slc
logo
Home   |    News
ඔක්තෝබර් 20, 2020
Commander’s විස්සයි-20 දී ජාතික ක්‍රීඩකයින්ගේ දක්ෂතා කැපී පෙනෙයි

Sri Lanka Cricket

ශ්‍රී ලංකා යුද හමුදාව විසින් පළමු වතාවට සංවිධානය කරන ලද Commander’s විස්සයි-20 ක්‍රිකට් අවසන් මහ තරගයේදී නදර්න් වොරියර්ස් පිල ලකුණු 09 කින් පරාජයට පත් කළ දිනේෂ් චන්දිමාල්ගේ නායකත්වයෙන් යුතු සදර්න් වොරියර්ස් පිල අභිනව ශූරතාව දිනා ගැනීමට සමත්විය.

දොඹගොඩ යුද හමුදා ක්‍රිකට් පිටියේ පැවැති මෙම තරගයේ කාසියේ වාසිය දිනා ගත් චන්දිමාල්ගේ සදර්න් වොරියර්ස් නියමිත පන්දුවාර 20 අවසනදී කඩුලු 6 කට ලකුණු 159 ක් ලබා ගත් අතර ඊට පිළිතුරු ලෙස සීකුගේ ප්‍රසන්නගේ නායකත්වයෙන් යුතු නොදර්න් වොරියර්ස් පිලට රැස් කරගත හැකි වූයේ පන්දුවාර 19 කදී ලකුණු 150 ක් පමණි.

මූලික වටය යටතේ ජයග්‍රහණ 3 බැගින් වාර්තා කිරීමට කණ්ඩායම් 2 ම සමත්වී සිටීම නිසා ඉතාමත් තියුණු මුහුණුවරක් ගත් අවසන් මහ තරගයක් පැවැති අතර එහිදී සදර්න් වොරියර්ස් පිල වෙනුවෙන් අසන්ත බස්නායක ලකුණු 47 ක් ලබා ගනිමින් වැඩිම ලකුණු ලාභියා බවට පත්විය.

තීරණාත්මක අවසන් මහ තරගයේදී ලකුණු 19 කට දැවී ගියද සමස්ථ තරගාවලියේ වැඩිම ලකුණු ලාභියා බවට පත්වෙමින් දක්ෂතම පිතිකරු සම්මානයෙන් පිදුම් ලැබීමටය ශූරතා දිනූ සදර්න් වොරියර්ස් නායක දිනේෂ් චන්දිමාල් සමත්වූවේය. ඔහුට අමතරව තුන් ඉරියව් ක්‍රීඩක වනිඳු හසරංග ලකුණු 29 ක් ලබා ගනිමින් ජයග්‍රහණය සඳහා වැඩි දායකත්වයක් දැක්වීය.

ප්‍රතිවාදී නොදර්න් වොරියර් පිල වෙනුවෙන් නායක සීකුගේ ලකුණු 49 ක් ලබා ගත්තද එය ජයග්‍රහණය සඳහා ප්‍රමාණවත් නොවීය. දසුන් ශානකද එම කණ්ඩායම වෙනුවෙන් ක්‍රීඩා කරමින් ලකුණු 34 ක් ලබා ගන්නා ලද්දේ දෙවැනි වැඩිම ලකුණු ලාභියා බවට පත්වෙමිනි.

පන්දු 23 කට මුහුණ දෙමින් හයේ පහර 6 ක් සහ හතරේ පහර 3 ක් සමඟින් වේගවත් ලකුණු 49 ක් රැස් කරන ලද නායක සීකුගේ කඩුල්ල ඇතුළු ලකුණු 22 කට කඩුලු 3 ක් දවා ගැනීමට සමත්වූ දකුණත් පිට දඟ පන්දු යවන සුමින්ද ලක්ෂාන් අවසන් තරගයේ වීරයා බවට පත්විය.

මේ අතර සමස්ථ තරගාවලියේ වැඩිම ලකුණු ලාභින් අතර ඉදිරියේ පසුවන පිතිකරුවන් 5 දෙනා සහ වැඩිම කඩුලු ලාභී පන්දු යවන්නන් අතර තිදෙනෙකුම ජාතික කණ්ඩායම නියෝජනය කරනු ලබන ක්‍රීඩකයින්වීම කැපී පෙනෙයි. මෙහිදී වැඩිම කඩුලු ලාභීන් අතර තිසර පෙරේරා පෙරමුණට පැමිණෙමින් තරගාවලියේ දක්ෂතම පන්දු යවන්නා සම්මානයෙන්ද පිදුම් ලැබීය.

Active filters

Recent Posts

  • ශ්‍රී ලංකා කාන්තාවෝ කල් ඇතිවම තරගාවලි ජය ලබති
    බටහිර ඉන්දීය කොදෙව් කාන්තා කණ්ඩායම හා ශ්‍රී ලංකා කාන්තා කණ්ඩායම අතර තරග 3කින් සමන්විත අන්තර්ජාතික එක්දින තරගාවලියේ පිට පිට තරග දෙකක් ජයගත් ශ්‍රී ලංකා කාන්තා පිල තරගයක් ඉතිරිව […]
  • 21 න් පහළ අවසන් ගැටුම සෙබස්තියනයිට්ස් සහ මැලේ අතර
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන වයස අවුරුදු 21 න් පහළ ටියර් ‘බී‘ කොටසේ දෙදින ක්‍රිකට් තරගාවලියේ අවසන් මහ සටන සඳහා සුදුසුකම් ලබා ගැනීමට මොරටුව සෙබස්තියනයිට්ස් සහ මැලේ […]
  • ආණ්ඩුකාර කුසලාන අවසන් පූර්ව තරග ජුනි 22 වැනිදා  
    ශ්‍රී ලංකා ක්‍රිකට් ආයතනය විසින් සංවිධානය කරනු ලබන ආණ්ඩුකාර කුසලාන පන්දුවාර 50 ක්‍රිකට් තරගාවලියේ අවසන් මහ තරග අවස්ථාව උදාකර ගැනීම වෙනුවෙන් වන අවසන් කඩඉම වන අර්ධ අවසන් තරග […]
  • ජයග්‍රහණයක් සමඟින් ශ්‍රී ලංකාව ලෝක කුසලාන ගමන නිමා කරයි
    ග්‍රොස් අයිලට් නුවර ඩැරන් සාමි ජාතික ක්‍රීඩාංගණයේ පැවැති තරගයේදී නෙදර්ලන්ත පිලට එරෙහිව ලකුණු 83 ක විශිෂ්ඨ තරග ජයග්‍රහණයක් වාර්තා කළ ශ්‍රී ලංකා කණ්ඩායම 2024 පන්දුවාර විස්සයි-20 ලෝක කුසලාන ගමන […]
  • සී.සී.සී. අපරාජිතව පෙරමුණේ
    ශ්‍රී ලංකා ක්‍රිකට් ආයතනයේ මෙහෙයවීමෙන් පැවැත්වෙන අන්තර් සමාජ සීමිත ඕවර් ක්‍රිකට් තරගාවලියේ අද (16) නිමාවූ සීසීසී හා මුවර්ස් ක්‍රීඩා සමාජය අතර බ්ලූම්ෆීල්ඩ් ක්‍රීඩාංගණයේ පැවැති තරගයේදී ලකුණු 74ක ජයක් […]

Pin It on Pinterest

USD United States (US) dollar