slc
Home   |    News
ජනවාරි 31, 2020
ශ්‍රී ලංකාවට අභියෝගාත්මක ඉලක්කයක්

Sri Lanka Cricket

By Chamila Karawita

හරාරේහි පැවැත්වෙන දෙවැනි ටෙස්ට් තරගයේ සිව්වැනි දිනය වූ ඊයේ (30 දා) දිනයේ සවස් යාමය වන විට ඇද හැළුණු වර්ෂාව හේතුවෙන් නියමිත වේලාවට වඩා තරගය නිමා කරන විට සිය දෙවැනි ඉනිම ක්‍රීඩා කරමින් සිටින සත්කාරක සිම්බාබ්වේ කණ්ඩායම කඩුලු 7 ක් දැවී ලකුණු 241 ක් ලබා ශ්‍රී ලංකාවට වඩා ලකුණු 354 කින් පෙරමුණ ගැනීමට සමත්විය.

අයහපත් කාලගුණය හේතුවෙන් තරගය නිමා කරන විට පන්දුවට පහර දෙමින් සිටි නායක ෂෝන් විලියම්ස් ලකුණු 47 ක් සහ ඩොනල්ඩ් ටිරිපානෝ ලකුණුක් ලබා සිය කඩුලු ආරක්ෂා කරගෙන සිටියහ.

ලකුණු 113 ක පළමු ඉනිමේ වාසියක් සමඟින් දෙවැනි ඉනිම ඇරඹූ සත්කාරක සිම්බාබ්වේ පිල වෙනුවෙන් කැපී පෙනෙන පිතිහරඹයක නිරත වූ බ්‍රෙන්ඩන් ටේලර් මෙම තරගයේ දෙවැනි වතාවටත් අර්ධ ශතකයක් වාර්තා කරමින් සිම්බාබ්වේ ඉනිමේ ලකුණු සංඛ්‍යාව ඉහළ දැමීය.

දිනයේ පළමු කඩුල්ල ලෙසින් රෙගිස් චකබ්වා ලකුණු 15 කට ඇඹුල්දෙණියගේ පන්දුවක් හමුවේ දැවී යන විටත් දෙවැනි කඩුල්ල වෙනුවෙන් ලකුණු 32 ක් එක් කිරීමට ටේලර් සමත් වූවේය. පන්දු 75 කින් සමන්විත වූ ටේලර්ගේ ඉනිම ක්‍රියාත්මක වද්දී තුවාල ලැබූ කෙවින් කසූසා වෙනුවෙන් පන්දුවට පහර දීමට පැමිණි ටිම්සින් මරුමාට ලකුණු රැස් කර ගැනීමේ අවස්ථාව අහිමි කළ ඇඹුල්දෙණිය ලකුණු 124 ක් වන විට සිම්බාබ්වේ ඉනිමේ සිව්වැනි කඩුල්ල දවා ගැනීමට සමත්වූවේය.

දික්වැල්ලගේ සුපිරි ස්ටම්ප් කිරීම හමුවේ මරුමා ලකුණු නොලබා දැවී යද්දී සිය වගකීම එලෙසින්ම ඉටු කළ බ්‍රෙන්ඩන් ටේලර් තම අන්තය ආරක්ෂා කරමින් ලකුණු 67 ක් රැස් කරන ලද්දේ සිය ටෙස්ට් තරග දිවියේ ලකුණු 2000 සීමාවද පසුකර යමිනි.

පන්දු යැවීමේදී ලසිත් ඇඹුල්දණිය ලකුණු 81 කට කඩුලු 2 ක් දවා ගනිද්දී විශ්ව ප්‍රනාන්දු ලකුණු 43 කට කඩුලු 2 ක් දවා ගත්තේ ඉනිමේ මෙතෙක් හොඳම පන්දු යැවීම සටහන් කර ගනිමිනි. ඒ අනුව තරගයේ පස්වැනි සහ අවසන් දිනය වූ හෙට දිනයේදී ශ්‍රී ලංක පිලට මියැම්වා රැකෙම්වා සටනක නිරත වීමට සිදුවනු ඇත.

Active filters

Recent Posts

  • දිමුත් කරුණාරත්න යළිත් එක්දින පිලට
    ඇෆ්ගනිස්තානු පිලට එරෙහිව පැවැත්වෙන තරග 3 කින් සමන්විත එක්දින තරගාවලියේ පළමු තරග 2 සඳහා වන ශ්‍රී ලංකා කණ්ඩායමට දිමුත් කරුණනාරත්නව එක් කිරීමට තේරීම් කමිටුව පියවර ගෙන තිබේ. ක්‍රීඩකයින් […]
  • ලෝක ටෙස්ට් ශූරතාවලියෙන් ශ්‍රී ලංකා පිලට කෝටි 6ක තෑග්ගක්
    ජාත්‍යන්තර ක්‍රිකට් කවුන්සිලය මෙහයවූ ලෝක ටෙස්ට් ශූරතාවලියේ පස්වැනි ස්ථානයට පත් වූ දිමුත් කරුණාරත්න ප්‍රමුඛ ශ්‍රී ලංකා ටෙස්ට් කණ්ඩායමට ත්‍යාග මුදල ලෙස ඇමෙරිකානු ඩොලර් 200,000 ක් පිරිනැමීමට ජාත්‍යන්තර ක්‍රිකට් […]
  • පළමු කඩුලු 5 චමෝද්ගෙන්
    එන්.සී.සී. ආරම්භක පිතිකරු නිරෝෂන් දික්වැල්ල යුද හමුදාව සමඟ අද (29) පැවැති අන්තර් සමාජ විස්සයි 20 තරගයේදී පන්දු 11කදී හයේ පහර තුනක් හතරේ පහර තුනක් සමඟ ලකුණු 34ක් රැස් […]
  • කුරුණෑගල පරදවන්න එස්. එස්. සී. ලොකු සටනක් දෙයි
    අඩු ලකුණු සංඛ්‍යාවන්ට සීමා වූ එස්.එස්.සී. කුරුණෑගල යූත් තරගයෙන් එස්.එස්.සී. ලකුණු නවයක තියුණු ජයක් අත්කර ගත්තත් කුරුණෑගල යූත් කණ්ඩායම ජයග්‍රහණය උදෙසා ප්‍රබල සටනක නියැළීමට සමත් විය. මේ තරගයේදී […]
  • මහනුවර 2, පුත්තලම සහ කුරුණෑගල විශිෂ්ඨ ජයග්‍රහණ වාර්තා කරති
    වයස අවුරුදු 19 න් පහළ අන්තර් දිස්ත්‍රික් ක්‍රිකට් තරගාවලියේ අද (28 වැනිදා)පැවැති තරග වලදී පුත්තලම සහ මහනුවර කලාප 2 කණ්ඩායම් කුණු 200 කට වැඩි පරතරයකින් යුක්තව ජයග්‍රහණය කිරීමට […]
USD United States (US) dollar

Pin It on Pinterest