ගාල්ල අන්තර්ජාතික ක්‍රිකට් ක්‍රීඩාංගණයේදී අද (05 දා) පැවැති නවසීලන්ත ‘ඒ‘ කණ්ඩායමට එරෙහි තරග 3 කින් සමන්විත එක්දින තරග මාලාවේ පළමු තරගයෙන් ශ්‍රී ලංකා ‘ඒ කණ්ඩායම ලකුණු 140 ක දැවැන්ත තරග ජයක් වාර්තා කිරීමට සමත්වූවේය. ශ්‍රී ලංකා ජයග්‍රහණය වෙනුවෙන් කැපී පෙනෙන පන්දු යැවීමක නිරත වුණු අන්තර් සමාජ පළමු පෙළ ක්‍රිිකට් තරගාවලියේ වටිනාම ක්‍රීඩකයා බවට පත් වුණු වනුජ සහන්, ලකුණු 13 ක් ඇතුළත නවසීලන්ත පිතිකරුවන් 5 දෙනෙකු දවා ලමින් දැවැන්ත තරග ජයග්‍රහණය වෙනුවෙන් ප්‍රධාන කාර්යය භාරය ඉටු කළේය.

කාසියේ වාසියත් සමග පළමුව පන්දුවට පහර දුන් ශ්‍රී ලංකා ‘ඒ‘ කණ්ඩායම ශක්තිමත් පිතිකරණයක් ප්‍රදර්ශනය කරමින් ලකුණු 261 ක් ලකුණු පුවරුවේ රැඳවීිමට සමත්විය. මෙහිදී කමිල් මිශාර සහ නායක සහන් ආරච්චිගේට අමතරව මිලාන් රත්නායක පිතිකරණයෙන් වැඩි දායකත්වයක් ලබා දුන්හ.

මෙහිදී වේගවත් ආරම්භයක් ලබා දුන් කමිල් මිශාර පන්දු 49 කින් ලකුණු 71 ක් රැස් කළේය. ඔහුගේ ඉනිම හතරේ පහර 12 කින් සහ එක් හයේ පහරකින් අලංකාර විණ. නායක සහන් ආරච්චිගේ ද තවත් පැතිකඩකින් ඉනිම ස්ථාවර කර ගත්තේ පන්දු 1 කදී ලකුණු 66 ක් ලබා ගනිමිනි. එම ඉනිමට හතරේ පහඑ 7 ක් සහ එක් හයේ පහරක් පමණක් ඇතුළත් විය.

පසු පෙළින් පිවිසි මිලාන් රත්නායක ද පන්දු 89 කදී ලකුණු 53 ක් රැස් කරගත්තේ ඉනිම හතරේ පහර 3 කින් සහ හයේ පහරකින් වර්ණව්ත කර ගනිමිනි.  ශ්‍රි ලංකා ඉනිම යම් තරමකට හෝ මට්ටු කිරීමට සමත්වූ නවසීලන්ත පන්දු යවන්නන් දෙදනො බවට පත්වූයේ ක්‍රිස්ටියන් ක්ලාක් සහ අදිත්‍ය අශෝක් වන අතර ඔවුහු කඩුලු 2 බැගින් දවාලූහ.

ලකුණු 262 ක ජයග්‍රාහී ඉලක්කයක් හඹා යෑම සදහා පිටියට පිවිසි නවසීලන්ත ‘ඒ‘ කණ්ඩායමට වනුජ සහන් ප්‍රමුඛ ශ්‍රී ලංකා පන්දු බලපරාක්‍රමය හමුවේ රැස් කරගත හැකි වූයේ ලකුණු 121 ක් පමණි. පන්දුවාර 6.4 ක් යැවූ වනුජ ලකුණු 13 ක් ඇතුළත කඩුලු 5 ක් දවා ගත්තේ දේශීය තරග පිටියේ තමන් ලබා සිටින සාර්ථකත්වය තව දුරටත් සහතික කරමිනි.

ඔහුට අනගි සහායක් ලබා දුන් සොනාල් දිනූෂ කඩුලු 2 ක් දවාලමින් ප්‍රතිවාදීන්ට කිසිදු අවස්ථාවක් ලබා දීමට පියවර ගත්තේය. පිතිකරුවන් තිදෙනකු අර්ධ ශතක වාර්තා කිරීමට සමත් වුවත්, වනුජගේ දක්ෂතාවය පසුකර යෑමට ඔවුට නොහැකි විය. එහි අවසන් තීරණය වූයේ තරගාවසානයේ පැවැති ජය සංකේත ප්‍රධානයේදී දක්ෂතම ක්‍රීඩකයාට පිදෙන සම්මානයෙන්ද වනුජ සහන් පිදුම් ලැබීමයි.

ශ්‍රී ලංකා ‘එ්‘ කණ්ඩායම පන්දුවාර 49.2 කදී සියලු දෙනා දැවී ලකුණු 261 යි – (කමිල් මිශාර 71, ලසිත් කෘෘස්පුල්ලේ 05, නුවනිඳු ප්‍රනාන්දු 08, පවන් රත්නායක 16, සහන් ආරච්චිගේ 66, සොනාල් දිනූෂ 09, මිලාන් රත්නායක 53, රවිදු ප්‍රනාන්දු 00, වනුජ සහන් 12, ප්‍රෙමා්ද් මදුෂාන් 04, ඩිල්ෂාන් මදුශංක 03*, ක්‍රිස්ටියන් ක්ලාර්ක් 42/2, ආදිත්‍ය අශෝක් 45/2)

නවසීලන්ත ‘ඒ‘ කණ්ඩායම පන්දුවාර 28.4 කදී සියලු දෙනා දැවී ලකුණු 121 යි – (ක්‍රිස්ටියන් ක්ලාර්ක් 18, ටයිස් මාරිවු 19, ඩේල් පිලිප්ස් 30, මුහමාද් අබ්බාස් 11, වනුජ සහන් 13/5, සොනාල් දිනූෂ 10/2, රවිදු ප්‍රනාන්දු 24/1)