අන්තර් සමාජ ටියර් ‘බී’ ක්රිකට් තරගාවලියේ ශූරතාව දිනාගැනීම වෙනුවෙන් ගාල්ල ක්රීඩා සමාජය සහ ශ්රී ලංකා යුද හමුදා කණ්ඩායම අතර අවසන් මහ තරගය හෙට (11) කොළඹ බ්ලූම්ෆීල්ඩ් ක්රීඩාංගණයේදී පැවැත්වේ.
මෙවර තරගාවලියේ අවසන් මහ තරගයට සුදුසුකම් ලැබූ කණ්ඩායම් දෙකම තරගාවලිය පුරා දක්වන ලද දස්කම් හේතුවෙන් ශූරතාව සඳහා කරට කර සටනකට අවතීර්ණ වී සිටී. ඒ අනුව හෙට පැවැත්වෙන අවසන් සටනේදී තරගයේ මුල් අවස්ථාවේ සිටම දස්කම් අතර රැඳී සිටීම දෙපිළේම ප්රධාන අරමුණ වනු ඇත.
යුද හමුදා කණ්ඩායම මෙහෙයවනු ලබන්නේ ෂෙහද සොයිසා විසින් වන අතර, ගාල්ල ක්රීඩා සමාජයේ නායකත්වය රජීව වීරසිංහ විසින් දරනු ලබයි. නායකයන් දෙදෙනාටම අවසන් මහ තරගයේදී සිය කණ්ඩායම් නිවැරදිව මෙහෙයවමින් තීරණාත්මක අවස්ථාවලදී උපරිම ප්රතිඵල ලබාගැනීමේ වගකීම පැවරී තිබේ.
ගාල්ල ක්රීඩා සමාජය අවසන් තරගයට පිවිසෙන්නේ තරගාවලියේ තමන් සතු හැකියාවන් උපරිමයෙන් ප්රදර්ශනය කරමින් ශූරතාව අත්කර ගැනීමේ අරමුණ ඇතිවය. අනෙක් අතට යුද හමුදා කණ්ඩායමද අවසන් සටනේදී සිය කණ්ඩායම් ශක්තිය උපරිමයෙන් ප්රයෝජනයට ගනිමින් ශූරතාව තමන් සතු කර ගැනීමට සූදානමින් සිටී. මෙම තරගය හෙට ප.ව. 9.45 ට ආරම්භ වනු ඇත.
