slc
logo
Home   |    News
ඔක්තෝබර් 20, 2019
ශ්‍රී ලංකාව 20-20 හත්වන ස්ථානයට ශ්‍රේණිගතවේ

Sri Lanka Cricket

20-20 ජගත් ක්‍රිකට් ශ්‍රේණිගත කිරීමේදී අටවන ස්ථානයේ සිටි ශ්‍රී ලංකා කණ්ඩායම දැන් හත්වන ස්ථානයට පත්ව සිටී. ශ්‍රී ලංකාව මෙලෙස ඉදිරියට පැමිණියේ පාකිස්තානය සමග 20-20 තරගාවලිය 3-0කින් ජයගැනීමෙන් පසුවය. මෙතෙක් හත්වන ස්ථානයේ සිටි ඇෆ්ගනිස්තානය දැන් පසුවන්නේ අටවන ස්ථානයේය.

ජාත්‍යන්තර ක්‍රිකට් සමුළුව විසින් 20-20 කණ්ඩායම් ශ්‍රේණිගත කිරීමේදී මේ වන විට කණ්ඩායම් පසුවන්නේ මෙලෙසය. 1.පාකිස්තානය (ලකුණු 274යි) 2. එංගලන්තය (ලකුණු 266යි) 3.දකුණු අප්‍රිකාව (ලකුණු 262යි) 4.ඉන්දියාව (ලකුණු 261යි) 5.ඕස්ට්‍රේලියාව (ලකුණු 261යි) 6.නවසීලන්තය (ලකුණු 252යි) 7.ශ්‍රී ලංකාව (ලකුණු 241යි) 8.ඇෆ්ගනිස්තානය (ලකුණු 235යි) 9. බටහිර ඉන්දීය කොදෙව් දූපත් (ලකුණු 224යි) 10. බංග්ලාදේශය (ලකුණු 223යි)

මේ අතර 20-20 ලෝක කුසලාන මීළඟ තරගාවලිය 2020 (වසර දෙදහස් විස්ස) ඔක්තෝබර් නොවැම්බර් මාසයන්හි ඕස්ට්‍රේලියාවේදී පැවැත්වීමට නියමිතය. එහි ප්‍රථම කාණ්ඩයට ඕස්ට්‍රේලියාව, නවසීලන්තය, පාකිස්තානය සහ බටහිර ඉන්දීය කොදෙව් දූපත් ද දෙවන කාණ්ඩයට ඇෆ්ගනිස්ථානය, එංගලන්තය, ඉන්දියාව හා දකුණු අප්‍රිකාවත් දැනටමත් නම් කර සිටී. ඊට සුදුසුකම් ලැබීමේ තරගාවලියක්ද පැවැත්වෙන අතර එහි ඒ කොටසට ශ්‍රී ලංකාවත් බී කොටසට බංග්ලාදේශයත් අයත් වෙති.

සුදුසුකම් ලැබීමේ තරගාවලිය 2020 ඔක්තෝම්බර් 18 වැනිදා ආරම්භවනුයේ ශ්‍රී ලංකාව සහභාගිවන තරගයකිනි. 2020 ඔක්තෝබර් 19 වැනිදා බංග්ලාදේශය සුදුසුකම් ලැබීමේ තරගාවලියට ඉදිරිපත්වේ. ශ්‍රී ලංකාව සහ බංග්ලාදේශය සුදුසුකම් ලැබීමේ තරගාවලියෙන් ජයගෙන සෙසු කණ්ඩායම් අට සමග දෙදහස් විස්ස වසරේ 20-20 තරගාවලියේ සෙසු තරගවලට සහභාගිවිය යුතුවේ.

ඔක්තෝබර් 24වැනිදා ඕස්ට්‍රේලියාව – පාකිස්තානය සමගත් ඉන්දියාව – දකුණු අප්‍රිකාව සමගත් තරගවදිති.

අවසාන පූර්ව තරග දෙක පැවැත්වෙනුයේ නොවැම්බර් 11 සහ 12 වන දිනවලය. අවසාන තරගය නොවැම්බර් 15වැනිදා මෙල්බර්න් ක්‍රිකට් ක්‍රීඩාංගණයේ පැවැත්වෙනු ඇත. මෙම තරගාවලියට අයත් සම්පූර්ණ තරග සංඛ්‍යාව 45කි.

බන්දුල මොල්ලිගොඩ

-The opinions expressed here are the views of the writer and do not necessarily reflect the views and opinions of Sri Lanka Cricket-

Active filters

Recent Posts

  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]
  • මැතිව්ස් ජනතාව වෙත කණගාටුව පළ කරයි
    ලෝක කුසලාන විස්සයි 20 ක්‍රිකට් තරගාවලියේ මූලික වටයේදී ශ්‍රී ලංකා කණ්ඩායම ඉවත් වීමට සිදුවීම පිළිබඳව කණ්ඩායම වෙනුවෙන් තමා ශ්‍රී ලංකාවාසීනට කණගාටුව පළ කරන බව හිටපු නායක ඇන්ජලෝ මැතිව්ස් […]
  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]

Pin It on Pinterest

USD United States (US) dollar