slc
logo
Home   |    News
නොවැම්බර් 27, 2019
සුපිරි පළාත් තරගාවලිය කරුණු කිහිපයක් මත ඉතා වැදගත් – දඹුල්ල නායිකාව චමරි අතපත්තු කියයි

Sri Lanka Cricket

    සුපිරි අන්තර් පළාත් කාන්තා ක්‍රිකට් තරගාවලිය කරුණු දෙකක් මත ජාතික සංචිතයේ ක්‍රීඩිකාවනට ඉතාමත් වැදගත් වෙනවා.මේ තරගාවලියේ දි විශිෂ්ට දස්කම්පාන ක්‍රීඩිකාවනට අනිවාර්යෙන්ම ලබන පෙබරවාරියේ ලෝක කුසලානයට යාමට අවස්ථාවය උදාවෙනවා.අනෙක ලබන මස නේපාලයේ සාග් තරගාවලියට සහභාගිවන නැගී එන කණ්ඩායමේ උපරිම දක්ෂතා පෙන්වන ක්‍රීඩිකාවන්ටත් ලෝක කුසලාන දොරටුව විවෘතවනවා. මේ තරගාවලියන් දෙකේදී දස්කම් පෙන්වන ක්‍රීඩිකාවනට අනිවාර්යෙන්ම ලෝක කුසලාන තරගාවලියට අවස්ථාව ලැබෙන හෙයින් මෙයින් උපරිම ප්‍රයෝජන ගන්නා ලෙස දඹුල්ල පළාත් කණ්ඩායමේ නායිකාව චමරි අතපත්තු ප්‍රකාශ කරයි. චමරි ශ්‍රී ලංකා 20-20 කණ්ඩායමේ ඕස්ට්‍රේලියා සංචාරයේදි ද ශ්‍රී ලංකා නායිකාව වූ අතර ඇය එහිදි 20-20 ශතකයක් හා එක්දින ශතකයක් ද ලැබුවාය.

    දස්කම් පෙන්වුවොත් ජාතික කණ්ඩායමේ ස්ථානයක් හිමිවන හෙයින් කිසිවෙකුට තමාව ස්ථානයක් ලැබුණේ නැතැයි කීමට නොහැකි බවද චමරි කියයි. ශ්‍රී ලංකාවේ කාන්තා ක්‍රිකට් නැංවීමට නම් තවත් ප්‍රධාන කරුණු දෙකක් ඉටුවිය යුතුව ඇතැයි ද චමිරි අතපත්තු පෙන්වාදෙයි. එහි පළමුවැන්නා අප කොපමණ පුහුණු වුවත් ලැබෙන ප්‍රතිඵලය අඩුවීමට පුළුවනි. කළයුත්තේ හැකිතරම් තරගවලට සහභාගිවීමයි.ඒ සදහා තරගාවලි සංචිධානය වියයුතුයි. දෙවැන්න නම් වත්මන් පාසල් ක්‍රීඩකයනට අද අවුරුදු 13න් පහළ 15න් පහළ 17න් පහළ හා  19න් පහළ තරගාවලි පවත්වා ඉන්පසුවත් ජාතික මට්ටමේ 19න් පහළ නැගී එන සංවර්ධන තරගාවලිය සංවිධානයවනවා. බාලිකාවනට මෙවැනි තත්ත්වයක් නෑ. එම නිසා පාසල් මට්ටමේ වයස්සීමා තරගවලි සංවිධානය කිරීමට ඔවුන් උනන්දු කිරීමේ වැඩපිළිවෙලක් අවශ්‍යයි.බාලිකා පාසල් අතර ක්‍රිකට් ජනප්‍රියවී වයස් සීමා තරගාවලි සංවිධානය කිරීමට ඔවුන් උනන්දු කිරීමේ වැඩපිළිවෙලක් අවශ්‍යයි. බාලිකා පාසල් අතර ක්‍රිකට් ජනප්‍රියවී වයස් සීමා තරගාවලි වැඩි සංඛ්‍යාවක් පැවත්වුවහොත් පාසල් නික්මයන දක්ෂ ක්‍රීඩිකාවනට නැගීඑන සංවර්ධන සහ ජාතික සංචිතවලට ඇතුලු විය හැකියි. එවැනි සැළැස්මක් අවශ්‍යයි.

    ශ්‍රී ලංකා ක්‍රිකට් ආයතනය මේ දිනවල දක්ෂ ක්‍රීඩිකාවන් සෙවීමේ වැඩපිළිවෙලක් ක්‍රියාත්මක කරනවා. ලබන වසරේ තරගාවලි කිහිපයක් සංවිධානය කිරීමටත් අපේක්ෂා කරනවා. සියලු පහසුකම් ද සපයනවා. එය ඉතා හොද පියවරක් තරගාවලියන්ට වැඩිපුර සහභාගිවී ක්‍රීඩාකළ තරමටම තමයි අත්දැකීම් ලැබෙන්නේ එවිට කාන්තා ක්‍රිකට් මට්ටමත් දියුණුවනවා.

    මගේ අත්දැකීම් හා දැනුම අනුව මට පෙනීයන කරුණක්වන්නේ හර්ෂිතා මාධවී,කවීෂා දිල්හාරි, සත්‍ය සන්දීපනී සහ උමේෂා තිමේෂණි යන ක්‍රීඩිකාවනට ඉක්මනින්ම ජාත්‍යන්තරය ජයගත හැකියි. තවත් පිරිසක් ඒ අතරට පැමිණීම අවශ්‍යයි. එවිට කාන්තා ක්‍රිකට් ඉබේම දියුණුවනවා පමණක් නොව ජනප්‍රිය ද වන්නේ යැයිය චමරි අතපත්තු ප්‍රකාශ කළාය.

දඹුල්ල කණ්ඩායමේ ප්‍රධාන පුහුණුකරු උෂාන්ත ගුණරත්න මෙසේ කියයි.

    ශ්‍රී ලංකා ජාති කාන්තා 20-20 නායිකාව චමරි අතපත්තු සහ ඕවර 50 එක්දින නායිකාව ශෂිකලා සිරිවර්ධන යන ක්‍රීඩිකාවන් දෙදෙනාම ක්‍රීඩා කරන්නේ අපේ කණ්ඩායමටයි. ජාතික කණ්ඩායමේ කඩුලු රකින්නිය ප්‍රසාදිනී වීරක්කොඩි, හංසිමා කරුණාරත්න සහ සුගන්ධිකා කුමාරි අපගේ කණ්ඩායම නියොජනය කරනවා.

    අවුරුදු 19න් පහළ ජාතික කණ්ඩායමට අයත් බෝපිටිය මධ්‍ය මහා විදුහලේ දෙව්මි විහංගාත් නුගේගොඩ අනුලා විදුහලේ කවුෂි නූත්යාංගනාත් අපගේ කණ්ඩායමට අයත්වේ. නැගී එන කණ්ඩායමේ ශෂිකලා සිල්වා, ඉරේෂා ශ්‍යාමලී, නිලූකා කුෂාන්ති සහ ඉරේෂා දමයන්තිගේ සේවයත් අපට ලැබෙනවා. මේ අනුව අපට දක්ෂම කණ්ඩායමක් සිටිනවා අපගේ අපේක්ෂාව තරගාවලිය ජයගැනීමයි.

    මේ තරගාවලිය සංවිධානය කිරීමෙන් වාසි හතරක් අත්වනවා.නවකයනට ජ්‍යෙෂ්ටයන් සමග ක්‍රීඩාකර අත්දැකීම් හා දැනුම ලබා ගැනීමට අවස්ථාව උදාවීම, අන්තර් සමජාවලට ක්‍රීඩා කරන ක්‍රීඩිකාවන් සමග ක්‍රීඩාකර තරගකාරිත්වයට හොදින් මුහුනදීමට අවස්ථාව ලබාගැනීම, මෙවැනි තරගාවලියන්ට වැඩිපුර සහභාගීවී ජාතික මට්ටමට යාමට අවස්ථාව ළගාකර ගැනීම සහ 19න් පහළ ක්‍රීඩිකාවන් දෙදෙනෙකු අනිවාර්යෙන්ම කණ්ඩායමකට ඇතුළත්වීම වැනි කරුණු ඉතා වැදගත් වන්නේ යැයිද උෂාන්ත ගුණරත්න කීය.

බන්දුල මොල්ලිගොඩ

Active filters

Recent Posts

  • ශ්‍රී ලංකා පන්දු යවන්නෝ තරග කණපිටි පෙරළති
    ලන්ඩන් නුවර ඕවල් ක්‍රීඩාංගණයේ පැවැත්වෙන තෙවැනි සහ අවසන් ටෙස්ට් ක්‍රිකට් තරගයේ තුන්වැනි දිනය වූ අද (08 වැනිදා) එංගලන්ත දෙවැනි ඉනිම ලකුණු 156 කට සීමා කිරීමට ශ්‍රී ලංකා පන්දු යවන්නෝ සමත්වූහ. […]
  • වැස්ස නිසා කාන්තා ඒ තරගය අතහැර දමයි
    ශ්‍රී ලංකාවේ තරග සංචාරයකට සහභාගිව සිටින බංග්ලාදේශ කාන්තා ඒ කණ්ඩායම සහ ශ්‍රී ලංකා කාන්තා ඒ කණ්ඩායම අතර අද (08 දා) පනාගොඩ යුද හමුදා ක්‍රීඩාංගණයේ පැවැත්වීමට නියමිතව තිබූ පළමු නිල නොවන එක්දින […]
  • කමිඳු – ධනංජය යළි බලාපොරොත්තු නංවයි
    ලකුණු 93 ක් ඇතුළත කඩුලු 5 ක් බිද වැටුණද ශ්‍රී ලංකා ඉනිමේ බලාපොරොත්තු ගොඩනැංවූ කමිදු මෙන්ඩිස් සහ නායක ධනංජය ද සිල්වා 6 වැනි කඩුල්ල වෙනුවෙන් ලකුණු 118 ක […]
  • එංගලන්ත නායකයාගෙන් වේගවත් ශතකයක්
    ශ්‍රී ලංකාවට එරෙහිව 3-0 ක තරගාවලි ජයකට මාන බලා සිටින එංගලන්ත ක්‍රිකට් කණ්ඩායම ලන්ඩන් ඕවල් පිටියේදී අද ආරම්භ වුණු තෙවැනි ටෙස්ට් තරගයේදී මන්දාලෝකය හේතුවෙන් තරගය නිමා කරන විට […]
  • එංගලන්තයේ ජයග්‍රාහී රිද්මය ශ්‍රී ලංකාවට නවතාලිය හැකි වේද…?
    එංගලන්තයේ තරග සංචාරයක නිරතව සිටින ශ්‍රී ලංකා ක්‍රිකට් කණ්ඩායම සහභාගිවන තෙවැනි සහ අවසන් ටෙස්ට් තරගය හෙට (සිකුරාදා) ලන්ඩන් නුවර ඕවල් ක්‍රිකට් ක්‍රීඩාංගණයේදී ආරම්භ වනු ඇත. මෙතෙක් පැවැති තරග […]

Pin It on Pinterest

LKR Sri Lankan rupee