slc
logo
Home   |    News
ජනවාරි 13, 2020
ෂෙහාන් ජයසූරිය සහ අසිත ප්‍රනාන්දු අංක 1 ට එයි

Sri Lanka Cricket

By Chamila Karawita

ශ්‍රී ලංකා ක්‍රිකට් ආයතනය විසින් සංවිධානය කරනු ලබන අන්තර් සමාජ විස්සයි-20 ආරාධිත ක්‍රිකට් තරගාවලියේ ‘බී’ සහ ‘සී’ කාණ්ඩ යටතේ අවසන් කණ්ඩායම් 8 අතර තරග වටය හෙවත් අර්ධ අවසන් පූර්ව තරග වටයට සුදුසුකම් ලබා ගැනීමට හලාවත මේරියන්ස්, යුදහමුදාව, එන්. සී. සී. සහ එස්.එස්.සී. කණ්ඩායම් සමත්වී සිටිති.

කාණ්ඩ 4 ක් යටතේ ක්‍රියාත්මක වන මෙම විස්සයි-20 තරගාවලියේ ‘ඒ’ සහ ‘ඩී’ කාණ්ඩ වල මූලික තරග වටය යටතේ තවත් තරග 12 ක් පැවැත්වීමට නියමිත බැවින් එම තරග අවසානයෙන් පසු ඉතිරි කණ්ඩායමට 4 කවුරුන්ද යන්න තීරණය වනු ඇත. එම තරග මෙම මස 14 සහ 15 යන දෙදිනදී පැවැත්වෙනු ඇත. මෙවර තරගාවලියට කණ්ඩායම් 26 ක් තරග වදිනු ලබන බැවින් කාණ්ඩ ගත කිරීමේදී ‘බී’ සහ ‘සී’ කාණ්ඩ වලට කණ්ඩායම් 6 බැගින්ද ‘ඒ’ සහ ‘ඩී’ කාණ්ඩ යටතේ කණ්ඩායම් 7  බැගින් ද නම් කර තිබීම මෙම තත්ත්වයට හේතු වී තිබේ.

ප්‍රසාද ලකුණු සටහනට අනුව අවසන් කණ්ඩායම් 8 අතරට පැමිණීම සඳහා ඒ කාණ්ඩයෙන් මුවර්ස් සහ කෝල්ට්ස් ක්‍රීඩා සමාජ ඉදිරියෙන් සිටින නමුත් බදුරලිය ක්‍රීඩා සමාජයට තවත් තරග 2 ක් ඉතිරිව තිබෙන බැවින් එම කාණ්ඩයේ අර්ධ අවසන් පූර්ව තරග අවස්ථාව උදාකර ගැනීම තුන්කොන් සටනක් බවට නිර්මාණය වී තිබේ.

‘ඩී’ කාණ්ඩය යටතේ තරග වදින කොළඹ ක්‍රීඩා සමාජය සහභාගිවී සිටින තරග 5 න් 5 ම ජයග්‍රහණය කරමින් අවසන් කණ්ඩායම් 8 අතරට තේරීමට වැඩි අවස්ථාවක් නිර්මාණය කරගෙන තිබේ. මේ අතර දෙවැනි ස්ථානයේ පසුවන රාගම ක්‍රීඩා සමාජය ද තරග වැදි තරග 4 න් 4 ම ජය ලබා සිටිති. කෙසේ වෙතත් තෙවැනි ස්ථානයේ පසුවන ලංකන් ක්‍රීඩා සමාජය තරග වැදි තරග 5 න් 2 ක්ම පරාජයට පත්ව තිබෙන බැවින් ඔවුන්ට අවසන් පූර්ව තරග වටයට සුදුසුකම් ලබා ගැනීමට ඇත්තේ විරළම අවස්ථාවකි.

අර්ධ අවසන් වටයේ තරග ලබන 17 වැනිදා කොළඹ පී. සරා ඕවල් පිටියේ සහ කටුනායක මේරියන්ස් ක්‍රීඩා පිටියේ පැවැත්වෙන අතර අර්ධ අවසන් තරග 19 වැනිදා කටුනායක මේරියන්ස් පිටියේදී පැවැත්වෙනු ඇත. අවසන් මහ තරගය ලබන 21 වැනිදා කොළඹ එස්. එස්. සී. පිටියේදී පැවැත්වෙනු ඇත.

පිතිකරුවන්ගේ දක්ෂතා

මෙතෙක් පැවැති තරග අතරින් වැඩිම ලකුණු ලාභියා බවට පත්වීමට හලාවත මේරියන්ස් ක්‍රීඩා සමාජයේ ෂෙහාන් ජයසූරිය සමත්ව සිටියි. ඔහු තරග 5 කදී ලකුණු 259 ක් රැස් කරමින් එම සටහනේ පෙරමුණ ගෙන සිටින්නේ ඉනිමක ලකුණු ලබා ගැනීමේ සාමාන්‍ය 51.8 ක් රඳවා තබා ගනිමිනි. මෙතෙක් පැවැති තරගවලදී ශතක ලාභී පිතිකරුවන් තිදෙනා අතරට ජයසූරිය වාර්තා කරන ලද ශතකයද ඇතුළත්ව තිබෙන අතර ඊට අමතරව අර්ධ ශතක 2 ක්ද ඔහුගේ නම ඉදිරියෙන් සටහන්ව තිබේ.

ඔහුට අමතරව මිලින්ද සිරිවර්ධන තරග 5 කදී ලකුණු 236 ක් සහ එන්. සී. සී. කණ්ඩායමේ පැතුම් නිස්සකර තරග 3 කදී ලකුණු 230 ක් ලබා මෙවර තරග වාරයේ ලකුණු 200 සීමාව ඉක්මවා ඇති පිතිකරුවෝ බවට පත්ව සිටිති. ෂෙහාන්ට අමතරව සැරසන්ස් ක්‍රීඩා සමාජයේ අෂේන් බණ්ඩාර සහ නුගේගොඩ ක්‍රීඩා සමාජයේ ඉරෝෂ් සමරසූරිය ශතක ලාභී පිතිකරුවෝ බවට පත්ව සිටිති.

පන්දු යවන්නන්ගේ දක්ෂතා

පන්දු යවන්නන් අතර තරග 5 කදී කඩුලු 12 ක් බිඳ හෙළා ඇති පන්දු යවන්නන් සිව් දෙනෙකුම පසුවන නමුත් ඔවුන් අතරින් කඩුල්ලක් දවා ගැනීම සඳහා අවම අගයක් ලබා දී ඇති පන්දු යවන්නා බවට හලාවත මේරිය්ස් ක්‍රීඩා සමාජයේ අසිත ප්‍රනාන්දු පත්ව සිටියි. මෙවර තරගාවලිය යටතේ කඩුලු 5 ක් හෝ ඊට වැඩි සංඛ්‍යාවක් දවා ගෙන සිටින පන්දු යවන්නන් 5 දෙනා අතරට එකතුව සිටින අසිතගේ කඩුල්ලක් දවා ගැනීමේ සාමාන්‍ය 7.08 ක් ලෙසින් සටහන්ව තිබේ. එම දක්ෂතාව මත අදාළ කඩුලු ලාභීන් අතර පළමු තැන අසිතගේ නම වෙනුවෙන් වෙන්ව තිබේ.

ඊට අමතරවම සී. සී. සී. කණ්ඩායමේ මාලින්ද පුෂ්පකුමාර, ගුවන් හමුදා කණ්ඩායමේ ලසඳ රුක්මාල් සහ සංජය රණවීර කඩුලු 12 බැගින් බිඳ හෙළා සිටින සෙසු පන්දු යවන්නෝ වෙති.

Active filters

Recent Posts

  • ශ්‍රී ලංකා ක්‍රීඩිකාවෝ එක්දින තරගාවලියේ පෙරමුණ ගනිති
    ලබන වසරේ පැවැත්වෙන කාන්තා ලෝක කුසලාන තරගාවලියට සුදුසුකම් ලබා ගැනීම සදහා බටහිර ඉන්දීය කොදෙව් සහ ශ්‍රී ලංකා කණ්ඩායම් දෙකටම ඉතාමත් තීරණාත්මක තරගාවලියක් ලෙසින් අද (15 දා) හම්බන්තොටදී ආරම්භ […]
  • චමෝද් සඳරුගේ තුන් ඉරියව් දදක්ෂතා මේරියන්ස් පිලට ජය ගෙනෙයි
    මෙට්ලන්ඩ් පෙදෙසේ එන්.සී.සී. ක්‍රීඩාංගණයේ අද (14) පැවැති මේජර් අන්තර් සමාජ එක්දින සීමිත ඕවර ක්‍රිකට් තරගාවලියේ එන්.සී.සී. සහ චිලව් මේරියන්ස් අතර ක්‍රිකට් තරගයේදී චිලව් මේරියන්ස් කණ්ඩායමේ චමෝද් සඳරු ලකුණු […]
  • ඒස් කැපිටල් පිට පිට දෙවැනි ජය ලබයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ ඒස් කැපිටල් ක්‍රීකට් සමාජය හා එස්එස්සී අතර, ශ්‍රී ලංකා යුද හමුදා යුධෝපකරණ බළකා ජාත්‍යන්තර ක්‍රිකට් ක්‍රීඩාංගණයේ […]
  • ශ්‍රී ලංකා – නේපාල තරගය වැස්සට සේදෙයි
    විස්සයි විස්ස ලෝක කුසලාන ක්‍රිකට් තරගාවලියේ පළමු ජය සොයා පිටියට පිවිසි ශ්‍රී ලංකාව සහ නේපාලය අතර තරගය වර්ෂාව හේතුවෙන් අත්හැර දැමීමට තීරණය කර තිබේ. මේ හේතුවෙන් කණ්ඩායම් දෙකටම […]
  • කොදෙව් කාන්තා පිලට එරෙහි ශ්‍රී ලංකා පිල නම් කරයි
    බටහිර ඉන්දීය කොදෙව් කාන්තා ක්‍රිකට් කණ්ඩායම සමඟ පැවැත්වෙන තරග තුනකින් සමන්විත එක්දින තරගාවලිය සඳහා ක්‍රීඩිකාවන් 15කගෙන් යුත් ශ්‍රී ලංකා කාන්තා ක්‍රිකට් සංචිතය අද ප්‍රකාශයට පත්විය. චමරි අතපත්තුගේ නායකත්වයෙන් […]

Pin It on Pinterest

USD United States (US) dollar