ශ්‍රී ලංකාවේ පැවැත්වෙන ප්‍රධානතම සිව්දින ක්‍රිකට් තරගාවලිය හෙවත් නැෂනල් සුපර් ලීග් සිව්දින ක්‍රිකට් තරගාවලිය මාර්තු මස 13 වැනිදා ආරම්භ කිරීමට ශ්‍රී ලංකා ක්‍රිකට් ආයතනය විධි විධාන යොදා තිබේ. තෙවැනි වතාවටත්ත පැවැත්රවෙන මෙවර තරගාවලිය අප්‍රේල් මස 30 වැනිදා දක්වා පැවැත්වීමට නියමිතය. 

ගාල්ල, මහනුවර, යාපනය, කොළඹ සහ දඹුල්ල යන කණ්ඩායම් 5 කගේ සහභාගිත්වයෙන් පැවැත්වෙන මෙවර තරගාවලිය ශ්‍රී ලංකාවේ ඇති ජාත්‍යන්තර ක්‍රීඩාංගණ 6 කදී පැවැත්වෙනු ඇත. හම්බන්තොට මහින්ද රාජපක්ෂ, ගාල්ල ජාත්‍යන්තර, රංගිරි දඹුල්ල, ආර්. ප්‍රේමදාස, පල්ලේකැලේ ජාත්‍යන්තර සහ කොළඹ එස්. එස්. සී. යන ක්‍රීඩාංගණ කේන්ද්‍ර කර ගනිමින් මෙවර තරගාවලිය පැවැත්වෙනු ඇත.  

සමාරම්භක දියය වන මාර්තු 13 වැනිදා සිට 16 වැනිදා දක්වා පැවැත්වෙන තරග වලදී හම්බන්තොට මහින්ද රාජපක්ෂ ක්‍රීඩාංගණයේදී ගාල්ල සහ මහනුවර කණ්ඩායම්ද, ගාල්ල ජාත්‍යන්තර ක්‍රීඩාංගණයේදී යාපනය සහ කොළඹ යන කණ්ඩායම්ද තරග වැදීමට නියමිතව සිටිති.

තරගාවලියේ අවසන් මහ තරගය අප්‍රේල් මස 27 වැනිදා සිට 30 වැනිදා දක්වා කොළඹ එස්. එස්. සී. ක්‍රීඩාංගණයේදී පැවැත්වීමට විධි විධාන යොදා තිබේ. මූලික වටය අවසානයේ ප්‍රසාද ලකුණු සටහනේ පළමු සහ දෙවැනි ස්ථානවලට පත්වන කණ්ඩායම් අවසන් මහ තරගයට සුදුසුකම් ලබනු ඇත.

අවසන් වරට පැවැති නැෂනල් සුපර් ලීග් ක්‍රිකට් තරගාවලියේ ශූරතාව දිනා ගැනීමට දුනිත් වෙල්ලාලගේගේ නායකත්වයෙන් යුතු ගෝල් කණ්ඩායම සමත්විය. ඔවුන් හමුවේ පරාජයට පත්වූයේ කැන්ඩි කණ්ඩායමයි.