වයස අවුරුදු 19 න් පහළ මෙරට ක්‍රියාත්මක ප්‍රධානම ජාතික ක්‍රිකට් තරගාවලිය වන නැෂනල් යූත් ලීිග් 2025 ක්‍රිකට් තරගාවලිය ආරම්භ කරමින් අද පැවැති තරගයකදී තරගාවලියේ පළමු ශතකය වාර්තා කිරීමට මහනුවර කණ්ඩායමේ පුලීෂ තිලකරත්න සමත්වූවේය. අනුරාධපුර දිස්ත්‍රික් ක්‍රීඩාංගණයේ පැවැති මෙම තරගයේදී ගාල්ල කණ්ඩායමට එරෙහිව පුලීෂ පන්දු 107 කදී ලකුණු 103 ක් රැස් කර ගත්තේ තම ඉනිම නොබිඳිව තබා ගනිමිනි.

හතරේ පහර 15 ක් ද එල්ල කළ තිබූ පුලීෂගේ ඉනිම ප්‍රධාන කොට එම තරගයෙන් මහනුවර කණ්ඩායමට කඩුලු 6 ක ජයක් වාර්තා කර ගැනීමටද සමත්විය. ලකුණු 247 ක ඉලක්කයක් හඹා ගිය මහනුවර කණ්ඩායමට පුලීෂගේ ඉනිම හේතුවෙන් එම ඉලක්කය පන්දුවාර 43.2 කදී සපුරා ගන්නා ලද්දේ කඩුලු 4 ක් පමණක් ප්‍රතිවාදී පන්දු යවන්නන් හමුවේ ලබා දෙමිනි.

මේ අතර අනුරාධපුර සාලියපුර ක්‍රීඩාංගණයේ පැවැති කොළඹ උතුර සහ දකුණු අතර තරගයෙන කඩුලු 6 ක ජයක් වාර්තා කිරීමට කොළඹ දකුණ කණ්ඩායම සමත්වූවේය. පළමුව පන්දුවට පහර දුන් උතුරු කණඩායම ලකුනු 153 කට සීමා කළ දකුනු කණ්ඩායම එම ඉලක්කය පන්දුවාර 31.5 කදී කඩුලු 4 ක් දැවී සපුරා ගත්තේය.

කොළඹ දකුණ කඩුලු 6 ක ජයක්

කොළඹ උතුර පන්දුවාර 31.5 කදී සියලු දෙනා දැවී ලකුණු 153 යි – (සෙනුජ වෙනුණගොඩ 16, කිත්ම විදානපතිරණ 45, මනස මදුභාෂණ 39, තුරූෂ කොඩිකාර 32, දහම් නිර්මාල් 21/3, හිරූෂ ප්‍රනාන්දු 32/2, මලින්ත සිල්වා 31/3, රමිරු පෙරේරා 32/1)  

කොළඹ දකුණ පන්දුවාර 31.5 කදී කඩුලු 4 ක් දැවී ලකුණු 157 යි – හිරුන් මතීෂ 22, රෙහාන් පීරිස් 91*, සුවහස් ප්‍රනාන්දු 15, ශ්‍රීලාම් ජීවහන් 32/2, තරූෂ කොඩිකාර 29/1, පූර්ණ කල්හාර 20/1)

මහනුවර කණ්ඩඩායමට කඩුලු 6 ක ජයක්

ගාල්ල පන්දුවාර 48.5 කදී සියලු දෙනා දැවී ලකුණු 246 යි – (දුල්සිත් දර්ශන 22, විශ්ව සුපුන් 67, චාර්ය පරණවිතාන 40, චමරිඳු නෙත්සර 59, කෙනුල පිහිලිංග 32/4, කවීජ ගමගේ 34/2, සුමේධ ප්‍රසාද් 43/2, නිසල අබේරත්න 48/1, කෞෂික කුමාරසිංහ 48/1)

මහනුවර පන්දුවාර 43.2 කදී කඩුලු 4 ක් දැවී ලකුනු 248 යි – (පුලීෂ තිලකරත්න 103*, දිමන්ත මහවිතාරණ 39, යෝෂිත ඉසුරංග 45, කවීජ ගමගේ 27, කෞෂික කුමාරසිංහ 22, ගිම්හාන රසාංජන 38/2, අරෝෂ උදයංග 38/1, ඉමෙත් මනම්පේරි 46/1)