slc
logo
Home   |    News
සැප්තැම්බර් 5, 2019
ශ්‍රී ලංකාවේ සුරක්ෂිතභාවය 19න් පහළ තරග සංවිධානයෙන් ඔප්පු වනවා – තරග අධ්‍යක්ෂ කියයි

Sri Lanka Cricket

2012 ශ්‍රී ලංකාවේ පැවැති 20-20 ලෝක කුසලාන තරගාවලියට පසුව වසර අටකින් නැවත මෙහි ජාත්‍යන්තර ක්‍රිකට් තරගාවලියක් පැවැත්වෙන්නේ මෙවර අවුරුදු 19න් පහළ ආසියානු කුසලාන ක්‍රිකට් තරගාවලියේදීය. ආසියාවේ රටවල් අටක තරුණ කණ්ඩායම් ඒකරාශී කරගෙන මෙවැනි තරගාවලියක් සංවිධානය කිරීමෙන් ශ්‍රී ලංකාවේ ආරක්ෂිත තත්ත්වය ලොවටම පෙන්නුම් කරන බව 19න් පහළ ආසියානු කුසලාන තරගාවලියේ අධ්‍යක්ෂ බන්දුල දිසානායක මහතා ප්‍රකාශ කරයි.

19න් පහළ තරුණ කණ්ඩායම් පමණක් මේ තරගාවලියට සහභාගිවුවත් අප ඔවුනට අන්තර් ජාතික මට්ටමේ සියළුම පහසුකම් සපයා තිබෙනවා. මේ තරගාවලිය‍ට කණ්ඩායම් තෝරාගෙන ඇත්තේ ආසියාවේ ටෙස්ට් තත්ත්වය ලැබු රටවල් පහ සහ මලයාසියාවේ පැවැති සුදුසුකම් ලැබීමේ තරගාවලියේදී තේරුණු කණ්ඩායම් තුනත් සමගයි. මෙම තරගාවලියෙන් පසුව මේ වසර අවසානයේ මෙරටටදී කාන්තා 20-20 ලෝක කුසලාන සුදුසුකම් ලැබීමේ තරගාවලියත් ශ්‍රී ලංකාවේ පැවැත්වෙනු ඇති බවද බන්දුල දිසානායක මහතා සදහන් කරයි.

2019 ආසියානු කුසලාන අවුරුදු 19න් පැවැති ක්‍රිකට් තරගාවලිය පිළිබදව පැවැති මාධ්‍ය හමුව අමතමින් දිසානායක මහතා එසේ ප්‍රකාශ කළේය. මේ මාධ්‍ය හමුවට කණ්ඩායම් අටේ නායකයන් සහභාගිවූ අතර එහිදි ජයග්‍රහකයනට පිරිනැමෙන කුසලානයද උත්සවශ්‍රීයෙන් දර්ශනය කැරිණි.

පුහුණු තරගාවලියන්ගෙන් සහ වෙනත් බාහිර පුහුණුවීම් මගින් අප මේ තරගාවලියට සූදානම්ව සිටින හෙයින් කුසලානය දිනාගැනීම අපගේ අපේක්ෂාව යැයි ශ්‍රී ලංකා නායක නිපුන් ධනංජය මෙහිදී ප්‍රකාශ කළේය. ඉන්දීය නායක චාන්ඩ් ජුරෙල් ප්‍රකාශ කළේ තමා නායකත්වයට නවකයෙකු වුවද සූරතාව දිනා ගැනීම අපේක්ෂාව බවය.

ආර්. ප්‍රේමදාස ක්‍රීඩාංගණය. සරවනමුත්තු ක්‍රීඩාංගණය, මොරටුව ක්‍රීඩාංගණය, සී.සී.සී ක්‍රීඩාංගණය සහ කටුනායක හලාවත මේරියන්ස් ක්‍රීඩාංගණයන්හි දී මේ තරග පැවැත්වීමට නියමිතව ඇත්තේ සැප්තැම්බර් 5 සිට 14 දක්වාය. ශ්‍රී ලංකාව, ඉන්දියාව, පාකිස්තානය, බංග්ලාදේශය, ඇෆ්ගනිස්ථානය, එක්සත් අරාබි එමීර් රාජ්‍යය, නේපාලය සහ කුවේට් මේ තරගාවලියට සහභාගි වෙති.

ශ්‍රී ලංකාව හයවැනිදා නේපාලය සමගත් 8 වැනිදා එක්සත් ආරාබි එමීර් රාජ්‍ය සමගත් 10 වැනිදා බංග්ලාදේශය සමගත් තරග වදිති අවසාන පූර්ව තරග දෙක 12වැනිදා සහ අවසාන තරගය 14 වැනිදා ආර්. ප්‍රේමදාස ක්‍රීඩාංගණයෙහි පැවැත්වීමට නියමිතය.

බන්දුල මොල්ලිගොඩ.

-The opinions expressed here are the views of the writer and do not necessarily reflect the views and opinions of Sri Lanka Cricket-

Active filters

Recent Posts

  • දෙපිළම තීරණාත්මක කඩඉමක් අභියස
    පිතිකරුවන් අතින් සිදුවූ අතපසුවීම හේතුවෙන් ලකුණු 249 ක ජයග්‍රාහී පහසු ඉලක්කය අතහැර ගැනීම නිසා පල්ලේකැලේ ජාත්‍යන්තර ක්‍රීඩාංගණයට පැමිණීමට පෙරම තරගාවලියේ ජය තමන් සතු කර ගැනීමට ශ්‍රී ලංකාවට තිබූ පහසුම අවස්ථාව මඟ […]
  • දසුන් සහ චාමිකට විස්සයි-20 සංචිතයට කැඳවුම්
    බංග්ලාදේශ කණ්ඩායමට එරෙහිව පැවැත්වෙන තරග 3 කින් සමන්විත පන්දුවාර විස්සයි-20 ක්‍රිකට් තරගාවලිය සඳහා නම් කරන ලද ශ්‍රී ලංකා කණ්ඩායමට හිටපු නායකයකු වන තුන් ඉරියව් ක්‍රීඩක දසුන් ශානක සහ චාමික […]
  • දෙවැනි තරගයේ පරාජයේ වගකීම පිතිකරුවන් භාර ගන්නවා – ජනිත් ලියනගේ
    සංචාරක බංග්ලාදේශ ක්‍රිකට් පිලට එරෙහිව කොළඹ ආර්. ප්‍රේමදාස ක්‍රීඩාංගණයේ පැවැති දෙවැනි එක්දින තරගයේදී ශ්‍රී ලංකා පිල ලද පරාජයේ වගකීම සම්පූර්ණයෙන්ම පිතිකරණ අංශය භාර ගන්නා බව ජනිත් ලියනගේ පැවැසීය. […]
  • ශ්‍රී ලංකා ‘ඒ‘ පිල ජයග්‍රාහී මාවතට
    ඔස්ට්‍රේලියාවේ තරග සංචාරයක නිරතව සිටින ශ්‍රී ලංකා ‘ඒ‘ ක්‍රිකට් කණ්ඩායම තරග වැදි දෙවැනි එක්දින තරගයේදී ඔස්ට්‍රේලියානු ‘ඒ‘ කණ්ඩායම පරදවා ලකුණු 51 ක ජයග්‍රහණයක් වාර්තා කරමින් ජයග්‍රාහී මාවතට අවතීර්ණ වීමට […]
  • ලකුණු 16 ක ජයක් සමගින් බංග්ලාදේශය එක්දින තරගාවලිය සම කරයි
    බංග්ලාදේශ කණ්ඩායම ලකුණු 248 කට නවතාලීමට පන්දු යවන්නන්ට හැකියාව ලැබුණද පිතිකරුවන් යැයි නම් දරූ බහුතරයකගෙන් බලාපොරොත්තු වූ සේවය ඉටු නොවීම හේතුවෙන් ශ්‍රී ලංකා කණ්ඩායමට අකමැත්තෙන් වුවද දෙවැනි එක්දින තරගයේදී ලකුණු […]

Pin It on Pinterest

LKR Sri Lankan rupee