slc
Home   |    News
දෙසැම්බර් 2, 2020
අෆ්රිඩි යයි – නව නායකයා භානුක රාජපක්ෂ

sinhala editor

“My11Circle ලංකා ප්‍රිමියර් ලීග්” පන්දුවාර විස්සයි-20 ක්‍රිකට් තරගාවලිය නියෝජනය කරනු ලබන ගෝල් ග්ලැඩියේටර්ස් කණ්ඩායමේ නායක ශහිඩ් අෆ්රිඩි හදිසියේම අද (02 දා) රාත්‍රියේදී යළිත් පාකිස්තානය බලා යෑමට තීරණය කර තිබේ. පෞද්ගලික කාරණාවක් හේතුවෙන් ඔහු මෙම තීරණය ගෙන තිබෙන බව කණ්ඩායමේ මාධ්‍ය සඳහන් කර සිටියි.

හදිසියේම සිය රට බලා යෑමට තීරණය කර තිබීම සම්බන්ධව සිය ට්විටර් ගිණුමේ පණිවිඩයක් තබා ඇති අෆ්රිඩි, “අවාසනාවකට වගේ මට නැවතත් පෞද්ගලික කාරණාවක් හේතුවෙන් ගෙදර බලා යෑමට සිද්ධ වෙලා තියෙනවා. ඒක හදිසි තීරණයක්. තත්ත්වය නිරාකරණය කරගත් විගස මම නැවතත් එල්.පී.එල්. තරගාවලියේදී මගේ කණ්ඩායමට එකතු වෙන්න බලාපොරොත්තු වෙනවා. සියල්ලම සාර්ථක වෙන්න කියලා ප්‍රාර්ථනා කරනවා”යි යනුවෙනි.

තරගාවලියට එක්වීමේදී පැමිණීමට නියමිතව තිබූ ගුවන් යානය මඟ හැරුණු නමුත්, ගෝල් ග්ලැඩියේටර් පිල තරග වැදි පළමු තරගයේ කණ්ඩායම මෙහෙයවීමට අෆ්රිඩි අවස්ථාව උදාවිය. කෙසේ වෙතත් ඔහුගේ නායකත්වය යටතේ පැවැති තරග 3 ම ගෝල් ග්ලැඩියේටර් පිල පරාජයට පත්වීම කැපී පෙනිණ.

නැවත පැමිණෙන දිනය සම්බන්ධව නිශ්චිත සඳහනක් නොමැති වුවත්, නැවත පැමිණීමේදී දින 3 ක නීරෝධායනය කාල සීමාවකට යටත්ව සිටි නැවත කණ්ඩායමට ක්‍රීඩා කිරීමේ අවස්ථාව අෆ්රිඩිට හිමිවෙනු ඇත. කෙසේ වෙතත් කණ්ඩායම මෙහෙයවීමේ වගකීම උප නායකයා ලෙසින් කටයුතු කළ භානුක රාජපක්ෂට ලබාදීමට එම කලමනාකාරීත්වය පියවර ගෙන තිබේ.

මේ අතර දඹුල්ල වයිකින්ස් කණ්ඩායමේ විදෙස් ක්‍රීඩකයකු ලෙසින කටයුතු කළ අෆ්ටාබ් අලාම් නැවතත් ඇෆ්ගනිස්තානය වෙත බලා ගිය බව එම කණ්ඩායම මාධ්‍ය නිවේදනයනක් නිකුත් කරමින් සඳහන් කර සිටියි. පෞද්ගලික හේතුවක් මත ඔහු නැවතත් සිය රට බලා ගිය බව එම නිවේදනයේ වැඩිදුරටත් සඳහන් වෙයි. 28 හැවිරිදි වියේ පසුවන අෆ්ටාබ් දකුණතින් මඳ වේග පන්දු යවමින් ජැෆ්නා ස්ටැලියන්ස්ට එරෙහිව තරගයේදී පන්දුවාර 3 ක් යවමින් ලකුණු 22 කට එක් කඩුල්ලක් දවා ගැනීමට සමත්විය.

Recent Posts

  • ශ්‍රී ලංකාව පන්දු යැවීමට තීරණය කරයි
    නවසීලන්තයට එරෙහිව ඕක්ලන්ඩ්හිදී පැවැත්වෙන පළමු එක්දින තරගයේ කාසියේ වාසිය දිනා ගත් ශ්‍රී ලංකා නායක දසුන් ශානක පළමුව පන්දුවට පහර දීම සඳහා සත්කාරක නවසීලන්ත කණ්ඩායමට ආරාධනා කර සිටියේය. මෙම […]
  • අවධානම අඩු කර ගැනීමේ පළමු සටනට ශ්‍රී ලංකා පිල සූදානම් – දසුන්
    BY CHAMILA KARAWITA ලෝක කුසලාන ක්‍රිකට් තරගාවලියට සුදුසුකම් ලබා ගැනීම වෙනුවෙන් පැවැත්වෙන සුපිරි ලීග් තරගාවලිය යටතේ ශ්‍රී ලංකා කණ්ඩායම සහභාගිවන අවසන් එක්දින තරගාවලිය නවසීලන්ත කණ්ඩායමට එරෙහිව හෙට (25 […]
  • දඹුල්ල සිව්වැනි ජයත් සමඟින් අපරාජිතව ඉදිරියට
    නැෂනල් සුපර් ලීග් එක්දින සීමිත පන්දුවාර ක්‍රිකට් තරගාවලියේ අද (23 දා) රංගිරි දඹුලු ජාත්‍යන්තර ක්‍රීඩාංගණයේ පැවැති තරගයේදී ජැෆ්නා කණ්ඩායම ලකුණු 76 ක පරාජයකට ඇද දැමූ දඹුල්ල කණ්ඩායම පිට […]
  • කෲස්පුල්ලේගෙන් අනුකම්පා විරහිත පිතිහරඹයක්
    ශ්‍රී ලංකා ක්‍රිකට් ආයතනය විසින් මෙහෙයවනු ලබන නැෂනල් සුපර් ලීග් සීමිත පන්දුවාර ක්‍රිකට් තරගාවලියේ මූලික තරග වටය යටතේ අද (23 දා) පල්ලකැලේ ජාත්‍යන්තර ක්‍රීඩාංගණයේ පැවැති තරගයේදී ලකුණු 167 […]
  • යාපනයේ ක්‍රිකට් ගැන විතූෂාන් කතා කරයි
    යාපනයේ සිට පැමිණි තරුණි තරුණ ක්‍රිකට් ක්‍රීඩකයන් පස්දෙනෙකුම මේ වන විට අන්තර් සමාජ නියෝජනය කරමින් ජාතික මට්ටමෙන් තරග කරන අතර ඔවුනගේ අපේක්ෂාව වන්නේ ජාතික කණ්ඩායමට ඇතුළත්ව මව්බිමට කීර්තියක් […]
LKR Sri Lankan rupee

Pin It on Pinterest