සංචාරක ශ්‍රී ලංකා නැගී එන කණ්ඩායමේ බංග්ලාදේශ තරග සංචාරය යටතේ කොක්ස් බසාර්හි පැවැති දෙවැනි නිල නොවන ටෙස්ට් තරගය විසඳුමකින් තොරව අද (06 දා) අවසන් විය. තරගයේ අසන් දිනය වූ අද (06 දා) දිනයේදීද තරගයට වර්ෂාව හරස් වූ බැවින් එකම පන්දුවක්හෝ නොයවා අතහැර දැමීමට විනිසුරුවෝ තීරණය කළහ. ඒ අනුව දෙරට අතර තරග 2 කින් සමන්විත සිව් දින ටෙස්ට් තරගාවලිය ජයග්‍රහණ වාර්තාවීමකින් තොරව හෙවත් 0-0 ක් ලෙසින් අවසන් විය.

මෙම තරගයේ පළමු දිනටද වර්ෂාව හරස් වීම නිසා එකම පන්දුවක් හෝ නොයවා අත හැර දමුණු නමුත් දෙවැනි සහ තෙවැනි දිනයන්හිදී පමණක් තරගය ප්‍රමාද වී ආරම්භ කිරීමට හැකි විය. කෙසේ වෙතත් එම දින 2 ඇතුළතදීම තරගය ක්‍රියාත්මක කිරීමට හැකි වූයේ පන්දුවාර 66 ක් මණි.

තරගයේ තෙවැනි දිනය වූ ඊයේ (05 දා) සවස් යාමයේ තරගය නතර කරන විට සියපළමු ඉනිම ක්‍රීඩා කරමින් සිටි බංග්ලාදේශ නැගී එන පිතිකරුවෝ කඩුලු 3 ක් දැවී ලකුණු 208 ක් රැස් කරගෙන සිටියහ. බංග්ලාදේශ පිල වෙනුවෙන් අෆීෆ් හුසෙන් නොදැවී ලකුණු 100 ක් සහ පළමු තරගයේ ශතකයක් ලද නජ්මුල් හුසේන් නොදැවී ලකුණු 88 ක් ලබා සිටියහ. බංග්ලාදේශ කණ්ඩායමේ දැවී ගිය කඩුලු 3 න් 2 කම හිමිකරුවා බවට පත්වීමට සමත්වූයේ ජෙහාන් ඩැනියෙල් පමණි.

බංග්ලාදේශ පිල පන්දුවාර 66 කදී 208/3 යි – (නජ්මුල් හුසේන් 88*, අෆීෆ් හුසේන් 100*, ජෙහාන් ඩැනියෙල් 28/2)