කුසලතා පිරි යොවුන් ක්රිකට් ක්රීඩකයින්ගේ දක්ෂතා ගවේෂණය කර ගැනීමේ අරමුණින් ශ්රී ලංකා ක්රිකට් ආයතනයේ සංවිධානයෙන් සහ ප්රීමා ආයතනයේ අනුග්රහයෙන් පැවැත්වෙන ‘ප්රීමා කුසලාන වයස අවුරුදු 15න් පහළ ශ්රී ලංකා යූත් ලීග් පළාත් ක්රිකට් තරගාවලියේ අද (19 දා) පැවැති කොළඹ උතුර හා දඹුල්ල අතර තරගයෙන් කොළඹ උතුර පිල ලකුණු 8ක ජයක් ලැබීය.
කොළඹ මැලේ ක්රීඩාංගණයේදී පැවැති තරගය ඕවර් 38කට සීමාවූ අතර, කාසියේ වාසිය දිනාගත් දඹුල්ල ක්රීඩකයෝ මුලින් පන්දු රැකීමට තීරණය කළ හෙයින් කොළඹ උතුර පිල ඕවර් 38කදී කඩුලු 9කට ලකුණු 209ක් ලබාගත් අතර, පිළිතුරු ඉනිම ක්රීඩා කළ දඹුල්ල පිල ඕවර් 39කදී කඩුලු 5ක් දැවී ලකුණු 201කට සීමා විය.
දඹුල්ල පිලේ ආරම්භක පිතිකරු දිසස් බණ්ඩාර පන්දු 106කදී හයේ 5ක් හා හතරේ පහර 10ක් සමඟ නොදැවී අගනා ලකුණු 101ක් ලබා ගත්තද අනෙක් පිතිකරුවන්ගෙන් වේගවත් දායකත්වයක් නොලැඹුණි. දිසස් බණ්ඩාර හා තාරුක්ෂ ද සිල්වා එක්ව දෙවැනි කඩුල්ලට ලකුණු 57ක සබඳතාවක් ගොඩනැගූ අතර, දිසස් බණ්ඩාර හා සන්තෝෂ් ගුණසේකර අතර තෙවැනි කඩුල්ලට පන්දු 82කදී ලකුණු 92ක් එක් වූහ. පන්දු යැවීමේදී සඳිස කාවින්ද ලකුණු 21කට කඩුලු 2ක් බිදහෙලා දඹුල්ල පිලට පීඩනය වැඩි කළේය.
කොළඹ උතුර පිලේ අංක තුන පිතිකරු චේතින කාවින්ද පන්දු 70කදී හයේ පහරක් හා හතරේ පහර 7ක් සමඟ අගනා ලකුණු 53ක් ලැබූ අතර, දෙවැනි කඩුල්ලට ආරම්භක පිතිකරු ජනදීප ඔකාෂ් සමඟ එක්ව පන්දු 89කදී ලකුණු 50ක සබඳතාවක් කිරීමට ද සමත් විය.
එමෙන්ම පස්වැනි කඩුල්ලට හෆීස් ජුන්කීර් හා සෙහඳු සමරවීර පන්දු 47කදී ලකුණු 56ක් ගොඩනැඟීමද කොළඹ උතුර පිලේ ලකුණු පුවරුව ඉහළ දැමීමට සමත්වූ තවත් අවස්ථාවකි. සඳිස කාවින්ද හා අබ්දුල් රහුමාන් 7 වැනි කඩුල්ලට පන්දු 15කදී ඉක්මන් ලකුණු 26ක් ලබා ගැනීමට සමත් වූහ. දඹුල්ල පිලේ රසිඳු ආකර්ෂා හා නෙසාද් වීරසේකර කඩුලු 3 බැගින් බිදහෙළූහ.
කොළඹ උතුර පිල ඕවර් 38කදී කඩුලු 9කට ලකුණු 209
ජනදීප ඔකාෂ් 27, චේතින කාවින්ද 53, මිෂික අබේවර්ධන 12, හෆීස් ජුන්කීර් 35, සෙහඳු සමරවීර 19, සඳිස කාවින්ද 23, අබ්දුල් රහුමාන් 7, ෂෙනුක් නිලේෂ් නොදැවී 12, අතිරේක 19 (සජිත නෙත්සර 41/1, පබසර වනසිංහ 17/1, රසිඳු ආකර්ෂා 30/3, යුමාල් එගොඩගේ 47/1, නෙසාද් වීරසේකර 39/3)
දඹුල්ල පිල ඕවර් 38කදී කඩුලු 5කට ලකුණු 201
දිසස් කාවින්ද නොදැවි 101, තාරුක්ෂ ද සිල්වා 25, සන්තෝෂ් ගුණසේකර 39, පබසර වනසිංහ 16, අතිරේක 15 (දෙසිඳු දින්සර 42/1, සඳිස කාවින්ද 21/2, අබ්දුල් රහුමාන් 34/1)
