slc
Home   |    News
පෙබරවාරි 1, 2020
පළමු දිනයේදීම රමේෂ් මෙන්ඩිස්ගෙන් ද්විත්ව ශතකයක්

Sri Lanka Cricket

ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ පළමු පෙළ ලීග් ක්‍රිකට් තරගාවලියේ ආරම්භක දිනය වූ අද (ජනවාරි 31 දා) දිනයේදීම ද්විත්ව ශතකයක් වාර්තා කිරීමට මුවර්ස් ක්‍රීඩා සමාජය නියෝජනය කරනු ලබන රමේෂ් මෙන්ඩිස් සමත්විය. 

මීගමුවට එරෙහිව පැවැති තරගයේදී වේගවත් පිතිහරඹයක නියැළුණු රමේෂ් මෙන්ඩිස් ලකුණු 205 කින් සමන්විත ඉනිම සඳහා පන්දු 207 කට පමණක් මුහුණ දුන්නේය. හයේ පහර 6 ක් සහ හතරේ පහර 19 ක් ඇතුළත් වුණු මෙම සුවිශේෂී ඉනිම හේතුවෙන් පළමු දිනයට තරගය නිමා කරන විට මුවර්ස් කණ්ඩායමට කඩුලු 6 ක් දැවී ලකුණු 509 ක් රැස් කර ගැනීමට හැකියාව ලැබිණ. 

මෙම සුවිශේෂී ඉනිමට අමතරව සචිත්‍ර සේරසිංහද ශතකයක් ලබා ගැනීමට සමත්වීම කැපී පෙනිණ.පන්දු 174 කින් සමන්විත වූ සචිත්‍රගේ ලකුණු 149 ක ඉනිමට හයේ පහර 4 ක් සහ හතරේ පහර 18 ක් ඇතුළත්ව තිබිණ. මොවුන් දෙදෙනා අතර සිව්වැනි කඩුල්ල වෙනුවෙන් ගොඩනැංවුණු ලකුණු සම්බන්ධතාවය 294 කි.

මීට අමතරව පළමු දිනයේදී තවත් ශතක 3 ක් වාර්තා කිරීමට සී. සී. සී. පිලේ මිනෝද් භානුක ලකුණු 114 ක් සහ ලසිත් අබේරත්න ලකුණු 113 ක්ද සැරසන්ස් පිලේ ගමිඳු අමරසිංහ ලකුණු 129 ක්ද රැස් කිරීමට සමත්වූහ. මිනෝද් සහ ලසිත් එස්. එස්. සී. පිලට එරෙහිව සිය ශතක වාර්තා කරද්දී ගමිඳු ටැමිල් යුනියන් කණ්ඩායමට එරෙහිව ලකුණු 129 ක් රැස් කළේය. 

Recent Posts

  • පළමු තරගයෙන්ම ශ්‍රී ලංකා යොවුන් පිලට පහසු ජයක්
    අබුඩාබි නුවර අද (20 දා) ආරම්භ වුණු වයස අවුරුදු 19 න් පහළ යොවුන් ක්‍රිකට් තරගාවලියේ සමාරම්භක තරගයේදීම බංග්ලාදේශ යොවුන් පිලට එරෙහිව කඩුලු 5 ක විශිෂ්ඨ ජයක් වාර්තා කරමින් […]
  • ළහිරුගේ නායකත්වයේ ඉනිම කැන්ඩිට පළමු ජය ගෙනෙයි
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේදී නායකත්වයේ ඉනිමක් ක්‍රීඩා කළ කැන්ඩි පිලේ ළහිරු උදාර වාර්තා කළ ලකුණු 109 සමග කැන්ඩි පිල ලකුණු 8ක […]
  • ජැෆ්නා – කළම්බු තරගයට වැස්සෙන් බාධා
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන නැෂනල් සුපර් ලීග් එක්දින තරගාවලියේ ජැෆ්නා හා කළම්බු අතර තරගයේ මුලින් පන්දුවට පහරදුන් කළම්බු පිල ඕවර් 46.3ක් තුලදී කඩුලු 9ක් දැවී ලකුණු […]
  • ශ්‍රී ලංකාව ඉනිමකින් පරාජය කළ නවසීලන්තයට පූර්ණ ටෙස්ට් තරගාවලි ජයක්
      දෙවැනි ඉනිමේදී පිතිකරුවන් ධෛර්යවන්ත පිතිහරඹයක නිරත වූවත් පළමු ඉනිමේ වූ අතපසුවීම මඟහරවා ගැනීමට නොහැකිවීම නිසා වෙලිංටන් නුවරදී පැවැති දෙවැනි ටෙස්ට් තරගයෙන් නවසීලන්තය හමුවේ ශ්‍රී ලංකා කණ්ඩායම ඉනිමක […]
  • 23 න් පහළ අවසන් සටන හෙට සහ අනිද්දා
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ වයස අවුරුදු 23 න් පහළ ප්‍රධානතම නැගී ලීග් ක්‍රිකට් තරගාවලියේ මූවර්ස් ක්‍රීඩා සමාජය සහ රාගම ක්‍රීඩා සමාජය අතර අවසන් මහා […]
LKR Sri Lankan rupee

Pin It on Pinterest