ලෝක කුසලාන ක්‍රිකට් තරගාවලියේ ඉදිරි තරග වටයට සුදුසුකම් ලබා ගැනීමට සියුම් හෝ බලාපොරොත්තුවක් රඳවා ගැනීමට නම් ජයග්‍රහණය අතිශය තීරණාත්මක වූ ඉන්දීය කාන්තා කණ්ඩායමට එරෙහිව  පැවැති තරගයෙන්ද ලකුණු 82 ක පරාජයක් ශ්‍රී ලංකා කාන්තා ක්‍රිකට් කණ්ඩායමට සිදුවිය. මෙම තත්ත්වය නිසාම මූලික වටය යටතේ තවත් තරගයක් ඉතිරිව තිබියදීම ලෝක කුසලාන තරගාවලියෙන් ඉවතට විසිවීමට ශ්‍රී ලංකා කාන්තා කණ්ඩායමට සිදුවිය.

තරගාවලියේ 12 වැනි තරගය ලෙසින් ඩුබායි ජාත්‍යන්තර ක්‍රීඩාංගණයේ පැවැති මෙම තරගයේදී ජයග්‍රහණය සඳහා ලකුණු 173 ක ඉලක්කයක් හඹා ගිය ශ්‍රී ලංකා කාන්තා කණ්ඩායමට ඉන්දීය පන්දු යවන්නියන්ගේ  පන්දු හමුවේ පන්දුවාර 19.5 කදී රැස් කර ගත හැකි වූයේ ලකුණු 90 ක් පමණි.

කැපී පෙනෙන පන්දු යැවීමක නිරත වුණු ආෂා සෝභනා සහ අරුන්දතී රෙඩ්ඩි ලකුණු 19 කට කඩුලු 3 බැගින් දවාලූහ. ඔවුන්ට අමතරව ආරම්භක වේග පන්දු යවන්නිය වන රේනුකා සිංහ කඩුලු 2 ක් බිඳ හෙළුවාය.

විශිෂ්ඨ උඩපන්දු රැකීමත් සමඟ විශ්මි ගුණරත්න පිටියෙන් ඉවත් වද්දී පිට පිටම තෙවැනි වතාවටත් නායකත්වයේ වගකීම නිසියාකාරව ඉටු කිරීමට නොහැකි වූ චමරි ද ස්ලිප් ස්ථානය වෙත උඩ පන්දුවක් දී දැවී ගියේ ශ්‍රී ලංකා ඉනිමේ ආරම්භය මුලු මනින්ම අසාර්ථක කර දමමිනි.

කෙසේ වෙතත් ලකුණු 06 ක් තිබියදී තෙවැනි කඩුල්ල ලෙස හර්ෂිතාවද ශ්‍රී ලංකා පිලට අහිමිවීම තවත් දරාගත නොහැකි පාඩුවක් විය. කෙසේ වෙතත් කවීෂා දිල්හාරිට (21) එක්වූ අනුෂ්කා සංජීවනී (20) සිව්වැන් කඩුල්ල වෙනුවෙන් පන්දු 34 කදී ලකුණු 37 ක් එක් කළද අනුෂ්කා දැවී යෑමත් සමඟ එම උත්සාහය අවසන් විය.

ඉන්දීය පිල රැස් කරන ලද ලකුණු 172 ලෝක කුසලාන තරගාවලියේ ණ්ඩායමක් රැස් කරන ලද ඉහළම ලකුණු සංඛ්‍යාව ලෙසින් සනිටුහන් විය. එ් වෙනුවෙන් වේගවත් ඉනිමක් දියත් කළ නායිකා හර්මන්ප්‍රිට් කෞර් පන්දු 27 කදී හයේ පහරක් සහ හතරේ පහර 8 ක් සමඟින් නොදැවී ලකුණු 52 ක් රැස් කළාය.

ශ්‍රී ලංකා ක්‍රීඩිකාවන් දැඩි වෙහෙසට පත් කළ ආරම්ක පිතිකාරිණියන් යුගල වූ ෂෙෆලි වර්මා (430 සහ ස්මිත්‍රී මන්දනා (50) පළමු කඩුල්ල වෙනුවෙන් පන්දු 77 කදී ලකුණු 98 ක් එක් කරමින් සාර්ථක ආරම්භයක් එක් කළහ.

ඉන්දීය කාන්තා  පිල පන්දුවාර 20 කදී කඩුලු 3 ට ලකුණු 172 යි

ෂෙෆලි වර්මා 43, ස්මිත්‍රී ම්දනා 50, හර්මන්ප්‍රීත් කෞර් 52*, ජෙමීමා රොඩ්‍රිගස් 16, රිෂා ඝෝෂ් 06*, චමරි අතපත්තු 34/1, අමා කාංචනා 29/1

ශ්‍රී ලංකා කාන්තා කණ්ඩායම පන්දුවාර 19.5 කදී සියලු දෙනා දැවී ලකුණු 90 යි

අනුෂ්කා සජීවනී 20, කවීෂා දිල්හාරි 21, අමා කාංචනා 19, අරුන්දතී රෙඩ්ඩි 19/3, ආෂා සෝභනා 19/3, රේනුකා සිං 16/2, දීප්ති ෂර්මා 16/1