slc
logo
Home   |    News
දෙසැම්බර් 9, 2019
23න් පහළ කාන්තා ක්‍රිකට් රිදී පදක්කම ශ්‍රී ලංකාවට

Sri Lanka Cricket

නේපාලයේ පැවැත්වෙන සාග් ක්‍රීඩා උළලේ කාන්තා ක්‍රිකට් අවුරුදු 23න් පහළ තරගාවලියේ අවසාන මහා තරගයේදී ශ්‍රී ලංකාව හා බංග්ලාදේශය අතර තියුණු තරගයකින් පසුව බංග්ලාදේශය ලකුණු දෙකකින් ජයගෙන රන්පදක්කම දිනාගත් අතර අනුසූරියන්වූ ශ්‍රී ලංකාවට රිදී පදක්කම හිමිවිය.

බංග්ලාදේශ්‍ය ඕවර 20 අවසානයේ කඩුලු අටකට ලබාගත් ලකුණු 91ට පිළිතුරු ලෙස ශ්‍රී ලංකාව ඕවර 20 අවසානයේ කඩුලු 9කට ලබාගත්තේ ලකුණු 89කි. ශ්‍රී ලංකා නායිකාව හර්ෂිතා මාධවී ලකුණු 32ක් ලබා මේ තරගයේ වැඩිම ලකුණු ලැබූ ක්‍රීඩිකාව වූවාය.

මුලින් පන්දුවට පහරදුන් බංග්ලාදේශය ඕවර 11.1ක් වන විට ලකුණු 42කට කඩුලු හයක්ම බිද වැටුණත් අගපෙළ පිතිකාරිණියන් කෙසේ හෝ ලකුණු තත්ත්වය 91 දක්වා ගෙන ගියහ. ප්‍රබල පන්දු යැවිමක නිරතවූ උමේෂා තිමේෂණී තම පන්දු ඕවර හතරේදී ඕවර දෙකකට ලකුණු නොදී ලකුණු අටකට කඩුලු හතරක් බිද දැමුවාය.

බංග්ලාදේශය වෙනුවෙන් නිගාර් සුල්තානා ලකුණු 29ක්ද සජිඩා ඉස්ලාම් ලකුණු 15ක්ද රැස්කළහ.

ශ්‍රී ලංකා ක්‍රීඩිකාවන් පහසු ඉලක්කයක් කරා පැමිණියත් ඕවර 5.5ක් වන විට ලකුණු 14කට කඩුලු තුනක් දැවී තිබිණි. එහෙත් හර්ෂිතා මාධවී, ළිහිණි අප්සරා සහ එන්.සදමිනිගෙ උත්සහය මත 17වන ඕවරය වන විට කඩුලු හයකට ලකුණු 76ක් ලබා ජයග්‍රහණයට ඕවර තුනකදි ලකුණු 16ක් පමණක් අවශ්‍යව සිටියේය. එහෙත් ඔවුනට ජයග්‍රහණ ඉලක්කය කරායාමට නොහැකිවිය.

හර්ෂිතා මාධවී ලකුනු 32ක්ද (පන්දු 33යි හතරේ හතරයි) ලිහිණි අප්සරා ලකුණු 25ක්ද (පන්දු 28යි හතරේ 2යි) එන්.සදමිනි ලකුණු 10ක්ද එක්කළහ. නහිඩා අක්ටර් ලකුණු 9කට කඩුලු 2ක් දවාලූවාය.

අංජාලි චාන් තරගාවලියේ දක්ෂම ක්‍රීඩිකාව ලෙසත් නහිඩා අක්ටර් (බංග්ලාදේශය) අවසාන තරගයේ දක්ෂම ක්‍රීඩිකාව ලෙසත් තේරිණි.

බන්දුල මොල්ලිගොඩ

-The opinions expressed here are the views of the writer and do not necessarily reflect the views and opinions of Sri Lanka Cricket-

Active filters

Recent Posts

  • වැස්සෙන් සිදුවන බාධා මැද තරග තුනක් ඇරැඹෙයි
    ශ්‍රී ලංකා ක්‍රිකට් ආයතනයේ සංවිධානයෙන් පැවැත්වෙන අන්තර් සමාජ ප්‍රධානතම තුන් දින ලීග් ක්‍රිකට් තරගාවලියේ මේ සති අන්තයේ පැවැත්වෙන තරග අතුරින් තරග තුනක් හැර අනෙක් තරග සියල්ලම වර්ෂාව හේතුවෙන් ආරම්භ […]
  • ආසියානු ක්‍රීඩා තරගාවලියට ශ්‍රී ලංකා පිල පිටත්ව යයි
    19 වැනි වතාවට චීනයේ පැවැත්වෙන ආසියානු ක්‍රීඩා තරගාවලියේ පිරිමි ක්‍රිකට් තරග ඉස්සවට සහභාගිවන ශ්‍රී ලංකා කණ්ඩායම සැප්තැම්බර් මස 30 වැනිදා චීනය බලා පිටත්ව ගියේය. ශ්‍රී ලංකා ක්‍රිකට් ආයතන […]
  • රිදී පදක්කම් දිනූ කාන්තාවෝ මව්බිමට එති
    චීනයේ හංජෝ නුවර පැවැති ආසියානු ක්‍රීඩා තරගාවලියේ කාන්තා ක්‍රිකට් තරග ඉසව්වේ රිදී පදක්කම දිනාගැනීමට හැකිවීම පිළිබඳව තමන් ඇතුළු කණ්ඩායම දැඩි සතුටට පත්ව සිටින බව ශ්‍රී ලංකා කාන්තා කණ්ඩායමේ […]
  • වැස්සට සේදුණු දිනයේදී තිලකරත්න සම්පත්ගෙන් අර්ධ ශතකයක්
    ශ්‍රී ලංකා ක්‍රිකට් ආයතනයේ සංවිධානයෙන් පැවැත්වෙන අන්තර් සමාජ ප්‍රධානතම තුන් දින ලීග් ක්‍රිකට් තරගාවලියේ මේ සතියේදී පැවැත්වීමට නියමිතව තිබූ තරග අටෙන් නුගේගොඩ ක්‍රීඩා, සුබ සාධක සමාජය හා කෝල්ට් අතර […]
  • පළමු පුහුණු තරගයේදී බංග්ලාදේශයට කඩුලු 7ක ජයක්
    තවත් දින කිහිපයකින් ආරම්භ වන ලෝක කුසලාන ක්‍රිකට් තරගාවලියේ පෙරහුරු තරගමාලාව ආරම්භ කරමින් ශ්‍රී ලංකාව හා බංග්ලාදේශය අතර පැවැති එක්දින පුහුණු තරගයේදී බංග්ලාදේශ පිල කඩුලු 7ක ජයක් වාර්තා […]
LKR Sri Lankan rupee

Pin It on Pinterest