slc
logo
Home   |    News
නොවැම්බර් 14, 2019
බංග්ලාදේශ යොවුන් පිල 2-0 ක් ලෙස තරගාවලියේ ඉදිරියට එති

Sri Lanka Cricket

සංචාරක ශ්‍රී ලංකා වයස අවුරුදු 19 න් පහළ කණ්ඩායම සහ බංග්ලාදේශ යොවුන් කණ්ඩායම අතර පැවැති නිල නොවන තෙවැනි එක්දින තරගයෙන් ලකුණු 161 ක ජයක් අත්කර ගැනීමට බංග්ලාදේශ වයස අවුරුදු 19 න් පහළ කණ්ඩායම සමත්විය. ඒ අනුව දෙරට අතර ක්‍රියාත්මක තරග 5 කින් සමන්විත එක්දින තරගාවලිය 2-0 ක් ලෙස තවදුරටත් පෙරමුණ ගැනීමටද සත්කාරක බංග්ලාදේශ කණ්ඩායමට හැකියාව ලැබිණ.

 ශ්‍රී ලංකා යොවුන් පිලේ නායක නිපුන් ධනංජයගේ ආරාධනයෙන් ප්‍රථමයෙන් පන්දුවට පහර දුන් බංග්ලාදේශ යොවුන් පිල පන්දුවාර 50 අවසානයේදී කඩුලු 7 ක් දැවී ලකුණු 341 ක දැවැන්ත ඉලක්කයක් ශ්‍රී ලංකා කඳවුර හමුවේ ලබා දුන්නද එය හඹා යෑමේදී ශ්‍රී ලංකා යොවුන් පිලට පන්දුවාර 31.2 කදී සියලුදෙනා දැවී රැස් කරගත හැකි වූයේ ලකුණු 179 ක් පමණි.

එම හඹා යෑමේදී වේගවත් ආරම්භයක් ලබා ගත් නවෝද් පරණවිතාන සහ මොහොමඩ් ශමාස් පන්දු 35 කදී ලකුණු 64 ක් ලබා සාර්ථක ආරම්භයක් ලබා දුන්නද මැද පෙළ සහ පසුපෙළ පිතිකරුවන්ගේ දුර්වල පිතිහරඹය හේතුවෙන් මෙම තරගයේදී හිස එසවීමට ශ්‍රී ලංකා කණ්ඩායමට නොහැකි විය.

පන්දුවට පහර දීමේදී කැපී පෙනුණු පරණවිතාන හතරේ පහර 9 ක් සමඟින් පන්දු 32 කදී ලකුණු 50 ක් රැස් කළ අතර ශමාස් හයේ පහර 2 ක් සහ හතරේ පහර 3 ක් සමඟ පන්දු 16 කදී ලකුණු 29 ක් රැස් කළේය. ශ්‍රී ලංකා ඉනිමේ මැද පෙළින් සාර්ථක වූ අනෙක් එකම පිතිකරුවා වූයේ අවිෂ්ක පෙරේරා වන අතර හේ පන්දු 32 කදී ලකුණු 20 ක් ලබා ගත්තේය. ඔහුගේ ඉනිම හයේ පහරකින් සහ හතරේ පහර 2 කින් වර්ණවත් විය.

ශ්‍රී ලංකා ඉනිම අඩු ලකුණු සංඛ්‍යාවකට බිඳ දැමීමේ පෙර ගමන්කරුවන් වූ තන්සිම් හසන් සහ ශොරිෆුල් ඉස්ලාම් කඩුලු 2 බැගින් බිඳ දමද්දී, ශමීම් හුසේන්, අවිෂේක් දාස්, රකිබුල් හසන් සහ ශහදාත් හොසේන් කඩුල්ල බැගින් දවා ලමින් ශ්‍රී ලංකා ඉනිම අඩ පණ කළ දැමූහ.

බංග්ලාදේශ ඉනිම වෙනුවෙනු සුවිශේෂී පිතිහරඹයක් දියත් කල තව්හිඩ් රිඩෝයි නොදැවී ලකුණු 123 ක් ලබා දැවැන්ත ලකුණු සංඛ්‍යාවක් සඳහා වූ මං පෙත් විවර කර දුන්නේය. හයේ පහර 6 කින් සහ හතරේ පහර 8 කින් සමන්විත වුණු රිඩෝයිගේ මෙම සුවිශේෂී ඉනිම සඳහා පන්දු 98 කට පමණක් මුහුණ දුන්නේය.

රිඩෝයි ට අනගි සහායක් ලබා දුන් ටැන්සිඩ් හසන් (60), හසන් ජෝයි(52) සහ අක්බර් අලී (52) අර්ධ ශතක ලබා ගනිමින් බංග්ලාදේශ ලකුණු පුවරුව ඉහළ දැමීමට වැඩි දායකත්වයක් දැක්වූහ.

Active filters

Recent Posts

  • විස්සයි-20 තරගාවලියේ ජය බංග්ලාදේශයට
    පන්දුවාර විස්සයි-20 ජාත්‍යන්තර තරග දිවියේ හොඳම දක්ෂතාව දැක්වීමට මෙහෙදි හසන් (11/4)සහ ටැන්සිඩ් හසන් (නොදැවී 73) සමත්වීම නිසා ශ්‍රී ලංකා කණ්ඩායමට එරෙහිව කොළඹ ආර්. ප්‍රේමදාස ක්‍රීඩාංගණයේදී අද (16 දා) පැවැත්වුණු […]
  • දෙපිළේම වෙනස්කම් දෙකක් – ශ්‍රී ලංකාව පන්දුවට පහර දෙයි
    කොළඹ ආර්. ප්‍රේමදාස ක්‍රීඩාංගණයේදී අද (16 දා) පැවැත්වෙන තෙවැනි පන්දුවාර විස්සයි-20 තරගයේදී කාසියේ වාසිය දිනූ ශ්‍රී ලංකා නායක චරිත් අසලංක පළමුව පන්දුවට පහර දීමට තීරණය කළේය. මෙම තරගය සඳහා […]
  • ශ්‍රී ලංකා ‘ඒ‘ – ඔස්ට්‍රේලියා ‘ඒ‘ සිව්දින තරගය ජය පරාජයෙන් තොරයි
    සංචාරක ශ්‍රී ලංකා ‘ඒ‘ ක්‍රිකට් පිල හා ඔස්ට්‍රේලියා ‘ඒ‘ ක්‍රිකට් පිල අතර, ඔස්ට්‍රේලියාවේ ඩාර්වින් හි මරාරා ඕවල් ක්‍රීඩාංගණයේ අද (16) නිමාවූ පළමු නිල නොවන ටෙස්ට් ක්‍රිකට් තරගය ජය […]
  • ඔස්ට්‍රේලියා ‘ඒ‘ පිල ලකුණු 165ක්  ඉදිරියෙන්
    සංචාරක ශ්‍රී ලංකා ‘ඒ‘ ක්‍රිකට් කණ්ඩායම හා ඔස්ට්‍රේලියා ‘ඒ‘ ක්‍රිකට් පිල අතර, ඔස්ට්‍රේලියාවේ ඩාර්වින් හි මරාරා ඕවල් ක්‍රීඩාංගණයේ පැවැත්වෙන පළමු නිල නොවන ටෙස්ට් ක්‍රිකට් තරගයේ ‍තෙවැනි දිනය නිමාවෙද්දී […]
  • තීරණාත්මක ගැටුමේදී පීඩනය දෙපිළ මතටම
    කොළඹ ආර්. ප්‍රේමදාස ක්‍රීඩාංගණයේ හෙට (16 දා) පැවැත්වෙන තෙවැනි සහ අවසන් විස්සයි-20 ජාත්‍යන්තර තරගය ශ්‍රී ලංකාවට මෙන්ම බංග්ලාදේශයට අතිශය තීරණාත්මක තරගයකි. දෙපිළම තරගය බැගින් ජය ගෙන සිටින හෙයින් හෙට […]

Pin It on Pinterest

LKR Sri Lankan rupee