slc
logo
Home   |    News
සැප්තැම්බර් 12, 2019
පාකිස්තානු සංචාරය සඳහා කණ්ඩායම් නම් කෙරෙයි

Sri Lanka Cricket

පාකිස්තානය සමඟ පැවැත්වීමට නියමිත එක්දින සහ විස්සයි-20 තරගාවලිය සඳහා නම් කරන ලද එක්දින කණ්ඩායමේ නායකත්ව ළහිරු තිරිමාන්නටත්, විස්සයි-20 කණ්ඩායමේ නායකත්වය දසුන් ශානකටත් ලබා දීමට ශ්‍රී ලංකා ක්‍රිකට් තේරීම් කමිටුව පියවර ගෙන තිබේ.

ශ්‍රී ලංකා එක්දින පිලේ සහ විස්සයි-20 පිලේ නායකයන් වන දිමුත් කරුණාරත්න සහ ලසිත් මාලිංග ඇතුළු ජ්‍යෙෂ්ඨ ක්‍රීඩකයින් 10 දෙනෙකු පාකිස්තානු තරග සංචාරයට සහභාගිවීමට අකමැත්ත පළ කිරීමත් සමඟ ඉහත නම් සඳහන් ක්‍රීඩකයින් දෙපළගේ නායකත්වයෙන් යුතු කණ්ඩායම් 2 ක පාකිස්තානු සංචාරයට සහභාගි කරවීමට තේරීම් කමිටුව පියවර ගනු ලැබීය.

තවමත් ජාත්‍යන්තර තරගයකට ක්‍රීඩා කොට නැති මිනෝද් භානුක එක්දින සහ විස්සයි-20 කණ්ඩායම් දෙකටම කැඳවා තිබෙන අතර භානුක රාජපක්ෂ විස්සයි-20 කණ්ඩායමට නම් කර තිබේ. මොවුන් දෙදෙනාම දේශීය තරග පිටියේ සහ ඒ තරගාවලියන්හිදී කැපී පෙනෙන දස්කම් දැක්වීමට සමත්ව ඇති ක්‍රීඩකයෝ වෙති.

කණ්ඩායමට 2 ට නම් කර ඇති නායකයින් අතර දසුන් ශානක පමණක් මීට පෙර ශ්‍රී ලංකා පිල මෙහෙයවා නොමැති නමුත් එක්දින තරග අංශයේ නායකත්වයට පත් ළහිරු තිරිමාන්න මීට පෙර එක්දින තරග 3 කදී ශ්‍රී ලංකාව මෙහෙයවා තිබේ. එම තරග 3 අතුරින් එක් තරගයක් ජයගැනීමට සමත්ව තිබෙන අතර අනෙක් තරග 2 පරාජයට පත්ව තිබේ. ඒ අනුව දසුන් ශානක ශ්‍රී ලංකාව වෙනුවෙන් විස්සයි-20 තරග අංශයේ නායකත්වයට පත් 10 වැනියා වන්නේය.

එක්දින තරග අංශයට ක්‍රීඩකයින් 15 දෙනෙකුගෙන් සමන්විත කණ්ඩායමක් ද විස්සයි-20 තරග අංශයට 16 දෙනෙකුගෙන් සමන්විත කණ්ඩායමක් නම් කර තිබේ. කෙසේ වෙතත් එක්දින තරග අංශයට නම් කොට විස්සයි-20 තරග අංශයට නම් කර නැති එකම ක්‍රීඩකයා වන්නේ ළහිරු තිරිමාන්න පමණි. ඒ අනුව විස්සයි-20 තරග අංශය සඳහා ළහිරු මධුශංක සහ භානුක රාජපක්ෂ දෙදෙනා කණ්ඩායමට ඇතුළත්ව සිටිති.

ශ්‍රී ලංකා එක්දින පිල – ළහිරු තිරිමාන්න (නායක), ධනුෂ්ක ගුණතිලක, සධීර සමරවික්‍රම, ඕෂධ ප්‍රනාන්දු, අවිශ්ක ප්‍රනාන්දු, ෂෙහාන් ජයසූරිය, දසුන් ශානක, මිනෝද් භානුක, ඇන්ජලෝ පෙරේරා, වනිඳු හසරංග, ලක්ෂාන් සඳකැන්, නුවන් ප්‍රදීප්, ඉසුරු උදාන, කසුන් රාජිත, ළහිරු කුමාර.

ශ්‍රී ලංකා විස්සයි-20 පිල – දසුන් ශානක (නායක), ධනුෂ්ක ගුණතිලක, සධීර සමරවික්‍රම, අවිශ්ක ප්‍රනාන්දු, ඕෂධ ප්‍රනාන්දු, ෂෙහාන් ජයසූරිය, ඇන්ජලෝ පෙරේරා, භානුක රාජපක්ෂ, මිනෝද් භානුක, ළහිරු මධුශංක, වනිඳු හසරංග, ලක්ෂාන් සඳකැන්, නුවන් ප්‍රදීප්, ඉසුරු උදාන, කසුන් රජිත, ළහිරු කුමාර.

Active filters

Recent Posts

  • වැස්සෙන් සිදුවන බාධා මැද තරග තුනක් ඇරැඹෙයි
    ශ්‍රී ලංකා ක්‍රිකට් ආයතනයේ සංවිධානයෙන් පැවැත්වෙන අන්තර් සමාජ ප්‍රධානතම තුන් දින ලීග් ක්‍රිකට් තරගාවලියේ මේ සති අන්තයේ පැවැත්වෙන තරග අතුරින් තරග තුනක් හැර අනෙක් තරග සියල්ලම වර්ෂාව හේතුවෙන් ආරම්භ […]
  • ආසියානු ක්‍රීඩා තරගාවලියට ශ්‍රී ලංකා පිල පිටත්ව යයි
    19 වැනි වතාවට චීනයේ පැවැත්වෙන ආසියානු ක්‍රීඩා තරගාවලියේ පිරිමි ක්‍රිකට් තරග ඉස්සවට සහභාගිවන ශ්‍රී ලංකා කණ්ඩායම සැප්තැම්බර් මස 30 වැනිදා චීනය බලා පිටත්ව ගියේය. ශ්‍රී ලංකා ක්‍රිකට් ආයතන […]
  • රිදී පදක්කම් දිනූ කාන්තාවෝ මව්බිමට එති
    චීනයේ හංජෝ නුවර පැවැති ආසියානු ක්‍රීඩා තරගාවලියේ කාන්තා ක්‍රිකට් තරග ඉසව්වේ රිදී පදක්කම දිනාගැනීමට හැකිවීම පිළිබඳව තමන් ඇතුළු කණ්ඩායම දැඩි සතුටට පත්ව සිටින බව ශ්‍රී ලංකා කාන්තා කණ්ඩායමේ […]
  • වැස්සට සේදුණු දිනයේදී තිලකරත්න සම්පත්ගෙන් අර්ධ ශතකයක්
    ශ්‍රී ලංකා ක්‍රිකට් ආයතනයේ සංවිධානයෙන් පැවැත්වෙන අන්තර් සමාජ ප්‍රධානතම තුන් දින ලීග් ක්‍රිකට් තරගාවලියේ මේ සතියේදී පැවැත්වීමට නියමිතව තිබූ තරග අටෙන් නුගේගොඩ ක්‍රීඩා, සුබ සාධක සමාජය හා කෝල්ට් අතර […]
  • පළමු පුහුණු තරගයේදී බංග්ලාදේශයට කඩුලු 7ක ජයක්
    තවත් දින කිහිපයකින් ආරම්භ වන ලෝක කුසලාන ක්‍රිකට් තරගාවලියේ පෙරහුරු තරගමාලාව ආරම්භ කරමින් ශ්‍රී ලංකාව හා බංග්ලාදේශය අතර පැවැති එක්දින පුහුණු තරගයේදී බංග්ලාදේශ පිල කඩුලු 7ක ජයක් වාර්තා […]
LKR Sri Lankan rupee

Pin It on Pinterest