹුල්ලේදී පැවැති ලංකා ප්‍රිමියර් ලීග් තරගය කණ්ඩායම් දෙකම ලකුණු දෙසීයයේ සීමාව අසළටම පැමිණ තියුණුම මුහුණුවරක් ඉසිලුවත් එම තරගය කළම්බු […]
  • තණතීරු ගැන පැතුම්ගේ අදහස
    මේ වන විට ශ්‍රී ලංකාවේ උසස්ම මට්ටමේ තණතිලි ක්‍රිකට් ක්‍රීඩකයනට සැපයෙන හෙයින් ඉදිරියේදී දැනටත් වඩා ලකුණු රැස් කිරීමට පිතිකරුවනට අවස්ථාව උදා වනු ඇතැයි ජැෆ්නා කින්ග්ස් – දඹුල්ල සික්සර්ස් […]
  • අවසන් මහ තරගයට සුදුසුකම් ලැබීම අපේ අභිප්‍රායයි – රොසොව්
    දැන් පැවැත්වෙන එල්.පී.එල්. තරගාවලියේ ප්‍රථම සහ දෙවන ස්ථානයන් අතර පසු වන තම කණ්ඩායම අවසාන මහා තරගයට සුදුසුකම් ලබා ගැනීම කණ්ඩායමේ ක්‍රීඩකයන්ගේ අපේක්ෂාව බව ජැෆ්නා කින්ග්ස් සහ කළම්බු ස්ට්‍රයිකර්ස් […]
  • පළමු තරගයේම තරගයේ දක්ෂතම ක්‍රීඩකයා වීම ගැන සතුටුයි – ප්‍රභාත් ජයසූරිය
    කැන්ඩි ෆැල්කන්ස් කණ්ඩායමේ ප්‍රධාන තුරුම්පුව වන ඇන්ඩ්‍රි ෆ්ලෙචර් සහ දිනේෂ් චන්දිමාල් යන ආරම්භක පිතිකරුවන් දෙදෙනාගේ සබඳතාවය බිඳ දැමීමේ වැදගත්කම දැන සිටි අපගේ කණ්ඩායම (ගෝල් මාවල්ස්) එය ඉටු කර […]

Pin It on Pinterest

LKR Sri Lankan rupee
logo