slc
logo
Home   |    News
අගෝස්තු 25, 2019
අයි. සී. සී. සභාපතිවරයා ජනපති මුණගැසෙයි

Sri Lanka Cricket

ශ්‍රී ලංකා ක්‍රිකට් ආයතනයේ ආරාධනය අනුව මෙරටට පැමිණ සිටින ජාත්‍යන්තර ක්‍රිකට් කවුන්සිල සභාපති ශෂාන්ක් මනෝහර් මහතා සහ එම කවුන්සිල උප සභාපති ඉම්රාන් ඛවාජා මහතා ඉකුත් සිකුරාදා දින අතිගරු ජනාධිපති මෛත්‍රීපාල සිරිසේන මහතා හමුවී සුහද සාකච්ඡාවක නිරත විය. මෙම අවස්ථාවට අයි. සී. සී. සභාපතිවරයාගේ භාර්යාව වන මනෝහර් මහත්මියද සහභාගිවී සිටීම කැපී පෙනුණි.

ශ්‍රී ලංකා ක්‍රිකට් ආයතන සභාපති ශම්මි සිල්වා මහතාගේ ආරාධනයකට අනුව සිව් දින සංචාරයකට මෙරටට පැමිණ සිටින ක්‍රිකට් සභාපතිවරයා ඇතුළු පිරිස ජනාධිපතිවරයා මුණ ගැසෙන අවස්ථාවේදී ක්‍රිකට් ආයතන වත්මන් සභාපති ශම්මි සිල්වා මහතා, හිටපු සභාපති තිලංග සුමතිපාල මහතා සහ ක්‍රිකට් ආයතනයේ ලේකම් මොහාන් ද සිල්වා මහතා ද එම අවස්ථාවට සහභාගිවී සිටියහ. තිලංග සුමතිපාල මහතාගේ සහ මොහාන් ද සිල්වා මහතාගේ භාර්යාවන් දෙපළද මෙම අවස්ථාවට සහභාගිවී සිටීම විශේෂත්වයක් විය.

ශ්‍රී ලංකා ක්‍රිකට් ආයතන විධායක කමිටු සාමාජික ප්‍රියන්ත සොයිසා මහතාද සහභාගිවූ මෙම අවස්ථාවේදී ශ්‍රී ලංකාව තුළ ක්‍රිකට් ක්‍රීඩාව දියුණු කිරීම සම්බන්ධව මෙම පිරිස සුහද කතාබහක නිරත විය. එම කතා බහ අවසානයේ අතිගරු ජනාධිපති මෛත්‍රීපාල සිරිසේන මහතා විසින් ශ්‍රී ලංකා ක්‍රිකට් ආයතනයේ නවතම වාර්ෂික වාර්තාව ශෂාන්ක් මනෝර් මහතා වෙත පිරිනැමුවේය.

නවසීලන්තය සමඟ සරා ඕවල් පිටියේ පැවැත්වෙන ටෙස්ට් තරගය නැරඹීමට පෙර විදුලි සංදේශ, විදේශ රැකියා හා ක්‍රීඩා අමාත්‍ය ගරු හරීන් ප්‍රනාන්දු මහතාවද හමුවූ ජාත්‍යන්තර ක්‍රිකට් කවුන්සිල සභාපතිවරයා ඇතුළු පිරිස මෙම නිල සංචාරය යටතේ අග්‍රාමාත්‍ය රනිල් වික්‍රමසිංහ මහතාවද මුණ ගැසී සුහද කතා බහක නිරත වූහ.

Active filters

Recent Posts

  • ශ්‍රී ලංකා කාන්තාවෝ කල් ඇතිවම තරගාවලි ජය ලබති
    බටහිර ඉන්දීය කොදෙව් කාන්තා කණ්ඩායම හා ශ්‍රී ලංකා කාන්තා කණ්ඩායම අතර තරග 3කින් සමන්විත අන්තර්ජාතික එක්දින තරගාවලියේ පිට පිට තරග දෙකක් ජයගත් ශ්‍රී ලංකා කාන්තා පිල තරගයක් ඉතිරිව […]
  • 21 න් පහළ අවසන් ගැටුම සෙබස්තියනයිට්ස් සහ මැලේ අතර
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 21 න් පහළ ටියර් ‘බී‘ කොටසේ දෙදින ක්‍රිකට් තරගාවලියේ අවසන් මහ සටන සඳහා සුදුසුකම් ලබා ගැනීමට මොරටුව සෙබස්තියනයිට්ස් සහ මැලේ […]
  • ආණ්ඩුකාර කුසලාන අවසන් පූර්ව තරග ජුනි 22 වැනිදා  
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන ආණ්ඩුකාර කුසලාන පන්දුවාර 50 ක්‍රිකට් තරගාවලියේ අවසන් මහ තරග අවස්ථාව උදාකර ගැනීම වෙනුවෙන් වන අවසන් කඩඉම වන අර්ධ අවසන් තරග […]
  • ජයග්‍රහණයක් සමඟින් ශ්‍රී ලංකාව ලෝක කුසලාන ගමන නිමා කරයි
    ග්‍රොස් අයිලට් නුවර ඩැරන් සාමි ජාතික ක්‍රීඩාංගණයේ පැවැති තරගයේදී නෙදර්ලන්ත පිලට එරෙහිව ලකුණු 83 ක විශිෂ්ඨ තරග ජයග්‍රහණයක් වාර්තා කළ ශ්‍රී ලංකා කණ්ඩායම 2024 පන්දුවාර විස්සයි-20 ලෝක කුසලාන ගමන […]
  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]

Pin It on Pinterest

LKR Sri Lankan rupee