slc
logo
Home   |    News
ජූලි 17, 2019
ශ්‍රී ලංකාව සමඟ එක්දින තරගාවලියට ශකීබ් නෑ

Sri Lanka Cricket

ශ්‍රී ලංකාව සමඟ ලබන 26 වැනිදා සිට පැවැත්වීමට නියමිත එක්දින තරග 3 සඳහා නම් කරන ලද බංග්ලාදේශ කණ්ඩායමට තුන් ඉරියව් ක්‍රීඩක ශකීබ් අල් හසන්ව ඇතුළත් නොකිරීමට බංග්ලාදේශ ක්‍රිකට් තේරීම් කමිටුව පියවර ගෙන තිබේ. ජාත්‍යන්තර ක්‍රිකට් තරගවලින් තාවකාලික විවේකයක් අවශ්‍ය බවට අල් හසන් විසින් කරන ලද ඉල්ලීමකට ප්‍රතිචාර දක්වමින් එරට ක්‍රිකට් තේරීම් කමිටුව ඉහත තීරණයට එළැඹ තිබේ.

අල් හසන්ට අමතරව මැද පෙළ පිතිකරුවකු වන ලිටන් දාස්ද විවේකය අවශ්‍ය බව පවසමින් ඉල්ලීමක් කර තිබෙන එයට ප්‍රතිචාර වශයෙන් ඔවුන් වෙනුවට එනමුල් හක් සහ ටයිජුල් ස්ලාම් යළි කණ්ඩායමට කැඳවීමට පියවර ගෙන තිබේ. සඳහන් වන ආකාරයට මෙම කාල සීමාවේදී අල් හසන් හජ්ජි වන්දනාවේද ලිටන් සිය විවාහ ගිවිස ගැනීමට නියමිතව තිබේ. මොවුන් දෙදෙනා හැරුණු කොට ඉකුත්දා නිමාවට පත්වුණු ලෝකකුසලාන ක්‍රිකට් තරගාවලිය සඳහා නම් කරන ලද බංග්ලාදේශ කණ්ඩායමෙන් අබූ ජායෙඩ් ට පමණක් සිය ස්ථානය අහිමිවී තිබේ.

කණ්ඩායමට පැමිණ සිටින එනමුල් අවසන් වරට ඉකුත් 2018 වසරේදීද තයිජුල් ඉකුත් 2016 වසරේදීද එක්දින තරග අංශය නියෝජනය කර තිබේ. ක්‍රීඩකයින් 14 දෙනෙකුගෙන් සමන්විත බංග්ලාදේශ කණ්ඩායමට ඔවුන් දෙපළ යළි නම් කිරීම පිළිබඳව අදහස් දක්වා ඇති එරට තේරීම් කමිටු ප්‍රධානී මින්හජුල් අබෙඩීන් දේශීය තරගාවලිවලදී දක්වන ලද දක්ෂතා මත පදනම්ව ඔවුන් කණ්ඩායමට නම් කිරීමට පියවර ගත් බව සඳහන් කර තිබේ.

ලෝක කුසලාන ක්‍රිකට් තරගාවලියේදී බංග්ලාදේශ පිල මෙහෙයවන ලද මෂ්රෆී මොර්ටටාසාට කණ්ඩායමේ නායකත්වය පවරා තිබේ. ලෝක කුසලාන ක්‍රිකට් තරගාවලියේදී යම් යම් ආබාධයන් වලට ගොදුරු වූ මුෂ්ෆිකර් රහීම්, මහමුදුල්ලා සහ මොහොමඩ් සයිෆුඩීන් සිය ශාරීරික යෝග්‍යතා පරිසාධන මට්ටම ඉක්මවාලමින් සිය ස්ථාන තහවුරු කරගෙන සිටිති.

ලෝක කුසලාන ක්‍රිකට් තරගාවලිය නිමාවත් සමඟ බංග්ලාදේශ කණ්ඩායමේ පුහුණුකරු ලෙස කටයුතු කරන ලද ස්ටීව් රෝඩ්ස් සිය තනතුරින් ඉවත් වූ බැවින් මෙම තරගාවලිය බංග්ලාදේශ පිල පැමිණෙන්නේ ප්‍රධාන පුහුණුකරුවකු රහිතවය. කෙසේ වෙතත් ලෝක කුසලාන ක්‍රිකට් තරගාවලියේදී බංග්ලාදේශ ක්‍රිකට් කණ්ඩායමේ කලමනාකාරවරයා ලෙසින් කටයුතු කරන ලද එරට ක්‍රිකට් පාලක මණ්ඩල අධ්‍යක්ෂක ඛලීඩ් මහමුද් ශ්‍රී ලංකා තරග සංචාරයේදී තාවකාලික පුහුණුකරු ලෙසින් කටයුතු කිරීමට නියමිතව තිබේ.

බංග්ලාදේශ ක්‍රිකට් කණ්ඩායම ලබන 20 වැනිදා ශ්‍රී ලංකාවට පැමිණීමට නියමිත අතර එම තරගයට පෙර ලබන 23 වැනිදා පී. සරා ඕවල් පිටියේදී පුහුණු තරගයකට ක්‍රීඩා කිරීමට නියමිතව තිබේ. තරග 3 කින් සමන්විත දෙරට අතර එක්දින තරගාවලිය ලබන 26 වැනිදා කොළඹ ආර්. ප්‍රේමදාස ක්‍රීඩාංගණයේදී ආරම්භවේ.

බංග්ලාදේශ ක්‍රිකට් කණ්ඩායම – මෂ්රෆී මොර්ටාසා (නායක), ටමීම් ඉක්බාල්, සෞම්‍ය සර්කාර්, එනමුල් හක්, මුෂ්ෆිකර් රහීම්, මහමුදුල්ලා, මොසදෙක් හොසේන්, සබීර් රෙහ්මාන්, මොහොමඩ් මිතුන්, හසන් මිරාස්, ටයිජුල් ස්ලාම්, මුට්ෆිසුර් රෙහ්මාන්, රුබෙල් හොසේන්, මොහොමඩ් ශෆියුඩීන්.

Active filters

Recent Posts

  • ශ්‍රී ලංකා කාන්තාවෝ කල් ඇතිවම තරගාවලි ජය ලබති
    බටහිර ඉන්දීය කොදෙව් කාන්තා කණ්ඩායම හා ශ්‍රී ලංකා කාන්තා කණ්ඩායම අතර තරග 3කින් සමන්විත අන්තර්ජාතික එක්දින තරගාවලියේ පිට පිට තරග දෙකක් ජයගත් ශ්‍රී ලංකා කාන්තා පිල තරගයක් ඉතිරිව […]
  • 21 න් පහළ අවසන් ගැටුම සෙබස්තියනයිට්ස් සහ මැලේ අතර
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 21 න් පහළ ටියර් ‘බී‘ කොටසේ දෙදින ක්‍රිකට් තරගාවලියේ අවසන් මහ සටන සඳහා සුදුසුකම් ලබා ගැනීමට මොරටුව සෙබස්තියනයිට්ස් සහ මැලේ […]
  • ආණ්ඩුකාර කුසලාන අවසන් පූර්ව තරග ජුනි 22 වැනිදා  
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන ආණ්ඩුකාර කුසලාන පන්දුවාර 50 ක්‍රිකට් තරගාවලියේ අවසන් මහ තරග අවස්ථාව උදාකර ගැනීම වෙනුවෙන් වන අවසන් කඩඉම වන අර්ධ අවසන් තරග […]
  • ජයග්‍රහණයක් සමඟින් ශ්‍රී ලංකාව ලෝක කුසලාන ගමන නිමා කරයි
    ග්‍රොස් අයිලට් නුවර ඩැරන් සාමි ජාතික ක්‍රීඩාංගණයේ පැවැති තරගයේදී නෙදර්ලන්ත පිලට එරෙහිව ලකුණු 83 ක විශිෂ්ඨ තරග ජයග්‍රහණයක් වාර්තා කළ ශ්‍රී ලංකා කණ්ඩායම 2024 පන්දුවාර විස්සයි-20 ලෝක කුසලාන ගමන […]
  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]

Pin It on Pinterest

LKR Sri Lankan rupee