ශ්‍රී ලංකා ක්‍රිකට් ආයතනය සංවිධානය කරන ශ්‍රී ලංකාවේ ප්‍රමුඛතම සිව්දින ක්‍රිකට් තරගාවලිය හෙවත් නැෂනල් සුපර් ලීග් සිව්දින ක්‍රිකට් තරගාවලියේ කොළඹ හා දඹුල්ල අතර තරගයේදී ඉනිම තුනකදී ලකුණු 1064ක් වාර්තා කිරීමට දෙපිලම සමත් වූ අතර, අද අවසන් දිනයේ තරගය ජය පරාජයෙන් තොරව නිමාවට පත් විය.

කොළඹ ආර්. ප්‍රේමදාස ක්‍රීඩාංගණයේදී පැවැති මෙම තරගයේ  පළමු ඉනිම ක්‍රීඩා කළ දඹුල්ල පිල ලකුණු 408ක් ලබා කොළඹ පිලට දැවැන්ත ඉලක්කයක් එල්ල කළ අතර, එම අභියෝගයට සාර්ථක පිළිතුරක් දෙමින් කොළඹ පිල ලකුණු 390ක් ලැබූ අතර, අද තරගය නතර කරද්දී දඹුල්ල පිල කඩුල්ලක් දැවී ලකුණු 266ක් ලබා සිටියේය. දඹූල්ල පළමු ඉනිමේදී ලකුණු 97කට දැවීගිය නිශාන් මධුෂ්ක දෙවැනි ඉනිමේදී නොදැවී ලකුණු 107ක් හා කවීන් බණ්ඩාර නොදැවී ලකුණු 100ක් ලබා සිටියේය.

කාසියේ වාසිය දිනූ දඹුල්ල පිලේ නායක ධනංජය ද සිල්වා මුලින් පන්දුවට පහරදීමට තීරණය කළ අතර, දඹුල්ල පිලේ අංජල බණ්ඩාර ලකුණු 95කට දැවී ගිය හෙයින් ඔහුට ශතකය අහිමිවී ගියේය.

ජය පැරදුමෙන් තොර තරගයේ වැඩි ගෞරව ගාල්ලට

ගාල්ල හා මහනුවර අතර රංගිරි දඹුලු ක්‍රීඩාංගණයේ පැවැති තරගයේ මහනුවර පිලට ජයග්‍රහණය වෙනුවෙන් ලකුණු 314ක ඉලක්කයක් එල්ලවී තිබියදී දෙවැනි ඉනිම කඩුලු 9කට ලකුණු 229ක් ලෙස තියුණු නිමාවක් සටහන් වූවේය. ජයග්‍රහණය වෙනුවෙන් ගාල්ල පන්දු යවන්නන්ට අවසන් කඩුල්ල දවා ගැනීමට ඉඩ නොදී මහනුවර පිලේ ජෙෆ්රි වැන්ඩර්සේ හා දුලාජ් සමුදිත අවසන් කඩුල්ලට පන්දු 30කදී ලකුණු 19ක් ලබා නොබිඳුනු සබඳතාවක් ගොඩනඟමින් සිටියදී තරගය නිමාවට පත් වූවේය.

මෙම තරගයේ විශේෂත්වය වූයේ පන්දු යවන්නන්ගේ දක්ෂතා ඉස්මතු වීමය. මහනුවර පිලේ චාමික ගුණසේකර මුල් ඉනිමේදී ලකුණු 45කට කඩුලු 5ක් හා ගාල්ල පිලේ ඉසිත් දේව් විජේසුන්දර ලකුණු 56කට කඩුලු 5ක් බිදහෙලීමට සමත් වූහ.

ගාල්ල පිලේ ඔෂධ ප්‍රනාන්දු පළමු ඉනිමේ ලකුණු 84ක් හා දෙවැනි ඉනිමේදී ලකුණු 55ක්, රමේෂ් මෙන්ඩිස් ලකුණු 70ක්,  සදීර සමරවික්‍රම ලකුණු 76ක්, දිලුම් සුධීර ලකුණු 56ක්, මහනුවර පිලේ ෂම්මු අෂාන් ලකුණු 52ක් හා පවන්ත වීරසිංහ ලකුණු 61ක් ලබා ගැනීමට සමත් වූහ.

දඹුල්ල සහ කොළඹ

දඹුල්ල පිල පළමු ඉනිම ඕවර් 120කදී සියලු දෙනා දැවී ලකුණු 408

නිශාන් මධුෂ්ක 97, තනුක දාබරේ 56, කවීන් බණ්ඩාර 25, අංජල බණ්ඩාර 95, චමිඳු වික්‍රමසිංහ 15, කවිඳු පතිරත්න 49, අකිල ධනංජය ‍නොදැවී 26 (ප්‍රභාත් ජයසූරිය 110/3, චමෝද් බැට්ටගේ 57/2, ජනිත් ලියනගේ 28/2)

කොළඹ පිල පළමු ඉනිම ඕවර් 123.2කදී සියලු දෙනා දැවී ලකුණු 390

රවිඳු රසාන්ත 68, තරිඳු අමරසිංහ 52, ධනංජය ලක්ෂාන් 53, ප්‍රභාත් ජයසූරිය 54, ජනිත් ලියනගේ 47, චරිත් අසලංක 67 (කවිඳු පතිරත්න 68/2, අකිල ධනංජය 90/3, ශක්ති උදාර 97/4)

දඹුල්ල පිල දෙවැනි ඉනිම ඕවර් 76කදී කඩුලු 1ක් දැවී ලකුණු 266

නිශාන් මධුෂ්ක 107, තනුක දාබරේ 44, කවීන් බණ්ඩාර නොදැවී 100 (දුෂාන් හේමන්ත 65/1)

ගාාල්ල සහ මහනුවර

ගාල්ල පිල පළමු ඉනිම ඕවර් 80.2කදී සියලු දෙනා දැවී ලකුණු 260

ඔෂධ ප්‍රනාන්දු 84, පසිඳු සූරියබණ්ඩාර 33, ඉසිත් දේව් විජේසුන්දර 27, රමේෂ් මෙන්ඩිස් 70 (දුලාජ් සමුදිත 51/3, චාමික ගුණසේකර 45/5, ජෙෆ්රි වැන්ඩර්සේ 39/2)

මහනුවර පිල පළමු ඉනිම ඕවර් 58.2කදී සියලු දෙනා දැවී ලකුණු 209

පවන්ත වීරසිංහ 15, චාමික හීනටිගල 18, ෂම්මු අෂාන් 52, අෂේන් බණ්ඩාර 28,  සොහාන් ඩී ලිවේරා 20, චාමික කරුණාරත්න 34 (ඉසිත් දේව් විජේසුන්දර 56/5, අසංක මනෝජ් 47/2 )

ගාල්ල පිල ‍දෙවැනි ඉනිම ඕවර් 95කදී සියලු දෙනා දැවී ලකුණු 262

සදීර සමරවික්‍රම 76, රමේෂ් මෙන්ඩිස් 17, ඔෂධ ප්‍රනාන්දු 55, දිලුම් සුධීර 56, ඉසිත් දේව් විජේසුන්දර 18 (චාමික කරුණාරත්න 28/3, දුලාජ් සමුදිත 47/2, ජෙෆ්රි වැන්ඩර්සේ 57/2 )

මහනුවර පිල දෙවැනි ඉනිම ඕවර් 55කදී කඩුලු 9ක් දැවී ලකුණු 229

ළහිරු උදාර 41, සොහාන් ඩී ලිවේරා 28, පවන්ත වීරසිංහ 61, අෂේන් බණ්ඩාර 20, ජෙෆ්රි වැන්ඩර්සේ නොදැවී 23, දුලාජ් සමුදිත නොදැවී 8 (ඉසිත් දේව් විජේසුන්දර 34/2, අසංක මනෝජ් 60/3, රමේෂ් මෙන්ඩිස් 26/2 )