slc
logo
Home   |    News
ඔක්තෝබර් 4, 2019
කාන්තා 20-20 කණ්ඩායම : ඕස්ට්‍රේලියා සංචාරයෙන් ලත් දෑ බොහෝය

Sri Lanka Cricket

ශ්‍රී ලංකා කාන්තා 20-20 ක්‍රිකට් කණ්ඩායම ඕස්ට්‍රේලියාවේ සිඩ්නි ඕවල් ක්‍රීඩාංගණයේදී පසුගිය දිනවල ප්‍රබල ඕස්ට්‍රේලියා කණ්ඩායම සමග තරග වැදී කළකට පසුව ලත් අත්දැකීම් හා පළපුරුද්ද ඔවුනගේ ඉදිරිගමනට බෙහෝසෙයින් වැදගත්වේ.

ශ්‍රී ලංකාව මෙහිදී තරග වැදුනේ කාන්තා ක්‍රිකට් ලෝකසූරියන් වන ඕස්ට්‍රේලියාව සමගය. ඕස්ට්‍රේලියාවේ වේගවත් වු පන්දුව ඉපෙළෙන තණතිලිවල ලොව වේගවත්ම පන්දු යවන්නියන් සිටින ඕස්ට්‍රේලියා කාන්තා වේග පන්දු බල ඇණියට මුහුණ දීමට ශ්‍රී ලංකා ක්‍රීඩිකාවනට මෙහිදී අවස්ථාව උදාවිණි. ලංකා ක්‍රීඩිකාවනට අත්‍යවශ්‍යව ඇත්තේද මෙවැනි ප්‍රබල ප්‍රවාදී කණ්ඩායම් දෙකතුනක් සමග උරෙන් උර ගැටී තරගවැදී හැකි තරම් පළපුරුද්ද ලබාගැනීමය. තව මාස කිහිපයකින් එළැඹෙන මීළග කාන්තා ලෝක කුසලාන තරගාවලියට හොදින් මුහුණදීමට එවිට ලංකා කණ්ඩායමට අවස්ථාව උදාවේ.

කාන්තා කණ්ඩායම පසුගිය දිනවල ජාත්‍යන්තර තරගාවලියකට සහභාගීවූයේ මාස හයක කාලයකින් පසුව බවද අමතක කළයුතු නොවේ. දක්ෂතා අතරට ඒමට නිතර තරග අතරද සිටිය යුතුවේ. නුහුරු දේශගුණයක වේගවත්ම පන්දුව දෝලනය වන තණතිලිවල ලොව හොඳම පන්දු යවන්නියන් හා පිතිකාරිණියන්ට මුහුණදීමේදී ඊට සරිලන පෙර පුහුණු තරග අත්දැකීම් අවශ්‍යය. මේ අනුව සංචාරය ලත් අත්දැකීම් අනාගත තරගාවලියට සුබදායක වේ.

ශ්‍රී ලංකා පිතිකාරිණියන් අතුරින් නායිකා චමරි අතපත්තු තරග තුනේදී ඉනිමක සමාන්‍ය ලකුණු 53ක් ලබා දස්කම් දැක්වූවාය. මේ ක්‍රීඩාවේ අප ඉදිරියට යාමට නම් තවත් පිතිකාරිණියන් දෙතුන් දෙනෙකු අනිවාර්යෙන්ම ලකුණු අතර සිටිය යුතුවේ. හර්ෂිකා මාධවී, ශෂිකලා සිරිවර්ධන, හංසිමා කරුණාරත්න, නිලක්ෂි ද සිල්වා සහ ඩී.ඒ. කාංචනා ප්‍රබල ඕස්ට්‍රේලියා පන්දු යවන්නියකට හොදින් මුහුණ දුන්නද 20-20 තරගයක වේගයෙන් ප්‍රමාණවත් ලකුණු සංඛ්‍යාවක් ලබාගැනීමට අත්දැකීම් තුළින් ඔවුන් ඉදිරියේ ක්‍රියාකළ යුතුවේ. මොවුන්ගෙන් තිදෙනෙකුවත් චමරි මෙන් ලකුණු අතර සිටීම කණ්ඩායමේ සාර්ථකත්වයට අත්‍යවශ්‍ය කරුණකි.

ශ්‍රී ලංකා කාන්තා කණ්ඩායමේ පන්දු වට පහර දීම නුදුරු අනාගතයේ සකසා ගත හැකිවුවද පන්දු යැවීම පිළිබදව මීට වඩා දැඩි අවධානයක් යොමු කළ යුතුවේ. ඕස්ට්‍රේලියාව ලංකා පන්දු යවන්නියන් සමග ලකුණු 220 ආසන්නයට ළගාවන්නේ ඕවරයකට සමාන්‍ය ලකුණු 11වන පරිදි ලබමිනි. මෙය ඕවරයකට 7-8ක් වන පරිදි සීමා කර ගැනීම අවශ්‍යය.

ශ්‍රී ලංකා පන්දු රැකීමද සෑහීමකට පත්වන තත්ත්වයක පවතී. නවසීලන්ත කාන්තා පිල තව මාස හතරකින් ලංකා පිල සමග තරග වදී. මෙවැනි කණ්ඩායම් සමග හැකිතරම් දුරට හොදින් ක්‍රීඩාකර අත්දැකීම් ලබා ශ්‍රේණිගත කිරීමේ 1-3 අතර ඒමට අප උපරිමයෙන් ක්‍රියා කළ යුතුවේ.

බන්දුල මොල්ලිගොඩ

Active filters

Recent Posts

  • ලකුණු 54 ක ජය සමඟින් කැන්ඩි ෆෝල්කන්ස් පිලේ බලාපොරොත්තු ඉහළ යයි
    අවසන් කණ්ඩායම් 4 අතර තරග වටයට සුදුසුකම් ලබා ගැනීමට නම් ජයග්‍රහණය තීරණාත්මක වුණු ලංකා ප්‍රිමියර් ලීග් ක්‍රිකට් තරගාවලියේ 18 වැනි තරගය ලෙසින් දඹුල්ල සික්සර්ස් පිලට එරෙහි තරගයෙන් ලකුණු […]
  • ශදාබ් සහ ගුර්බාස් කලම්බු ස්ට්‍රයිකර්ස්ට ජය ගෙනෙති
    By Chamila Karawita ලංකා ප්‍රිමියර් ලීග් ක්‍රිකට් තරගාවලියේ 17 වැනි තරගය ලෙසින් අද (14 දා) රාත්‍රියේ පැවැති තරගයෙන් ජැෆ්නා කිංග්ස් කණ්ඩායමට එරෙහිව කඩුලු 9 ක පහසු ජයක් වාර්තා […]
  • පිළිකා මර්ධනයට LPL අත හිත 
    අගහිඟකම්වලට මුහුණ පා සිටින අතරතුර, පිළිකාවන් ද වැළඳී වේදනා විඳිමින් ළතැවෙමින් දුක් සුසුම්ළන මේ සමාජයේ අපේම මව්වරුනට සොහොයුරියනට, දරුවන්ට අත්වැළක් වන්නට වත්මන් ක්‍රිකට් ක්‍රීඩකයනට අවස්ථාවක් උදාවන්නේ නම් එය […]
  • සුපිරි පන්දුවාරයේදී ගෝල් මාවල්ස් ජය ලබයි
    By Chamila Karawita ලංකා ප්‍රිමියර් ලීග් ක්‍රිකට් තරගාවලිය යටතේ අද (14 දා) පස්වරුවේ පැවැති ගෝල් මාවල්ස් සහ දඹුල්ල සික්සර්ස් කණ්ඩායම් අතර තරගය සුපිරි පන්දුවාරය දක්වා දිග හැරුණු අතර […]
  • හතරේ සීමාවේ දුර අඩුද…? වැඩිද…? ජැෆ්නා නායකයාගේ අදහස
    ලංකා ප්‍රිමියර් ලීග් තරගාවලියේදී හතරේ සීමා මඳක් කෙටි කිරීමෙන් ඉදිරි ජාත්‍යන්තර තරග සඳහා කිසිදු අවාසිදායක තත්ත්වයක් ඇති නොවන බවත් උසස් මට්ටමේ තණතිලිවල ක්‍රීඩා කරද්දී පිතිකරුවනට දක්ෂ අයුරින් පහර […]

Pin It on Pinterest

USD United States (US) dollar
logo