එක්දින සහ විස්සයි-20 තරගාවලියකට සහභාගිවීම සඳහා බටහිර ඉන්දීය කොදෙව් කණ්ඩායම ලබන ඔක්තෝම්බර් මසදී ශ්‍රී ලංකාවේ තරග සංචාරයක නිරත වීමට නියමිතය. මෙම තරගාවලිය රංගිරි දඹුලු සහ පල්ලේකැලේ ජාත්‍යන්තර ක්‍රීඩාංගණවලදී පැවැත්වෙනු ඇත.
ඔක්තෝම්බර් මස 13 වැනිදා රංගිරි දඹුලු ජාත්‍යන්තර ක්‍රීඩාංගණයෙන් ආරම්භ වන මෙම තරගාවලිය එම 26 වැනිදා පල්ලේකැලේ ජාත්‍යන්තර ක්‍රීඩාංගණයේ පැවැත්වෙන තෙවැනි එක්දින තරගයෙන් අවසන් වනු ඇත.
දෙරට අතර පැවැත්වෙන මෙම තරගාවලිය යටතේ එක්දින තරග 3 ක් සහ විස්සයි-20 තරග 3 ක් පැවැත්වෙනු ඇත. බටහිර ඉන්දීය කොදෙව් කණ්ඩායමක් අවසන් වතාවට ශ්‍රී ලංකාවේ තරග සංචාරයකට සහභාගිවන ලද්දේ ඉකුත් 2019/20 වර්ෂවලදී වන එතර එහිදී එක්දින තරගාවලිය 3-0 ක් ලෙසත් විස්සයි-20 තරගාවලිය 2-0ක් ලෙසත් ජය ගැනීමට කොදෙව්වෝ සමත්වූහ.
| දිනය | තරගය | ක්‍රීඩාංගණය |
| ඔක්තෝම්බර් 13 | පළමු විස්සයි-20 තරගය | රංගිරි දඹුල්ල |
| ඔක්තෝම්බර් 15 | දෙවැනි විස්සයි-20 තරගය | රංගිරි දඹුල්ල |
| ඔක්තෝම්බර් 17 | තෙවැනි විස්සයි-20 තරගය | රංගිරි දඹුල්ල |
| ඔක්තෝම්බර් 20 | පළමු එක්දින තරගය | පල්ලේකැලේ |
| ඔක්තෝම්බර් 23 | දෙවැනි එක්දින තරගය | පල්ලෙකැලේ |
| ඔක්තෝම්බර් 26 | තෙවැනි එක්දින තරගය | පල්ලෙකැලේ |
