slc
logo
Home   |    News
ජූනි 4, 2024
ලෝක කුසලාන පළමු තරගයෙන් දකුණු අප්‍රිකාවට කඩුලු 6ක ජයක්

sinhala editor

විස්සයි20 ලෝක කුසලාන ක්‍රිකට් තරගාවලියේ ශ්‍රී ලංකා පිල මුහුණදුන් පළමු තරගයෙන් කඩුලු 6ක ජයක් දකුණු අප්‍රිකාව හිමිකර ගත්තේය. පිතිකරුවන්ට පිත්ත ඉහළට එසැවීමට අසිරු පන්දුව පුදුමාකාර ලෙස දෝලනය වූ අමෙරිකාවේ නිව්යෝර්ක් නුවර නස්සාවූ ක්‍රීඩාංගණයේදී අද (3) පැවැති තරගයේ කාසියේ වාසිය දිනාගත් ශ්‍රී ලංකා පිල මුලින් පන්දුවට පහරදී ලකුණු 77ක් ලබාගත් අතර, පිළිතුරු ඉනිම ක්‍රීඩා කළ දකුණු අප්‍රිකා ක්‍රිඩකයෝ කඩුලු 4ක් දැවී ලකුණු 80ක් ලබා ජය තහවුරු කර ගත්තේය.

දකුණු අප්‍රිකා දකුණත් මඳවේග පන්දු යවන ක්‍රීඩක අන්රිච් නෝට්ජේ ඕවර් 4ක් යවා ලකුණු 7කට කඩුලු 4ක් බිඳහෙලීමෙන් ශ්‍රී ලංකා පිල පසු බැසීමට ලක්විය. මේ තත්ත්වය මත ශ්‍රී ලංකාව විස්සයි20 ජාත්‍යන්තර තරගයකදී වාර්තා කළ අඩුම ලකුණු ගණන වාර්තා විය. මෙයට පෙර ශ්‍රී ලංකාව විස්සයි20 ජාත්‍යන්තර තරගයකදී ඉන්දියාවට එරෙහිව විශාඛාපට්නම්හිදී ලකුණු 82කට දැවී ගොස් තිබිණි.

ශ්‍රී ලංකා ඉනිමේ වැඩිම ලකුණුලාභියා ලෙස ආරම්භක පිතිකරු කුසල් මෙන්ඩිස් පන්දු 30කදී හතරේ පහරක් පමණක් එල්ලකොට ලකුණු 19ක් ලබාගත් අතර, එල්ලවූ පීඩනය මැද ශ්‍රී ලංකා පිලේ පළපුරුදු පිතිකරු ඇන්ජලෝ මැතිව්ස් පන්දු 16කදී හයේ පහර 2ක් සමඟ ලකුණු 16ක් ලබා ගත්තේය.

අනතුරුව පිටියට පිවිසි දකුණු අප්‍රිකා මුල් කඩුලු 2ක ලකුණු 23කට බිදහෙලීමට ශ්‍රී ලංකා පන්දු යවන්නෝ සමත් වුූහ. එහෙත් ක්වින්ටන් ඩි කොක් පන්දු 27කදී හයේ පහරක් සමඟ ලකුණු 20ක් ලබා ඉනිම ගොඩ දැමීට වෙහෙසක් ගත්තේය.

පිතිකරුවන්ට ලකුණු ලබා ගැනීම ඉතා අසිරූ තණතිල්ලක හෙන්රිච් ක්ලාසන් නොදැවී ලකුණු 19ක් ලබා ගැනීම දකුණු අප්‍රිකා ජයග්‍රහණයට දායකත්වයක් ලබා දුන්නේය.

ශ්‍රී ලංකා – දකුණු අප්‍රිකා තරගය නිව්යොර්ක් නුවර නස්සාවූ ක්‍රීඩාංගණයේ පැවැති මංගල ක්‍රිකට් තරගය මෙය වීම විශේෂත්වයකි. ශ්‍රී ලංකා පිල වනිඳු හසරංග සහ දකුණු අප්‍රිකා පිල ඒඩන් මාක්‍රම් නායකත්වය දැරූහ. තරගයේ වීරයා සම්මානය අන්රිච් නෝට්ජේ ට හිමි වූවේය.

ශ්‍රී ලංකාව

පැතුම් නිශ්ශංක ඇ. ක්ලාසන් ප. බාර්ට්මන් 03
කුසල් මෙන්ඩිස් ඇ. ස්ටබ්ස් ප. නෝට්ජේ 19
කමිඳු මෙන්ඩිස් ඇ. හෙන්ඩ්රිකස් ප. නෝට්ජේ 11
වනිඳු හසරංග ස්ටම්ප් කළා ඩි. කොක් ප. මහරාජ් 00
සධීර සමරවික්‍රම ප. මහරාජ් 00
චරිත් අසලංක ඇ. හෙන්ඩ්රිකස් ප. නෝට්ජේ 06
ඇන්ජලෝ මැතිව්ස් ඇ. බාර්මන් ප. නෝට්ජේ 16
දසුන් ශානක ප. රබාඩා 09
මහීෂ් තීක්ෂණ නොදැවී 07
මතීෂ පතිරණ ඇ. මාක්රාම් ප. රබාඩා 00
නුවන් තුෂාර දුවද්දී දැවී ගියා 00
අතිරේක 06
එකතුව ඕවර් 19.1කදී 77

කඩුලු බිද වැටීම: 1- 13, 2-31, 3-32, 4- 32, 5- 40, 6- 45, 7- 68, 8- 70, 9- 71, 10- 77
පන්දු යැවීම: ජෙන්සන් 3.1-0-15-0, රබාඩා 4-1-21- 2, බාර්ට්මන් 4- 1- 9 – 1, මහරාජ් 4- 0- 22- 2, නෝට්ජේ 4- 0- 7- 4

දකුණු අප්‍රිකාව
ක්වින්ඩන් ඩි කොක් ඇ. ප. හසරංග 20
රීසා හෙන්ඩ්රිකස් ඇ. මෙන්ඩිස් ප. තුෂාර 04
ර්ඩියන් මාර්ක්‍රම් ඇ්‍ මෙන්ඩිස් ප. ශානක 12
ට්‍රිස්ටන් ස්ටබ්ස් ඇ. අසලංක ප. හසරංග 13
හෙන්රිකස් ක්ලාසෙන් නොදැවී 19
ඩේවිඩ් මිලර් නොදැවී 06
අතිරේක 06
එකතුව ඕවර් 16. 2කදී කඩුලු 4කට 80

කඩුලු බිඳ වැටීම 1- 10, 2- 23, 3- 51, 4-58,

පන්දු යැවීම ඇන්ජලෝ මැතිව්ස් 3- 0- 16- 0, නුවන් තුෂාර 3- 0- 18- 1, දසුන් ශානක 3- 1- 6- 1, මතීෂ පතිරණ 3- 0- 12- 0, වනිඳු හසරංග 3.2- 0- 22- 2, මහීෂ් තීක්ෂණ 1- 0 – 3- 0

Active filters

Recent Posts

  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]
  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]

Pin It on Pinterest

LKR Sri Lankan rupee