slc
logo
Home   |    News
අගෝස්තු 26, 2019
ශ්‍රී ලංකාවට ඉනිමක පරාජයෙන් බේරීමේ අභියෝගයක්

Sri Lanka Cricket

සරා ඕවල් පිටියේ පැවැත්වෙන දෙවැනි ටෙස්ට් තරගයේ පස්වැනි දිනය වන අද (26 දා) දිනයේ උදෑසන පන්දුවට පහර දීමේ අවස්ථාව ශ්‍රී ලංකාවට ලබා දෙනු ඇතැයි අපේක්ෂා කළද පළමු ඉනිමට ලකුණු කීපයක් එකතු කර ගැනීමේ අදහසින් පන්දුවාර 5 ක් ක්‍රීඩා කළ නවසීලන්ත පිතිකරුවෝ ලකුණු 187 ක වාසියක් අත්කර ගනිමින් පළමු ඉනිම අත්හිටුවීය. ඒ අනුව ඉනිමක පරාජයෙන් බේරීමේ සිටීමේ තත්ත්වයකට ශ්‍රී ලංකාව දැන් මුහුණ දී සිටියි.

ලකුණු සංඛ්‍යාව ඉහළ දමා ගැනීම මෙන්ම ලකුණු 80 සීමාවේ රැදී සිටි බී. ජේ. වොට්ලින් සහ ඩි ග්‍රෑන්ඩ්හෝම්ට ශතක ලබා ගැනීම සඳහාද අවස්ථාව විවර කරමින් ක්‍රීඩා කරන ලද ඉනිමේදී පළමු ඉනිම ලකුණු 431 කට කඩුලු 6 ක්ව තිබියදී පන්දුවට පහර දීමේ අවස්ථාව ශ්‍රී ලංකාවට ලබා දුන්නේය.  

ශතක කරා යනු ඇතැයි අපේක්ෂා කළද ඉන් එම බලාපොරොත්තු යථාර්ථයක් බවට පත් කරගන්නා ලද්දේ බී. ජේ. වොට්ලින් පමණි.  දිනය ආරම්භයේ යවන ලද දෙවැනි පන්දුවෙන්ම ඩි ග්‍රෑන්ඩ්හෝම්ව දවා ගැනීමට ලසිත් ඇඹුල්දෙණිය සමත්විය. එල්ල කරන ලද ස්වීප් පහරක් ඩීප් ස්කෙවයාර් ලෙග් කළාපයේ පන්දු රකිමින් සිටි ළහිරු කුමාරගේ දෑත් අතර සිරවීමෙන් ඩි ග්‍රෑන්ඩ්හෝම් පිටියෙන් ඉවතට ගියේ ඔහුගේ මෙන්ම නවසීලන්ත ලකුණු පුවරුව ද ක්‍රියාත්මක වීමටත් මත්තෙන්ය. පෙර දිනයේ වේගයෙන් පන්දුවට පහර දුන් ඩි ග්‍රෑන්ඩ්හෝම් ලබා ගත් ලකුණු 83 සඳහා පන්දු 77 කට පමණක් මුහුණ දුන්නේය. දැවැන්ත හයේ පහර 5 කින් සැරසුණු ඩි ග්‍රෑන්ඩ්හෝම්ගේ ඉනිමට තවත් හතරේ පහර 5 ක්ද ඇතුළත්විය.

ගාල්ලේ පැවැති තරගයේදී දෙවැනි ඉනිම වෙනුවෙන් අර්ධ ශතකයක් රැස් කළ බී. ජේ. වොට්ලින් ගාල්ලේදී ලබාගැනීමට නොහැකි වූ ශතකය කොළඹදී ලබා ගත්තේ තම ටෙස්ට් ක්‍රිකට් දිවියේ 7 වැනි ශතකයට හිමිකම් කියමිනි.  හෝරා 5 කට වැඩි කාලයක් කඩුල්ලේ රැඳෙමින් පන්දුවට පහර දුන් වොට්ලින් ලකුණු 105 ක් ලබා ගත්තේය. නවසීලන්ත ඉනිම අත්හිටුවන විටත් තම කඩුල්ල ආරක්ෂා කරගත් හේ මුහුණ දුන් පන්දු 226 න් අවස්ථා 9 කදී හතරේ සීමාවේ එපිටට පන්දුව යැවීමට සමත්වී තිබිණ.

ඩි ග්‍රෑන්ඩ්හෝම්ගේ දැවී යෑමෙන් පසු පිටියට පිවිසි ටිම් සවුති වේගවත් ඉනිමක දියත් කරමින් නවසීලන්ත පිලේ ලකුණු ලබා ගැනීමේ වේගය වැඩි කළේය. නවසීලන්ත ඉනිම අත්හිටුවීමට පෙර ලසිත් ඇඹුල්දෙණිය විසින් යවන ලද පන්දුවාරයේ අවසන් පන්දු 2 ට පිට පිටම හයේ පහර 2 ක් එල්ල කළ සවුති තවත් හතරේ පහර 2 ක් ද සමග පන්දු 10 කදී ලකුණු 24 ක් ලබා ගත්තේය.

තරගයේ පස්වැනි සහ අවසන් දිනය වන අද දිනයේදී වර්ෂාවෙන් හෝ අඳුරු කාලගුණයෙන් තරගයට බාධාවක් ඇති නොවුණහොත් තවත් පන්දුවාර 91 ක් යැවීමට නියමිතව තිබේ.

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

USD United States (US) dollar