ශ්රී ලංකා ක්රිකට් සංවිධානය කරන වයස අවුරුදු 19න් පහළ ශ්රී ලංකා යොවුන් එක්දින ක්රිකට් තරගාවලිය (යූත් ලීග්) ජුනි මස 12 වැනිදා ආරම්භ වීමට නියමිතය. දිවයිනේ දක්ෂතම යොවුන් ක්රිකට් ක්රීඩකයන්ට සිය දක්ෂතා ප්රදර්ශනය කිරීමට අවස්ථාව සලසන මෙම තරගාවලිය සඳහා කොළඹ දකුණ, කොළඹ උතුර, ගාල්ල, මහනුවර සහ දඹුල්ල යන කණ්ඩායම් පහ සහභාගී වෙති.
තරගාවලියේ පළමු වටයේ තරග ජුනි 12 වැනිදා සිට 18 වැනිදා දක්වා කොළඹ නගරයේ ක්රීඩාංගණ කිහිපයකදී පැවැත්වෙන අතර, එහිදී සෑම කණ්ඩායමක්ම අනෙකුත් කණ්ඩායම් සමඟ තරග වැදීමට නියමිතය. පළමු වටය අවසානයේ ප්රසාද ලකුණු සටහනේ ඉහළින්ම සිටින කණ්ඩායම් හතර අවසන් පූර්ව වටයට සුදුසුකම් ලබනු ඇත.
අවසන් පූර්ව තරග දෙක ජුනි 19 වැනිදා කොළඹ තර්ස්ටන් විද්යාලයීය සහ රාජකීය විද්යාලයීය ක්රීඩාංගණවලදී පැවැත්වීමට නියමිත අතර, ශූරතාව තීරණය කරන අවසන් මහා තරගය ජුනි 21 වැනිදා කොළඹ පී. සරා ඕවල් ක්රීඩාංගණයේදී පැවැත්වේ.
තරග කාලසටහන
ජුනි 12
- මහනුවර සහ ගාල්ල – කොළඹ Colts ක්රීඩාංගණය
- කොළඹ උතුර සහ කොළඹ දකුණ – පී. සරා ඕවල් ක්රීඩාංගණය
ජුනි 13
- දඹුල්ල සහ කොළඹ දකුණ – කොළඹ Colts ක්රීඩාංගණය
- මහනුවර සහ කොළඹ උතුර – පී. සරා ඕවල් ක්රීඩාංගණය
ජුනි 15
- කොළඹ දකුණ සහ මහනුවර – කොළඹ Colts ක්රීඩාංගණය
- ගාල්ල සහ දඹුල්ල – කොළඹ NCC ක්රීඩාංගණය
ජුනි 16
- ගාල්ල සහ කොළඹ උතුර – කොළඹ Colts ක්රීඩාංගණය
- දඹුල්ල සහ මහනුවර – කොළඹ NCC ක්රීඩාංගණය
ජුනි 18
- කොළඹ උතුර සහ දඹුල්ල – තර්ස්ටන් විද්යාලයීය ක්රීඩාංගණය
- කොළඹ දකුණ සහ ගාල්ල – රාජකීය විද්යාලයීය ක්රීඩාංගණය
ජුනි 19
- පළමු අවසන් පූර්ව තරගය – තර්ස්ටන් විද්යාලයීය ක්රීඩාංගණය
- දෙවන අවසන් පූර්ව තරගය – රාජකීය විද්යාලයීය ක්රීඩාංගණය
ජුනි 21
- අවසන් මහා තරගය – පී. සරා ඕවල් ක්රීඩාංගණය
